【華文版】
巴黎奧運台灣選手攜1金1銅返國 李洋想選羽協理事長、王齊麟再拚下屆奧運
【蘇佑昇／苗栗西湖海陸腔】巴黎奧運羽球與射擊代表隊今（７）日帶著1面金牌及1面銅牌載譽歸國，李洋表示，除從事教職也希望參選羽協理事長；王齊麟期盼4年後再努力一次；李孟遠呼籲還在努力的選手堅持下去。
今天回國的台灣羽球男雙組合李洋、王齊麟，是繼東京奧運奪得金牌後，巴黎奧運以7戰全勝之姿奪下台灣代表團本屆首金，完成羽球隊史首次男雙連霸紀錄。另外，台灣射擊好手李孟遠在巴黎奧運男子定向飛靶決賽，替台灣拿下1面銅牌，也是台灣在奧運史上首面射擊獎牌。
原民會：未來族人須經安全訓練 方得申請自製獵槍
原民會今天展開原住民族自製獵槍教育訓練試辦計畫，將依此次試辦結果，作為正式自製獵槍安全使用教育訓練內容；未來原住民族人必須通過原民會獵槍安全使用訓練，方得申請進口自製獵槍。
【客文版】
巴黎奧運台灣隊个選手轉來了 拿著金牌个羽球選手李洋講佢想愛選羽球協會个理事長 王齊麟係講佢還會拚下一屆个奧運
巴黎奧運羽球摎射擊个代表隊今晡日帶等1面金牌摎1面銅牌轉來台灣，羽球選手李洋表示，這擺比賽過後佢會退役，未來佢想愛做教羽球个教練，乜希望去選羽球協會个理事長；另外，王齊麟係希望做得在4年過後過參加一擺奧運；另外，射擊个選手李孟遠講，這擺得著銅牌之後，佢鼓勵還在比賽个選手一定愛煞猛打拚堅持下去。
今晡日轉來个台灣羽球細倈仔雙打个選手李洋還有王齊麟，係在上一擺東京奧運拿著金牌个得主，續等過在這擺个巴黎奧運以7局个比賽全部打贏个情形拿下來奧運金牌，這乜係台灣代表團在2024年巴黎奧運个第一面金牌，乜完成了台灣羽球隊歷史第一擺有男雙連續兩屆个奧運拿著金牌个紀錄。另外，台灣射擊个選手李孟遠在巴黎奧運男子定向个飛靶決賽，摎台灣拿下來1面銅牌，這乜係台灣在奧運歷史第一面射擊个獎牌。
原住民族个委員會今晡日講：未來原住民族个鄉親愛經過安全个訓練 正做得申請自家做打獵銃仔个資格
原住民族委員會今晡日實施原住民族自家做打獵銃仔教育訓練試辦計畫，乜宣布會依照這擺个試辦个結果，來做正式自家做打獵銃仔个安全使用教育訓練个內容；原住民族委員會乜指出，未來原住民族个人一定愛通過原住民族个委員會規定个打獵个銃仔安全使用訓練，正做得申請進口自家做打獵个銃仔。
｜網路收聽｜
▹講客廣播電臺官網｜https://pse.is/R8RU8
▹講客廣播電臺APP｜
Android連結：https://reurl.cc/8GWlXd
IOS連結：https://reurl.cc/O1pb59
歡迎大家下載講客廣播電臺APP，共下講客Let’s fly
