文／羅烜淳，環境工程師，苗栗公館客家人（腔頭：四縣腔）

在這下个社會，大自家就知講身體健康盡重要，識聽過：假使有一百萬，無頭前該隻一就麼个就無。乜有人摎這句話摎身體康健講共下講，意思係賺還較多錢就比毋上身體康健。摎幾下十年前相比，這下社會腳步較遽，做事、上課逐樣事情就分人要求愛遽又愛好，還在該讀書个學生仔愛準備考試，輒常讀到三更半夜，逐日又愛恁早䟘床赴車仔去學校，讀書就無麼个時間了，哪有時間睡目？

上班个人乜共樣，做事做好斯無相干，有成時到了下班時間，事嗄吂做好，還愛加班！ ?識聽過朋友講，佢生日該日在公司加班到三更半夜，直接拿加班來做厥生日等路。係壓力昶大，身體可能就會輒常出問題，故所這下逐日就會聽著麼人又發麼个病、麼人又發麼个病。

愛身體康健，除忒運動摎睡目以外，食落去肚項个東西乜當重要，記得小學个時節逐日就聽著：「天天5蔬果，健康天天有」，該央時乜無試著這係當重要个事情，因為逐日當晝就摎同學拿等便當盒仔去裝菜就做得了，毋知麼个時候開始，會摎同學共下看今晡日當晝食麼个菜，看等單仔項寫个菜，反正乜毋知係麼个菜，食就著了。

因為小學摎國中當晝就有人會煮便便，毋使自家想愛食麼个，乜因為國小、國中係細人仔當在該發育，營養定著係毋會少，毋過在高中開始，可能愛自家帶便當抑係買外背个東西來食，就輒常會為著利便，買泡麵來過餐，顛倒較毋會食著青菜。後來看著一隻方法，安到「天弓飲食法」，天弓有七種色，這隻方法意思係講逐種色目个食物至少愛吃著，逐種色目有無共樣个功能，盡重要係愛食天然个食物，像係番瓜、包粟，食落去正毋會對身體有負擔。

身體康健係這下人盡注重个事情，逐日食著罅多个營養對亻恩俚个身體單淨有好處無壞處，自家个身體比賺錢該兜還較重要，輒常發病無論對做事、讀書就無麼个好處，逐日就無精無神想愛睡目，根本就無法度專心做事情，故所摎身體顧好來正做得做當多事情，這正一等重要！

華語

在現代社會，大家都知道身體健康是最重要的，有一句話說：假設一個人有一百萬，但是沒有最前面那個一，就什麼都沒有了。也有人把這句話拿來比喻健康，前面的一就代表著健康，就算賺再多錢也比不上健康重要。跟幾十年前相比，現代社會步調比較快，上課、工作每一件事情都被要求快狠準，學生平時要準備考試，早上還得早起趕校車，讀書都已經沒什麼時間了，更何況是睡覺呢？

上班族也是一樣，事情做得好倒還沒關係，有時候卻是到了下班時間，事情卻還沒做完，只能加班把事情做完!我曾聽朋友說過，他生日當天在公司加班到半夜，那年的生日禮物就是加班。若壓力太大，身體就比較容易出問題，所以每天都會聽到誰又生什麼病、誰又生什麼病。

想要顧好身體，是除了運動跟充足睡眠之外，每天吃進肚子裡的東西也相當重要，記得小學的時候每天都聽到:「天天5蔬果，健康天天有」，那時候也沒有覺得這是什麼重要的事情，因為只要每天中午跟同學拿著便當盒裝午餐就好，也不用多思考什麼。不知道從什麼時候開始，會跟著同學一起看今天中午有什麼菜色，看著單子上寫的菜色，反正也看不懂，吃就對了。

因為小學跟國中的中午都是有人煮好，所以也不用思考要吃什麼，也因為國小、國中正值小孩的青春發育期，所以該有的營養一定不會少，不過從高中開始，可能要自家帶便當或是買外食來吃，常常為了方便而用泡麵解決一餐，反而很少吃青菜。後來得知有一種飲食法是「彩虹飲食法」，彩虹有七種顏色，這個方法的意思是每種顏色的食物至少都要吃到，每個顏色都有不同的功用，最重要的還是要吃天然的食物，像是南瓜、玉米，吃下肚才不會對身體造成負擔。

身體健康是現代人最注重的事情，每天吃足夠的營養對身體只有益處沒有壞處，自己的身體健康比起賺錢都還要重要，常常生病不管是對工作還是讀書都沒什麼好處，每天無精打采想睡覺沒辦法好好做事情，所以要先把身體顧好才能把事情做好，這才是最重要的！