文／劉家興，桃園楊梅伯公岡客家人 （四海腔）

自細出世在桃園楊梅富岡个莊下，三代同堂戴有百年歷史以上个傳統客家伙房屋。門前个廣場，逐擺緊工時節就變做禾埕，淨看著大人當無閒，毋過對?兜這群古靈精怪个細人仔來講，佢嗄係盡好个遊樂場。該當時廣場脣有一垤當大片个竹林，長透七早八早就跈等阿婆去改竹筍，也輒常會用竹葉做細船仔，到附近个河壩脣去比賽麼人个船仔流較遠，變做童年回憶中快樂个一章。

大學時節，學校在臺北木柵指南山腳下，脣項就係景美溪，學校做得講係兼山偎水來起，綿延分佈在山崎路項。因為細倈仔个學寮在山項校區，逐日定著愛行路來回，乜故所鍛鍊出毋會差个腳力。

上研究所後，有機會去日本交換留學一年。實在當好彩，?戴在歷史悠久、環境當靚个學寮「和敬塾」。無想著日本當出名个作家村上春樹在大學讀書个時節乜識戴過這。盡多學寮裡背个景色都有出現在佢寫个小說《挪威个森林》裡肚，分?下後再過讀一擺个時節試著當熟面。對學寮去轉學校个路項，定著愛經過一段長長个下崎「胸突坂」，脣項有像係宮崎駿動畫《龍貓》裡肚个恬靜神社「水神社」。另一片就係歷史古蹟「關口芭蕉庵」，有醹醹个文學氛圍。行下碫仔後，就做得看著有名个賞櫻花景點「神田川」蜿蜒流過。逐擺到春天櫻花盛開个時節，就會餳當多人來尞。

做兵時節正好堵著大退伍潮，幸運拈籤仔拈著大家講个「金馬獎」，正有機會做得去分人喊做「海上桃花源」个馬祖做兵。下部隊个時節，心情七上八落，從前運站葦昌嶺到基隆港坐軍方个船仔「合富輪」，經過大約8到10點鐘正到國个北疆。雖然離屋下當遠，毋過島項崎當嶇个地形同四面環海个風景，還有同臺灣本島無共樣个閩東式傳統建築摎人文風情，毋單淨減少?軍旅生涯个思鄉情緒，乜豐富尞日个歇困時光。到今退伍後，長透會想起該量時體驗著个馬祖个靚，乜識摎做兵个好朋友轉去尞。

對種種無共樣「過去式」个經驗，?同這兜山水个相堵頭，期望下後做得有過較多「未來式」个無限可能。

華語

自小出生於桃園楊梅富岡的的鄉下，三代同堂住在具有百年歷史以上的傳統客家三合院。門前的廣場，每到農忙時節即轉變為晒穀場，只見大人們忙進忙出，但對我們這群古靈精怪的小孩子而言，它卻是最好的遊樂場。那時廣場旁有一片不小的竹林，時常一大清早就跟著奶奶去採挖新鮮的竹筍，也常會用竹葉做小船，到附近的河邊去比賽誰的船飄得最遠，成為童年記憶中快樂的一章。

大學時代，學校位於臺北木柵指南山腳下，緊臨景美溪，校園可說是依山傍水而建，綿延散佈在山坡道上。由於男生宿舍位於山上校區，每天都須步行來回，也因此鍛鍊出不錯的腳力。

上了研究所後，有機會前往日本交換留學一年。在因緣際會下，住進了歷史悠久、環境優美的學生宿舍「和敬塾」。沒想到日本知名作家村上春樹於大學時代也曾在這住過。不少宿舍中的景物都有出現在他撰寫的知名小說《挪威的森林》中，更是讓我事後再重讀時備感熟悉。而往返宿舍和學校的途中，必須經過一段長斜坡「胸突坂」，一旁有宛如宮崎駿動畫《龍貓》中的幽靜神社「水神社」。另一邊則是歷史古蹟「關口芭蕉庵」，瀰漫著濃濃的文學氛圍。步下階梯後，則可看到著名的賞櫻景點「神田川」蜿蜒流過。每當春天櫻花盛開時，都會吸引相當多人潮前來。

當兵時剛好碰上大退伍潮，幸運抽中了所謂的「金馬獎」，有幸踏上素有「海上桃花源」之稱的馬祖服役。剛撥交下部隊時，心情忐忑不安，從前運站葦昌嶺到基隆港搭乘軍租船「合富輪」，歷時約8至10小時才抵達國之北疆。雖然離家遙遠，但島上陡峭崎嶇的地形和四面環海的美景，以及有別於臺灣本島的閩東式傳統建築與人文風情，不但稍減了我軍旅生涯的思鄉情緒，也充實了假日的島休時光。現在退伍後，時常會懷念起當時體驗到的馬祖之美，也曾和軍中好友再訪敘舊。

從種種不同的「過去式」經歷，我和山水的邂逅，期望今後能有更多「未來式」的無限可能。