文／李秀鳳，新竹客家人，中小學客語先生，這下戴中壢（腔頭：海陸腔）
六年生个細阿妹仔小嵐上學期通過客語初級認證，當沙鼻，尤其佢个分數比兩年前阿哥阿傑通過个分數多十過分，暢到耐毋得。看佢對考認證盡有興頭，趕燒趕熱，就鼓勵佢續等考中高級，佢黏皮應?：「好呀！驚麼个？」
無想著，幾下年前識99分通過初級認證个阿姆，也興蹀蹀仔想愛渡等一對子女報考。雖然阿傑摎小嵐係?在元生國小教出个高材生，毋過，考慮著愛通過中高級認證，無恁該食，就推薦佢兜先報名參加新楊平社區大學羅金珠先生个中級暨中高級線上課程，琢琢仔跈等先生个進度學習，正毋會像毛蟹吊頸——尋無頭䌈。
聽後生个阿姆景婷摎?講，佢去新楊平社區大學報名繳錢个時節，工作人員講罕得有一家三口同時報名，尤其係參加中高級認證，無哪尋！
上禮拜六摎金珠先生譫哆，順續問佢：「該三子阿姆上課上到仰般形？」金珠先生大嫲牯聲應?：「毋單淨三個，歸屋人通棚五個來上課，連阿公阿婆也共下來聽課，兩姊妹摎阿姆當認真，小嵐盡慶唷，會主動回答問題，阿婆已會寫作文……，你哪位挖著這座金礦？」聽金珠先生天轉笠嫲花，講到一大拖拉，原來兩姊妹个姐公姐婆也共下來聽課，仰會有恁生趣个事情？餳著?想上網看這一屋老嫩係仰般上課？
「請你分?落來聽課好無？?會企在壁壢角無聲無哨，毋會勞攪你。」金珠先生當慨分?連結，歡迎?上線幫襯。有機會聽名師講解考中高級認證个孔竅，心肝肚偷暢。
恬恬聽課半點鐘過後，金珠先生正經係十月个芥菜—有心，佢分享?舊年分教育部錄取个全國語文競賽小學組朗讀文章〈渡阿婆去公園尞〉，拉出?這個作者摎大家解說創作這篇文章个過程、心得。接等，一儕一儕輪番朗讀這篇文章，金珠先生請同學打開鏡頭，?有看著景婷坐在爺哀脣頭摎?擛手。
人講：「食到六十六，任學都不足」，這兩位老人家，早就超過七十歲，還恁煞猛學習，實在得人惜。聽景婷講，原旦希望厥爺哀坐在旁脣?手教斯好，因為中高級當多詞彙較難，驚兩姊妹聽毋識，麼儕知嗄變成姐公姐婆比孫仔還較認真上課、寫作業。
「你歸屋人到底係仰般上課？老人家用電腦上網定著係生手呀！」?問景婷。
「?兜係用手機轉接廳下个電視共下上課，再過用自家个手機摎先生溝通，恁樣大家做得即時討論、即時回答問題。」景婷續等講，雖然老公係學老人，毋曉講客，毋過當支持細人仔學好客語。這擺全家人共下上課，拉近三代人个距離，兩姊妹摎姐公姐婆變到盡有話講，這係想像毋著个幸福。
?還有疑狐，識聽小嵐講過，厥姐公姐婆戴在當遠个山頂，該愛仰般共下來上課呢？「?爺哀戴在峨嵋鄉，在北埔國中脣頭个田園肚種茶種柑仔、畜雞鴨鵝，拜三、拜六臨暗仔田事做忒，阿爸駛車仔載阿姆趕到中壢?屋下共下上課。」哇！?忍毋核嘖嘖滾讚嘆，仰會有恁湛斗个老人家。「有影！看老人家恁認真學習，害?摎兩個細人仔也毋敢推懶。」景婷笑等講。
兩位老人家雖然赴毋掣報名參加3月16日个桃園區客語初級認證，毋過，妹仔會摎佢兩儕報名參加9月、10月个全國初級摎中高級認證。「一家三代人煞猛學客語」這座金礦，毋係?挖出來个，除忒係金珠先生精彩摎拶腹實落个課程餳著佢兜以外，最重要个，係?看著一個後生阿姆景婷个用心摎堅持，以身作則，摎爺哀相傳个客家擔頭，承接下來摎子女協力㧡起來，薪傳、心傳，歸家人共心同船，正成就了這座金礦。
華語
六年級的小女孩小嵐上學期通過客語初級認證，很神氣，尤其她的分數比兩年前哥哥阿傑通過的分數多了十幾分，開心得不得了。看她對考認證興致正高，打鐵趁熱，就鼓勵她接著考中高級，她立刻回我：「好呀！怕什麼？」
沒想到，幾年前曾99分通過初級認證的媽媽，也興沖沖的想要帶著一對子女報考。雖然阿傑跟小嵐是我在元生國小教出的高材生，不過，考慮要通過中高級認證，沒這麼簡單，就推薦他們先報名參加新楊平社區大學羅金珠老師的中級暨中高級線上課程，按部就班地跟著老師的進度學習，才不會像螃蟹上吊，找不到頭來綑綁（引申為做事找不到重點，摸不著頭緒）。
聽年輕的媽媽景婷跟我講，她去新楊平社區大學報名繳錢的時候，工作人員說難得有一家三口同時報名，尤其是參加中高級認證，找不到！
上禮拜六跟金珠老師聊天，順便問她：「那母子三人上課上得怎樣？」金珠老師大聲回我：「不只三個，全家人總共五個來上課，連阿公阿婆也一起來聽課，兩兄妹和媽媽很認真，小嵐很棒唷，會主動回答問題，阿婆很會寫作文……，你哪裡挖到這座金礦？」聽金珠老師得意快樂，講了一大堆，原來兩兄妹的外公外婆也一起來聽課，怎會有這麼有趣的事情？吸引我想上網看這一屋老小是如何上課？
「請你給我進來聽課好無？我會站在牆角靜悄悄，不會打攪你。」金珠老師很慷慨給我連結，歡迎我上線捧場。有機會聽名師講解考中高級認證的訣竅，心裡暗自竊喜。
靜靜聽課半小時後，金珠老師真的是十月的芥菜—有心，她分享我去年教育部錄取的全國語文競賽小學組朗讀文章〈渡阿婆去公園尞〉，拉出我這個作者跟大家解說創作這篇文章的過程、心得。接著，一個一個輪流朗讀這篇文章，金珠老師請同學打開鏡頭，我有看到景婷坐在父母旁邊跟我揮手。
人講：「吃到六十六，怎麼學都不足」，這兩位老人家，早就超過七十歲，還這麼努力學習，實在很可愛。聽景婷講，原本希望她父母坐在旁邊幫忙教就好，因為中高級很多詞彙較難，怕兩兄妹聽不懂，誰知道卻變成外公外婆比孫子還認真上課、寫作業。
「你全家人到底怎樣上課？老人家用電腦上網一定是生手呀！」我問景婷。
「我們是用手機轉接客廳的電視一起上課，再各別用自己的手機跟老師溝通，這樣大家可以即時討論、即時回答問題。」景婷接著說，雖然老公是閩南人，不會講客語，不過很支持小孩學好客語。這次全家人一起上課，拉近三代人的距離，兩兄妹與外公外婆變得很有話講，這是想像不到的幸福。
我還有懷疑，曾聽小嵐講過，她外公外婆住在很遠的山上，這要如何一起來上課呢？「我父母住在峨嵋鄉，在北埔國中旁的田園裡種茶種柑橘、養雞鴨鵝，星期三、星期六傍晚做完田事，父親開車載母親趕到中壢我家一起上課。」哇！?忍不住發出嘖嘖聲讚嘆，怎會有這麼棒的老人家。「真的！看老人家如此認真學習，害我跟兩個小孩也不敢偷懶。」景婷笑著講。
兩位老人家雖然來不及報名參加3月16日的桃園區客語初級認證，不過，女兒會幫他倆報名參加9月、10月的全國初級和中高級認證。「一家三代人努力學客語」這座金礦，不是我挖出來的，除了是金珠老師精彩和很紮實的課程吸引他們之外，最重要的，是我看到一個年輕媽媽景婷的用心跟堅持，以身作則，把父母相傳的客家擔子，承接下來與子女協力挑起，薪傳、心傳，全家人同心同船，才成就了這座金礦。
