文／曾紫寧，國中二年級學生，桃園龍潭客家人（四縣腔），感謝邱鴻春先生指導客語寫作。
俗話講：「打田打地，打毋忒手藝（註：對毋好放棄，恁樣做麼个事情正會圓滿順序）」一技之長在身項，大了就毋驚無頭路。故所?從國小四年生个時節，因為先生个鼓勵，就開始參加大大細細个語文競賽，從學校裡肚个客語演講開始，後來參加了區複賽，有了幾擺个比賽經驗後，竟然慢慢仔對客語演講有了興趣，也試著客家話對?來講盡生趣、盡有意義。
上了國中，在一年一度个語文競賽中，幸運拿著代表學校參加區複賽个名額，從這開始，?國中一年生个生活嗄變著無共樣咧。在區複賽，因為人數毋罅，故所全部晉級決賽，學校指導?个先生，知參加決賽个人，定著會比區複賽厲害盡多，故所先生每一日要求寫一篇稿，第二日摎?練習，聽發音、看動作、表情。該央時，?正經試著當愁慮！仰會恁辛苦呢？同學下課在該打嘴鼓、打籃球，?嗄在該寫稿，逐日放學轉屋下都額結結仔！
總算到了比賽个日仔，入到比賽个教室，歸間恬索索仔，分?試著盡緊張。毋過還係當順利摎文章唸煞。下晝頭看成績該時就想，係做得晉級決賽就當無簡單咧，當做一擺經驗就好，結果無想著，第一名該項寫等曾紫寧，一看著成績，?黏時就在膨凳頂跳起來，心情斯像天轉笠嫲花，歡喜到耐毋得！
續等就愛準備全國賽咧，續下來个兩隻月，逐禮拜集訓，每一日兩篇稿，透日透夜練習，這擺个練習程度係?無想過，也毋敢想个，壓力正經當大，毋過，好得有屋下人在身邊个陪伴摎鼓勵，正有動力繼續行下去，也知老古人講个：「煞猛打拚正有春光日」个道理，故所愛過較認真打拚，成為桃園个驕傲。
舊年12月26日，第一擺踏入全國賽个賽場裡肚，?心肝肚有一種盡特別个感覺，期待有好个表現，又驚會分大家失望，毋過?盡確定个係，定著會摎這兩隻月煞猛打拚个成果，全部拿出來好好表現，其他个都無重要，重要个係?有認真投入這場比賽，成績好壞都無關係，兩隻月个練習正有值，相信天下無難事，就看你有勇氣去面對無？
經過這擺全國賽个經驗，有句話深深刻入?个腦膈肚——「毋驚路長，只驚志短」，做麼个事情總愛有志氣，還愛有勇氣行出第一步。在過程中，定著會堵著當多問題，毋過毋怕，?俚都愛堅持下去，一步一腳印，一枝草一點露，絕對毋好放棄，恁樣做麼个事情正會圓滿順序。
華語
俗話說：「打田打地，打不掉手藝（註：天災會損毀田地，但毀不了個人的手藝）」有一技之長在身上，長大就不怕沒工作。所以我從國小四年級開始，因為老師的鼓勵，就開始參加大大小小的語文競賽，從校內的客語演說開始，後來進入了區複賽，有了幾次比賽經驗後，竟然慢慢對客語演說有了興趣，也覺得客家話對我來說很有趣、很有意義。
到了國中，在一年一度的語文競賽中，幸運地拿到了代表學校參加複賽的名額，從這時候開始，國中一、二年級的生涯卻變得不一樣了。在區複賽，因為人數不足，所以全員晉級決賽，學校的指導老師，知道參加決賽的人，一定會比區複賽的選手厲害很多，所以老師每天要我寫一篇稿，第二天幫我練習，聽發音、看動作、表情。那時候，我真的覺得很焦慮！怎麼會這麼辛苦呢？同學下課在聊天、打籃球，我卻在寫稿，每天回家總是愁眉苦臉！
總算到了比賽的日子，進到比賽教室，整間教室鴉雀無聲，讓我很緊張。不過我還是很順利的將文稿念完。下午查看成績時就想，若能晉級決賽就相當不簡單了，當作一次的經驗就好，結果沒想到，在第一名的名字上，竟然寫著曾紫寧，我一看到成績，馬上就從沙發上跳起來，心情好的不得了，開心到了極點！
接著就要準備全國賽了，接下來的兩個月，每星期的集訓，每天兩篇稿，日以繼夜不斷練習，練習的程度是我沒想過，也不敢想的，壓力真的好大，不過，幸好有家人在身邊陪伴鼓勵，才有動力繼續走下去，也了解俗話說的：「努力打拚才會出人頭地」的道理，所以要更加努力練習，成為桃園的驕傲。
去年12月26日，我第一次踏入全國賽賽場，心裡有一種很特別的感覺，期待有好的表現，又害怕會讓大家失望，不過我可以確認的是，一定會將這兩個月認真練習的成果，全部展現出來，其他的都不重要，重要的是我認真投入這場比賽，成績好壞都沒關係，兩個月的練習才值得，天下無難事，就看你有沒有勇氣去面對？
經過這次全國賽的經驗，有一句話深深地刻入我的腦海中——「不怕路長，只怕志短」，做什麼事情都要有志氣，還要有勇氣跨出第一步。在過程中，一定也會遇到許多問題，但是沒關係，我們都要堅持下去，一步一腳印、一枝草一點露，絕不放棄，這樣做任何事情才能夠圓滿順利。
