文／林偉恩，藥學系學生，這下住台北个香港客家人（腔頭：四縣腔）

大自家敢聽過貔貅？香港客家人摎佢準做吉祥獸，客家話、廣東話个發音摎「皮休」差毋多，傳說做得帶來錢財摎好運，還有保護屋下平安个能力。貔貅看起來像香港客家人頭過用个篩仔蓋，故所乜安到「蓋仔獅」。

逐擺過年過節，有兜香港客家人會裝扮做這種蓋仔獅吉祥獸來跳舞，做得起福摎送煞，還做得慶祝節日。這種表演藝術係香港个無形文化資產，毋過社會項當少人知得這種表演，故所無麼个人曉得弄貔貅。

弄貔貅傳統係傳分自家團體个弟子定定，毋過為著免得這種表演消忒，香港个師傅同意突破傳統，做得教毋係自家團體个學生仔。過後展開傳承計畫，開課程分社會項大家人學，尤其係針對國小摎國中學生仔个課程。

2024年6月香港沙田區舉辦客家貔貅个嘉年華，除忒有弄貔貅、弄麒麟這兜客家个傳統表演，還有講座摎工作坊來紹介弄貔貅个傢伙，打幫活動分還較多人，尤其係後生人知得這兜客家文化，同時推廣傳承計畫。

分人試著歡喜个係有國小摎國中學生仔个成果表演，佢兜發表學弄貔貅个成果，係摎客家文化傳下去當有意義个推廣。團體打算續下來愛開進一步个課程，希望分想繼續學个弟子有機會接觸進一步个孔竅。

團體个推廣重點係在學校摎社區，為著分還較多後生人知得無形文化資產个珍貴，這幾年去無共樣个學校摎社區舉辦弄貔貅个講座、工作坊摎課程，分後生人體驗弄貔貅，希望有興趣个人來做志工，在社區推廣這種表演，恁仔在後生一代當中做得繼續傳下去。

嘉年華同時有弄麒麟个活動，這種表演藝術乜係香港个無形文化資產，有兜香港客家人在過年過節个時節，會裝扮做這種獨角吉祥獸來跳舞。弄麒麟共樣係客家个傳統表演，摎弄貔貅比起來相對來講有較多人曉得來表演。

弄貔貅个表演會有銅鑼、鼓仔摎掄脆仔做伴奏，套路招式有探、食、滾滾碾、展風神、搞水這兜形態。腳步摎弄麒麟差毋多，係四腳个腳步，貔貅擎頭个時節愛展風神，磬頭个時節愛向左右兩片跳，表達貔貅个性情。

華語

大家聽過貔貅沒有？香港客家人將牠視為瑞獸，客語、粵語的發音跟「皮休」差不多，傳說可以帶來錢財和好運，還有保護家裡平安的能力。貔貅看起來像香港客家人以前使用的筲箕蓋，所以也叫做「蓋仔獅」。

每次逢年過節，有些香港客家人會裝扮成這種篩子獅瑞獸來跳舞，可以祈福和驅邪，還可以慶祝節日。這種表演藝術是香港的無形文化資產，不過社會很少人知道這種表演，因此沒什麼人懂得舞貔貅。

舞貔貅傳統是傳授給自己團體的門徒而已，不過為了避免這種表演失傳，香港的師傅同意打破傳統，可以教不是自己團體的學生。之後展開傳承計畫，開設讓社會各界學習的課程，特別是針對國小和國中學生的課程。

2024年6月香港沙田區舉辦客家貔貅的嘉年華，除了有舞貔貅、舞麒麟這些客家的傳統表演，還有講座和工作坊來介紹舞貔貅的東西，透過活動讓更加多人，特別是年輕人知道這些客家文化，同時推廣傳承計畫。

讓人高興的是有國小和國中學生的成果表演，他們發表學習舞貔貅的成果，是將客家文化傳承很有意義的推廣。團體打算接下來開設進階的課程，希望讓想繼續學習的門徒有機會接觸進階的要領。

團體的推廣重點是在學校和社區，為了讓更加多年輕人知道無形文化資產的珍貴，近年去不同學校和社區舉辦舞貔貅的講座、工作坊和課程，讓年輕人體驗舞貔貅，希望有興趣的人來做志工，在社區推廣這種表演，這樣在年輕一代當中可以繼續傳承。

嘉年華同時有舞麒麟的活動，這種表演藝術也是香港的無形文化資產，有些香港客家人在逢年過節的時候，會裝扮成這種獨角吉祥獸來跳舞。舞麒麟同樣都是客家的傳統表演，跟舞貔貅相比相對來說有更多人懂得來表演。

舞貔貅的表演會有鑼、鼓和小鈸做伴奏，套式有探、吃、翻滾、發威、戲水等形態。步法和舞麒麟差不多，是四腳的步法，貔貅抬頭的時候要表現威武，低頭的時候要向左右兩邊跳，表達貔貅的性情。