【華文版】
楊文科率團訪馬來西亞沙巴 推台馬客家文化交流
【周碩興／新竹湖口饒平腔】有近七成約40萬客家人口的新竹縣，是台灣客家人口最密集的縣市。新竹縣長楊文科近日率隊赴馬來西亞沙巴，參訪納閩聯邦直轄區客家公會聯合會、亞庇客家公會及沙巴崇正中學等海外客家團體，汲取海外客家文化保存傳承國際經驗，並分享新竹縣推動客家文化保存的政策與成效。
楊文科稱讚，亞庇客家公會非常了不起，凝聚力非常強，推動傳承客家成績斐然，充分展現客家精神，公會主席拿督楊菊明去年也獲客委會頒發客家事務專業一等獎章的肯定。這次來到沙巴州非常感動，看到客家人如此團結用心傳承客家文化，讓客家精神永續留存。
亞庇客家公會主席拿督楊菊明表示，沙巴是一個多元族群融合的地方，有英語、馬來語、客語、華語，要保存客家人的母語不容易，他認為傳承客語最重要的還是要從家庭講客語開始。
楊文科表示，新竹縣說是全台客家文化保存和發展的重鎮，轄內也積極推動各項客家政策和計畫，不僅要求主管開會時要講客語，廣開客語研習班，鼓勵客語能力認證，提升客語使用率，歡迎亞庇客家公會及崇正中學與新竹縣多多交流，並請縣府教育局、文化局共同規劃雙方戲劇、體育及音樂等方面的交流活動，共同為推動客家語言文化努力。
【客文版】
新竹縣長楊文科渡團到馬來西亞沙巴訪問 推廣台灣摎馬來西亞客家文化交流
新竹縣有接近七成大約40萬个客家人口，係台灣客家人口最集中个縣市。新竹縣長楊文科這站仔帶隊到馬來西亞沙巴，參訪納閩聯邦直轄區客家公會聯合會、亞庇客家公會摎沙巴崇正中學這兜海外客家機關摎社團，學習海外客家文化保存摎傳承國際經驗，還有分享新竹縣推動客家文化保存个政策摎成效。
楊文科阿腦亞庇客家公會非常了不起，向心力非常強，推動傳承客家成績當好，充分展現客家精神，公會主席拿督楊菊明舊年也得著客委會頒發个客家事務專業一等獎章个肯定。這擺來到沙巴州非常感動，䀴著客家人恁團結用心傳承客家文化，讓客家精神永續留存。
亞庇客家公會主席拿督楊菊明表示，沙巴係一隻多元族群融合个所在，有英語、馬來語、客語、華語，愛保存客家人个母語無恁該，楊菊明認為傳承客語最重要个還係愛從屋下講客語開始。
楊文科表示，新竹縣係全台灣客家文化保存摎發展个重要所在，縣內也煞猛推動各項客家政策摎計畫，毋單淨要求主管開會个時節愛講客語，鼓勵開設客語研習班，摎客語認證，提升客語使用率，歡迎亞庇客家公會摎崇正中學摎新竹縣多多交流，還有請縣政府教育局、文化局共下規劃雙方戲劇、體育摎音樂這兜方面个交流活動，共下推動客家語言文化煞猛來打拚。
｜網路收聽｜
▹講客廣播電臺官網｜https://pse.is/R8RU8
▹講客廣播電臺APP｜
(Android連結：https://reurl.cc/8GWlXd)
(IOS連結：https://reurl.cc/O1pb59 )
歡迎大家下載講客廣播電臺APP，共下講客Let’s fly
