文／黃靖騰，苗栗縣客家人。李文煥教師客語文寫作指導。
一隻熱天个下晝頭，台北植物園个細路仔項，顛倒涼沁沁仔十分鬆爽，這片係阿青仔厥姆食頭路个地方。有一擺，?摎阿青仔像往擺共樣來這搭仔遶尞，定定仔行在浸青个樹蔭下。阿青仔同?共樣係對莊下來个後生仔，佢目前還在台北讀大學，?既經大學卒業當在該尋頭路，?兩儕係熟事當久个好朋友。
旋旋風，阿青仔發覺著有兩隻膨尾鼠子，佢兜勼等凴在樹頭下緊顫。還過歸身毛鬞鬞仔，親像係有著傷个樣仔。阿青仔一旦就係當好細動物，見著這對衰過个細生命，佢心肚艱苦就像「十二月个芥菜－－傷心。」
?兜詳細看了後，發覺兩隻細膨尾鼠身項有幼幼仔个傷口，胚想可能係對竇肚跌下來搣著个。兩隻膨尾鼠子殗殗吂開目，異像係正出世無幾久，可能有一段時間無食著乳了。阿青仔當煞手，細心細意摎佢兜帶轉屋下急救。
阿青仔識畜過狗仔、貓仔，毋過就係吂識畜過恁細个膨尾鼠子，佢先用棉花球搵水捽淨佢兜个圓身，再慢慢仔梳亮該背囊毛，摎佢兩隻膏藥仔，尋一隻紙伯箱仔暫時做佢等个「間房」。接下來，阿青仔開始上網搜尋資料，打探適合細膨尾鼠个食物，總算得著專家个建議，買來特別製作个乳粉，一口一口定定仔飼佢兜。
日見日過去，阿青仔日合夜在該渡這對得人惜个膨尾鼠。漸漸仔，佢兜開目了、傷口結瘌了，四支腳乜緊來緊有力。阿青仔十分歡喜，有成時會帶等佢兜去逛街，由在佢兜對背囊包裡肚探出細細个頭那。
一?目，對拈著佢兜該日到今，過忒個零月了。毋多知仔，新學期就愛開始了。阿青仔帶等一息仔愁慮同?講，係講佢轉去學校讀書，就當難繼續渡這對細膨尾鼠了。
?問阿青仔：「你敢有考慮摎佢兜放轉大自然無？」阿青仔應：「有想過，毋過這兩隻細膨尾鼠係?人工飼大个，係講放轉大自然去，定著無恁遽做得適應。」忽然間，?想著一個方法：「吾屋下在造橋鄉个山排脣，若係放在吾屋下?畜，無定著佢兜當遽就學得會在自然生存个本等。恁仔安排，你試著仰般？」阿青仔：「好！恁仔當好！」
見擺放尞，?等會湊等共下轉造橋，逐擺?兜正行到屋脣定定，佢兜就會對樹林肚舂出來，蹶上?兜个肩頭跍等，親像係迎接自家个親人共樣。這兩隻細膨尾鼠已經毋使?兜个特別照顧了，佢兜已經做得自家絡食，佢兩隻過到當好，?同阿青仔个友情乜因為這對膨尾鼠變到還較好。
華語
一個夏天的午後，台北植物園的小徑上，反而涼涼的十分舒服，這邊是阿青她媽媽工作的地方。有一次，我和阿青像往常一樣來這附近漫遊，緩緩的走在翠綠的樹蔭下。阿青與我一樣是從鄉下來的年輕人，她目前還在台北讀大學，我已經大學畢業正在那找工作，我兩人是認識滿久的好朋友。
突然間，阿青發現到有兩隻松鼠幼鼠，他們蜷曲著靠在樹根直發抖。還有全的身毛凌亂，很像是有受傷的樣子。阿青向來就是很愛小動物，見著這對可憐的小生命，她心裡難過就像「十二月的芥菜——傷心。」
我們仔細看過後，發現兩隻小松鼠身上有細細的傷口，推測可能是從巢裡跌下來搞出來的。兩隻松鼠幼鼠殗殗一息眼睛還沒睜開，好像是剛出世沒多久，可能有一段時間沒吃到奶了。阿青速度很快，很小心地把他們帶回家急救。
阿青曾經養過狗、貓，但就是不曾養過這麼小的松鼠幼鼠，她先用棉花球沾水擦淨他們的身體，再慢慢的梳整齊那背毛，把他們兩隻上藥，找一個硬紙箱暫時做他們的「房間」。接下來，阿青開始上網搜尋資料，打聽適合小松鼠的食物，總算得到專家的建議，買來特製的奶粉，一口一口慢慢的餵他們。
日子一天天過去，阿青日以繼夜的在照顧這對可愛的松鼠。漸漸的，他們眼睛睜開了、傷口結痂了，四隻腳也愈來愈有力。阿青非常歡喜，有時候會帶著他們去逛街，隨便他們從背包中探出小小的頭。
一眨眼，從撿回他們那天到現在，過了一個多月了。不知不覺，新學期就要開始了。阿青帶著一點點憂愁和我說，如果她回去學校讀書，就很難繼續照顧這對小松鼠了。
我問阿青：「你是否有考慮把他們放回大自然呢？」阿青應：「有想過，但是這兩隻小松鼠是我人工餵養大的，若是放回大自然裡，一定沒那麼快能適應。」忽然間，我想到一個方法：「我的家在造橋鄉的山腳下，若是放在我家幫忙養，說不定他們很快就能學會在自然界生存的本領。這樣安排，你覺得如何？」阿青：「好！這樣很棒！」
每回放假，我們會約好一起回造橋，每次我們剛走到屋旁而已，他們就會從樹林裡衝出來，爬上我們的肩上蹲著，就像是迎接自己的親人一樣。這兩隻小松鼠已經不必我們的特別照顧了，他們已經能夠自己覓食，他們兩隻過的很好，我和阿青的友情也因為這對松鼠變得更堅定。
