文／阿文哥，國中特教教師，苗栗縣客家人（四縣腔）
古人講：「十年修得同船渡，百年修得共枕眠。」這句話講到當有道理，?同餔娘就係恁樣，對相識到相愛，再到相守，經歷過當多風雨，也品嘗了異多甜蜜。講來乜當奇妙，同餔娘認識係在讀大學个時節，?係視障生佢係僑生，這兩隻恁毋共樣个學生仔，麼人想得著落尾會行到共下！
愐起民國九十三年正月初六，堵好係西洋情人節，也係吾餔娘同?過个第一隻情人節，就在該日兩儕應承愛相守一生。半年進前，佢正過來台灣留學定定，同佢熟事一學期，試著佢係當直白當熱情，又十分得人惜个細阿妹仔。該年寒假放尞愛轉莊下進前，?心想佢一儕人在台灣，又堵著傳統个舊曆過年，定著會當想屋家當孤栖，故所?就大膽湊佢同?共下轉苗栗過年。佢連想就無想，黏時開嘴應「好」，人个緣份就係恁奇妙，吂知當單純學長學妹个情誼，在短短个幾日放尞日嗄變做了情人。
還記得該日情人節暗晡，?兩儕細細聲講等情話。毋過，包尾講著未來个事，佢講卒業過後愛轉南洋過日仔，還過吾目珠毋好个問題，愛仰般正做得過厥爺哀該關？當毋盼得這正綻筍个愛情，無成就愛恁樣煞忒，該係?第一擺揇等佢，跌落傷心个目汁。
佢頭犁犁恬恬無講話，雖然?看毋清厥面容，但係?知佢定著乜係在噭眵。忽然間，佢臥頭用圓律律仔个大目珠看等?，伸手捽忒吾面頰卵个目汁。開嘴堅定个講：「學長！莫噭了！?決心留在台灣陪你過一生人。」麼个！正經！你愛同?共下行下去，?黏邊又笑又噭扐等佢緊捩，親像係細顛牯共樣，這正經係?情人節盡好个禮物。
今晡日又係2月14日情人節，餔娘同?共下打拚，降了兩對子女，兩儕共一心，讀書、買屋、做頭路，佢講愛做吾目珠陪?面對這人生，相約下生人還愛共下行。毋過人間世事總難料，這一駁仔餔娘毋知仰般改常了，輒常無愛插漦?。人講「人生無常」，正經毋會差，世間事單淨不變个就係「變」，打早佢攉下一句話：「?愛出去，無轉來食晝，乜可能無轉來食夜。」 「好」，?細聲無意無意个應佢。因為?毋想同佢冤家，?珍惜這隻當無簡單正有个家庭，這隻曾經个溫暖。?尊重佢个「自由」，佢想仰般就仰般！望佢有一日曉思量，知得承受乜係有限度个。
在相識滿20年个情人節，?也毋算孤栖，還有兩個前世个情人陪?過節。這就係?个故事，一個變款个情人節，也係一個不變个情人節。?知，吾餔娘心肚定著還有?。?也會等等佢，等等佢轉來，等等佢同?再過牽手，共下行過人生个每一個情人節。
華語
古人講：「十年修得同船渡，百年修得共枕眠。」這句話講得很有道理，我和老婆就是那樣，從相識到相愛，再到相守，經歷過很多風雨，也品嘗了許多甜蜜。說來也很奇妙，和老婆認識是在讀大學的時候，我是視障生她是僑生，這兩個這麼不一樣的學生，誰會想到最終會走到一起！
思想起民國九十三年正月初六，恰好是西洋情人節，也是我太太與我渡過的第一個情人節，就在那天兩人承諾要相守一輩子。半年之前，她才剛來台灣留學而已，與她相事一學期，覺得她是很直爽、很熱情，又是很可愛的小女生。那年放寒假要回鄉之前，我心想她一個人在台灣，又遇到傳統的農曆新年，一定會很想家很孤單，所以我就大膽約她和我一同回苗栗過年。她連想都沒想，馬上開口應「好」，人的緣份就是這麼奇妙，怎知很單純學長學妹的情誼，在短短幾天的假期卻變成了情人。
還記得那日情人節晚上，我們倆小小聲地說著情話。然而，最後說到未來的事，她說畢業後要回南洋過生活，還有我的眼睛不好的問題，要怎樣才能過他的父母那關？很捨不得這剛萌芽的愛情，難不成就要這樣消失，那是我第一次攬著她，掉下傷心的眼淚。
她頭低低靜默沒有說話，雖然我看不清楚他的臉，但是我知道她一定也是在哭泣。忽然間，她抬頭用圓圓的大眼睛看著我，伸手擦掉我臉脥上的眼淚。開口堅定的講：「學長！別哭了！我決定留在台灣陪你過一生。」什麼！真的！你要和我一起走下去，我馬上又笑又哭抱著她一直轉圈，就像是小瘋子一樣，這真的是我情人節最好的禮物。
今天又是2月14日情人節，老婆和我一起打拚，生了兩對子女，兩人齊心協力，讀書、買屋、做頭路，她說要當我的眼陪我面對這人生，相約下輩子還要在一起。不過人間世事總難料，這一陣子仔老婆不知怎麼反常了，時常總是不搭理我。人講「人生無常」，真的不差，世事唯一不變的就是「變」，一早她丟下一句話：「我要出去，不回來吃午餐，晚上可能也沒回來吃。」 「好」，我小聲無睛打采的回她。因為我不想和她吵架，我珍惜這個得來不易的家庭，這個曾經的溫暖。我尊重她的「自由」，她想怎樣就怎樣吧！望她有一天會思量，曉的包容也是有限度的。
在相識滿20年的情人節，我也不算孤單，還有兩個前世的情人陪我過節。這就是我的故事，一個變款的情人節，也是一個不變的情人節。我知道，我的老婆心裡一定還有我。我也會等著她，等著她回來，等著她和我再次牽手，一起走過人生的每一個情人節。
