文／李文煥，國中特教先生，苗栗縣客家人（四縣腔）
頭擺在一個庄頭，有一個當有孝个後生人安到阿文牯。阿文牯十歲个時節，厥爸就過身了，厥姆一儕渡佢摎阿哥兩兄弟大，逐日灶頭鑊尾、耕田針線、畜雞餵鴨，為着生活無閒到操操轉，好得兩兄弟一旦都當乖，感情和挼毋識有事分阿姆操煩。
一?目兩兄弟長大成人，阿哥平常上山撿樵打獵，阿文牯負責做田種菜，一家三儕日仔過到當踏實。有一日大哥上山打獵愛轉夜个時節，看着一隻烏山雞對面前走過，佢黏時射箭打着該隻山雞，山雞嗄奮命舂入山肚，該時已經團烏了，若係逐該隻烏山雞落去，驚怕會尋無路轉。毋過大哥一旦較貪，連想也無想就逐等下去。仰知山雞旋風無見忒，嗄看著一個戴等紅帽仔个細阿妹跍在頭前噭眵。
大哥講：「細妹仔，你仰會在這噭？」細阿妹仔講：「?係跈屋下人出門做生理，半路仔堵着搶劫，淨?一儕人走出來，同屋下人失散了。嗚!?愛仰般正好？大哥講：「細阿妹莫驚，先跈?轉屋，正來想辦法尋若屋下人。」半年過後，細阿妹還係尋毋着屋下人，包尾嫁分大哥做餔娘。大哥結婚過後無幾久，一旦康健个阿姆嗄發病，盡後變到迷迷痴痴，連生活就愛人照顧。
大哥乜性體大變，有一日佢摎阿文牯講：「?既經討餔娘了，財產應當愛分分啊!山排下該垤地摎屋仔分你，過來阿姆你帶走，?正無愛服侍老貨仔？」
第二日，阿文牯帶等痴呆个阿姆徙去老屋戴，老實个阿文牯心肚無怨怪大哥，佢想：「阿哥定著係堵着麼个事情正會變款，?好好照顧阿姆，總有一日阿哥會回頭个。」話講，阿文牯分着个地實在毋好，毋單淨土泥質毋好，還過當多石粒仔，係根本無法種出禾仔个地。阿文牯為着阿姆同自家个生活，還係煞猛整地種菜去街項賣，逐日抽間去打山產轉來有孝阿姆。
有一擺，阿文牯天甫光就去山肚摘野菜。佢行到一個山排，正愛伸手去摘菜个時節，忽然間，山排下个芒草堆緊停動，阿文牯頓恬下來端詳，「啊!原來係一隻著傷个貓頭鳥。」該隻傷个貓頭鳥目金金仔緊看阿文牯，佢歸身仔驚到激激顫，拚命撥翼還係飛毋起來。阿文牯摎貓頭鳥講：「細鳥仔，你毋使驚!?毋會傷害你，你當像係翼胛著傷了。細鳥仔，你放心跈?轉去，?會摎你醫好个啦!」講乜生趣，該隻貓頭鳥像聽得識阿文牯講个話，竟然就恬下來，馴馴仔分佢捉起來帶轉屋下去!
阿文牯摎貓頭鳥帶轉屋細心照顧，半隻月過後貓頭鳥个翼胛好吔，暗晡頭乜做得在屋肚飛上飛下了。這一駁仔照顧貓頭鳥，阿文牯摎佢當做係自家个朋友，逐日食飽夜就會同佢講心事，貓頭鳥逐擺乜係眼睛睛緊看阿文牯。又過半隻月，阿文牯摎貓頭鳥講：「細鳥仔，你个傷好了，應當愛轉若山肚个屋下了!暗晡夜就來放你轉，你愛細義毋好再過著傷哩喲！」
故事還吂結束，阿文牯一家下後會變仰般？貓頭鳥有飛轉山肚無？故事結尾請看下集。
華語
從前在一個村莊，有一個很孝順的年青人叫做阿文。阿文十歲的時候，他的爸爸就過世了，他的媽媽獨自扶養他們兩兄弟長大，每天廚房裡忙、耕田針線、養雞餵鴨，為着生活十分忙碌，幸好兩兄弟向來都很乖，感情和睦不曾有事讓母親煩惱。
一眨眼兩兄弟長大成人，阿哥平常上山拾柴打獵，阿文負責耕田種菜，一家三口日子過得很篤實。有一日大哥上山打獵黃昏正要返家時，看見一隻黑山雞從前方跑過，他馬上射箭打中那隻山雞，山雞卻拚命衝進山窩裡，那時已經天色有點暗了，若是追那隻黑山雞下去，可能會找不到路回。不過大哥向來比較貪心，連想都沒想就追著下去。哪裡知山雞突然不見了，卻看見一個戴著紅帽的阿妹蹲在前面哭泣。
大哥講：「小妹，你怎麼會在這哭？」小阿妹說：「我是跟家人出門做生意，半路遇到了搶劫，只有我一個人逃出來，和家人失散了。嗚!我要怎麼辦才好？大哥說：「小阿妹不用害怕，先跟我回家，再來想辦法尋你的家人。」半年過後，小阿妹還是找不到失散家人，最後嫁給大哥做妻子。大哥結婚之後沒多久，一向健康的媽媽卻生病，最後變成迷迷痴痴，連生活都要人照料。
大哥也性格大變，有一天他和阿文講：「我已經討老婆了，財產應當分一分呀!山坡下那塊地和屋子分你，還有媽媽你帶去，我才不要服伺老頭子？」
第二日，阿文帶等痴呆的母親搬去老房子住，老實的阿文心裡並沒埋怨大哥，他想：「大哥一定是遇到什麼事情才會變樣，我好好照顧媽媽，總有一天大哥會回頭的。」話說，阿文分到的地實在不好，不只是土質差，還有很多石礫，是根本無法種出稻子的地。阿文為了媽媽和自己的生活，還是努力整地種菜去街上賣，每天抽空去打山產回來孝敬母親。
有一次，阿文天微亮就去山裡採野菜。他走到一個山坡下，正要伸手去摘菜的時候，忽然間，山坡旁的芒草堆一直搖動，阿文停下來看清楚，「啊!原來是一隻受傷的貓頭鷹。」那受傷的貓頭鷹眼睛睜大一直看著阿文，牠全身嚇到一發抖，拚命拍翅膀還是飛不起來。阿文向貓頭鷹說：「小鳥兒，你不用怕！!我不會傷害你，你很像是翅膀受傷了。小鳥兒，你放心跟我回家，我會把你醫好的啦!」說也有趣，那隻貓頭鷹像是聽得懂阿文說的話，竟然就靜下來，乖乖讓他捉起來帶回家去!
阿文把貓頭鷹帶回家細心照顧，半個月以後貓頭鷹的翅膀好了，晚上也能在屋裡飛上飛下了。這一陣子照顧貓頭鷹，阿文把他當做是自己的朋友，每天晚餐後就會和他講心事，貓頭鷹每回也是睜大雙眼直看阿文。又過了半個月，阿文向貓頭鷹說：「小鳥兒，你的傷好了，應該要回你山裡的家了!今晚就來放你回，你要小心不要再受傷了哦！」
故事還沒有結束，阿文一家之後會怎樣？貓頭鷹有飛回山裡嗎？故事結尾請看下集。
