文／廖佳仁，中壢客人（海陸腔），楊梅富岡（伯公岡）出生、成長、就學，在中壢區新街國民小學任教至今已35年
麼个？三湖有火車頭？
等一下！你係講哪位个三湖？桃園？抑係苗栗？
當然係講?俚兜桃園楊梅个三湖啊！雖然苗栗个西湖（註1）乜有頭湖、二湖、三湖、四湖摎五湖，毋過，苗栗縣西湖鄉無火車路通過，斯有桃園市楊梅區个長岡嶺北片析正有鐵道經過。
長岡嶺由東向西，橫槓在清朝乾隆時期土牛溝紅線个南片，嶺頭係偎桃園楊梅（舊名楊梅壢）這片，嶺尾就接著新竹縣老湖口个長安（舊名四腳亭）這位，係楊梅地區，清朝劉銘傳鐵道（註2）摎現下臺灣縱貫鐵路个分界。嶺北這片个台地頂高，由東向西，分別係頭湖、二湖、三湖摎四湖（又分成上四湖（註3）、下四湖摎四湖尾），過過去就係新竹縣湖口鄉个美崙（舊名尾崙），算係桃園台地个富岡（舊名伯公岡）台地地界。
昭和12年（1937），日本个臺灣總督府公告在楊梅摎伯公岡兩隻車頭之間，另外新設一隻新个停車場（註4），就係「三湖」，在這下个「桃園市楊梅區瑞原國民小學」面頭前，係一隻無人掌看，單淨斯有一隻細月臺，分人做得上下車定定个簡易停車場。
聽講，第二次世界大戰結束以後，「三湖」停車場个月臺乜還在，包尾係因為有个細人仔坐火車，摎厥个腳骨伸出車箱門外，嗄毋堵好分該隻月臺徑著、晃下去，墜死忒。過後，厥爸試著當火大，緊想就緊閼，最尾就決定逐日㧡等鐵鎚去將該隻月臺敲忒，過尾該月臺就毋見忒了！這實在係一件已神奇个傳說，分人疑狐倒底係正个？抑係假个？三湖，敢有影正經識有過火車頭？
有一擺，難得有機會，?去到臺灣鐵道博物館（原來个臺灣鐵道部）上課，正在裡背个「戰時指揮所」裡肚發現，在壁項个「鐵道線路圖」肚个楊梅摎富岡中央正經有一隻三湖火車頭存在，?還特別摎佢翕一張相保存起來，這下就算該隻月臺早就消失到無影無跡了，有了這張相片，過加上日本臺灣總督府个府報公告，乜算係?俚兜三湖識有過火車頭个一種證據了。
「桃園市楊梅區瑞原國民小學」校門前這下已經搭起盡餳人又得人惜个火車意象看板，逐日在該招手：歡迎大家有閒正來尞哦！
註釋：
（註1） 西湖：原名苗栗四湖庄，後來採其諧音，雅稱「西湖」。
（註2） 清朝劉銘傳鐵道：從基隆向南接到臺北，延長至新竹為止，是劉銘傳擔任臺灣巡撫時所興建的鐵道。
（註3） 上四湖：現在的楊梅區上湖里。
（註4） 停車場：可以停車的地方、車站。
「華文版」
什麼？三湖有火車站？
等一下！你說哪裡的三湖？桃園？還是苗栗？
當然是說我們桃園楊梅的三湖啊！雖然苗栗的西湖（註1）也有頭湖、二湖、三湖、四湖和五湖，不過，苗栗縣西湖鄉並無火車鐵路通過，只有桃園市楊梅區的長岡嶺北面地區才有鐵路經過。
長岡嶺由東向西，橫槓在清朝乾隆時期土牛溝紅線的南面，嶺頭靠近桃園楊梅（舊名楊梅壢）這邊，嶺尾就接著新竹縣老湖口的長安（舊名四腳亭）這裡，是楊梅地區，清朝劉銘傳鐵道（註2）與現今臺灣縱貫鐵路的分界。嶺北這邊的台地上面，由東向西，分別是頭湖、二湖、三湖與四湖（又分成上四湖（註3）、下四湖和四湖尾），再過去就是新竹縣湖口鄉的美崙（舊名尾崙），算是桃園台地的富岡（舊名伯公岡）台地地界。
昭和12年（1937），日本的臺灣總督府公告在楊梅與伯公岡兩個車站之間，另外新設一個新的停車場（註4），就是「三湖」，在現今的「桃園市楊梅區瑞原國民小學」前面，是一個無人看管，只有一個小月臺，給人可以上下車的簡易火車站而已。
聽說，第二次世界大戰結束以後，「三湖」停車場的月臺還在，後來是因為有一個小孩子坐火車，將他的腳伸出車箱門外去，不小心被那個月臺拌著、掉下去，摔死掉。事後，他爸爸感覺很火大，越想就越生氣，最後就決定每日扛著鐵鎚去將那個月臺給敲掉，最後那個月臺就不見了！這實在是一件相當神奇的傳說，讓人不禁懷疑倒底是真？還是假？三湖，真的曾經有過火車站嗎？
有一次，在一個難得的機會下，我到了臺灣鐵道博物館（原來个臺灣鐵道部）去上課，才在裡面的「戰時指揮所」裡發現，在其牆壁上的「鐵道線路圖」上發現楊梅與富岡中間真的有一個三湖火車站存在，我還特地將它拍一張照片保存起來，現在就算那一個月臺早就已經被消失得無影無蹤了，有了這張相片，再加上日本臺灣總督府的府報公告，也算是我們三湖真的曾經有過火車站的一種證據了。
現在，「桃園市楊梅區瑞原國民小學」校門前已經豎立有很迷人又討人喜歡的火車意象的看板，每天在哪裡向大家揮手：歡迎大家有空來玩哦！
