文／羅烜淳，苗栗公館客家人（腔頭：四縣腔）
記得係差毋多十年前，屋下走來一隻貓仔，毛色係灰色合一息仔白色，專門在食飯時節來討食，先先毋知佢係哪位來个貓仔，就餵兜罐頭分佢食，無想著這一餵，佢就開始戴吾屋下。逐擺到了食飯時間又當準時，在門口坐正來等食飯。有成時還帶等厥朋友共下來討食，實在當生趣！
在堵著佢該日開始，逐日下課就想愛遽遽轉屋下尋佢兜尞，可能乜係因為摎?兜較熟識了，逐擺看著亻恩屋下人行啊出來，毋會喵喵滾，顛倒會行啊過來磨?兜个褲腳，續下來就會橫到地泥項愛?兜摸，係當得人惜个一隻貓仔！
過了好多年，有一擺在屋下个雞塒前面看著一隻貓嫲帶等幾下隻貓子，貓子係黃貓仔、貓嫲身項有三種色。貓嫲看起來當惡，想講佢兜毋知係哪位走過來个，可能過幾點鐘就會換別位歇。過了幾下日，在雞塒該片又看著貓嫲摎一隻貓子，乜毋知其他家貓子去哪了，仰會伸一隻貓子定定。該央時看著佢兩隻瘦夾夾仔，像支竹篙樣仔，尤其貓子可能喊歸日了，強強會無聲吔！看著有人行啊過去就開始喵喵滾，下後又囥在雞塒脣項个縫仔裡肚。
續等幾隻暗晡乜共樣个情形，屋下人驚怕佢兜餓著，就準備貓仔食个罐頭愛分佢兜食。先先佢兜還係當驚人毋敢出來食，下後?兜拿出一支竹修仔在罐頭面前晃啊晃，好搞个貓子就先走出來搞，下後發現有好食正開始食東西，毋過貓嫲還係囥在縫仔肚項看等貓子。差毋多過了一禮拜，貓嫲正摎貓子共下食東西，逐擺佢兜在該食東西，貓嫲會分貓子先食，貓子當會推，故所等到貓子食忒貓嫲乜無好食了。一隻月過後，貓子就變到圓滾滾仔，貓嫲共樣瘦夾夾仔。還過見擺餵佢兜食東西，?就會摎貓嫲講：「莫再過恁慣勢，分若貓子先食吔，自家乜愛食正做得！」該央時開始，?就用兩隻碗分佢兜食東西，乜較毋會相打，這下貓嫲食到比貓子還較肥。
本旦阿婆當毋好貓仔，講佢兜个毛會飛到滿哪仔當得人惱，故所有貓仔愛來摸佢係無可能个事情，因為這兩隻貓仔个出現，下後又因為佢兜逐日會坐在屋面前喵喵滾，等等屋下人來摸佢。幾下隻月過後，發現本旦毋好摸貓仔个阿婆，在貓仔橫在地泥項个時節，會意思意思摸一下佢。有一駁仔屋面前全無貓仔來討食，試著生活裡肚就像少了麼个，生活裡肚還係愛有兜仔得人惜个動物試著會較放鬆一息仔。
華語
記得差不多十年前，家裡跑來了一隻貓，毛色是灰色參雜一點白色，專門會在吃飯的時候前來討吃，一開始還不知道是哪裡來的貓咪，就餵了些罐頭給牠吃，沒想到這一餵，牠就在我們家長久地待了下來。每次到了吃飯的時候又很準時，有時候還會帶著牠的朋友一起來討食物，實在很有趣！
自從遇到了牠們之後，每天下課只想要趕快回家跟牠們玩，可能也是因為跟我們比較熟悉了，每次看到我們從屋子裡走出來，不會喵喵叫，反而會走過來磨蹭我們的褲腳，然後就躺在地上讓我們摸，真的是非常可愛的一隻貓！
過了很多年後，有一次在家裡的雞舍前面看到一隻母貓帶著幾隻小貓，小貓是橘貓、母貓是三花貓。母貓看起來很兇，那時候想說他們可能是不知道從哪裡跑來的，可能過個幾個小時就會去別的地方休息了吧。過了幾天，再次在雞舍那邊看到母貓跟一隻小貓，也不知道其他隻小貓去哪裡了，怎麼會剩下一隻小貓而已。那時候看牠們瘦的像支竹竿，尤其小貓可能是叫了一整天了，都叫到快沒聲音了！看到有人走過去就開始喵喵叫，然後又躲回雞舍旁的隙縫裡頭。
接下來的幾個晚上也是一樣的情形，家人怕牠們餓到，就準備了貓罐頭要讓牠們吃。一開始牠們還處於怕人的階段所以不敢出來吃東西，之後我們拿出一支竹枝在罐頭面前晃阿晃，愛玩的小貓就先跑出來玩了，接著發現有食物就開始吃，不過母貓還是很警戒的躲在縫隙裡面看著小貓。差不多過了一個禮拜，才看到母貓跟小貓一起在吃罐頭，每次牠們在吃罐頭，母貓都會讓小貓先吃，小貓很會吃，等到小貓吃完母貓也沒得吃了。一個月過後，小貓長得圓滾滾的，母貓還是一樣瘦。之後每一次餵牠們吃罐頭，就會跟母貓說:「不要再習慣讓小貓先吃了，自己也要吃到食物才可以！」從那時候開始，我們就用兩個碗來讓牠們分開吃，也避免牠們為了搶食而打架，現在母貓的身材比小貓還要圓滾滾。
本來奶奶很不喜歡貓，說牠們的毛會到處都是很討厭，所以只要有貓想要磨蹭她是不太可能的事情。而因為這兩隻貓的出現，然後又因為牠們每天都會坐在我們家門前喵喵叫，等著家人摸牠。過了幾個月，有一次在摸貓時發現原本不喜歡貓的奶奶，在貓躺在地上時，會意思意思摸牠一下。有一陣子家門前完全都沒有貓來討吃，就覺得生活裡好像少了什麼，果然生活當中還是要有些可愛的動物參與才會覺得比較放鬆一些。
