文／羅烜淳，苗栗公館客家人（腔頭：四縣腔）
在小學个時節，逐禮拜尞日就盡期待阿爸摎阿姆帶等亻厓摎老弟共下去圖書館看書，該央時縣政府有推動一隻活動，安到「閱讀推廣計畫」，逐隻學校還會發「書香苗栗卡」、一隻家庭做得辦一張家庭卡，一擺做得借較多本个書。逐隻月會統計總共借了幾多本書，借到一定个數量會有獎金摎獎牌，聽著有獎金、又當好看書个亻厓定著愛去借書來看！
下後逐禮拜尞日，亻厓就會到圖書館報到，一行入去圖書館遽遽就行去放人公仔書个地方，該央時盡好看个正經係人公仔書，比將講「名偵探柯南」、「尋寶記」尋寶記系列。特別係尋寶記系列，一本就係講一隻國家，全世界个國家就有畫。試著看忒一本就做得學著該隻國家个文化、又做得跈等書項个角色共下冒險，莫怪當多細人仔當好看！逐擺去圖書館，還愛先問圖書館个阿姨該兜書有分人借去無？因為逐禮拜都會去圖書館報到，包尾連圖書館个阿姨看著亻恩兜就會講：「你兜又來看書了？」「這擺愛借幾多本書轉去？」因為這隻活動亻恩屋家就辦了家庭卡，本旦一儕人單淨做得借八本書定定，用了家庭卡盡多做得借三十本，故所逐禮拜就「借好借淰」，揇等高高一疊書行出去圖書館，正去圖書館附近行行啊，享受田坵脣項个風景。
這全部就係小學該下个事情了，下後國中摎高中開始煞猛讀書，就無時間去借書來看了。毋過讀高中个時節，逐拜六、禮拜都會去圖書館讀書，讀?了就會走去樓下看小說，特別係該種當多集个小說，逐擺就看到毋記得讀書。高中放學過後，想愛尋一隻地方尞：去圖書館；尞日在屋家當無聊：去圖書館；現下出社會了尞日轉去苗栗想愛尋一隻地方坐等尞涼：去圖書館。
圖書館對亻厓來講正經係當多回憶个地方！從學生仔个時節到出社會，毋過毋管係麼个時節，逐擺揇等愛借个書行去櫃台个時節，面項个表情就像著獎共樣，摎平時上班該種眼凝凝仔个樣仔全無共樣，揇等一疊書个亻厓係眼晶晶仔，係真心試著當暢个表情！因為試著看忒該兜書，做得讀著當多自家有興趣又做得學著當多知識。
「知識係學毋忒个」，比起專業知識个書，亻厓較好教仰般煮食、自家動手做相關个書，亻厓認為看書正經愛看自家有興趣个書正做得正經放輕鬆。本旦係因為借書盡多个人會有獎金，無愐著包尾顛倒變著當好看書，因為小學時節逐擺看忒書愛寫心得，就會分先生講：你寫這種根本毋係心得！就較毋好看書了，因為看忒又還愛寫心得。現下想起來還係感謝自家有去圖書館看書這隻習慣，因為看書學著了其他課堂項無教个東西。
華語
還在讀小學的時候，每個禮拜的假日最期待爸爸媽媽帶著我跟弟弟一起去圖書館看書了，那時候縣政府正推動一個活動，叫做「閱讀推廣計畫」，每個學校都會發「書香苗栗卡」、一個家庭可以辦一張家庭卡，一次可以借比較多本書。每個月底會統計總共借了多少本書，借到一定的冊數會有獎金跟獎牌。聽到有獎金、又很喜歡看書的我一定要去借書來看！
之後每個禮拜的假日我都去圖書館報到，一走進圖書館就趕快走去漫畫區，小時候最愛看的就是漫畫，例如說名偵探柯南跟尋寶記系列。特別是尋寶記系列，每一本代表一個國家，全世界的國家都有被畫成漫畫，所以才能組成一個系列。因為看完一本可以學到那個國家的文化、同時又可以跟著書中的主角們一起冒險，難怪是許多小孩最喜歡看的系列漫畫！每次到圖書館還會先問圖書館阿姨那些漫畫有沒有被借走？而因為每個禮拜都會去圖書館報到，最後連圖書館阿姨看到我們去都會說:「你們又來看書啦？」、「這次要借幾本書回家呀？」甚至因此辦了家庭卡，本來一個人只能借八本書而已，用了家庭卡後最多可以借三十本，所以每個禮拜都「借好借滿」，抱著滿滿一疊書走出圖書館，再到圖書館附近走走，享受田園風光。
這些全部都是小學的事情了，之後國、高中開始準備考試，就沒有時間去借書了。不過唸高中時，每個假日都會去圖書館讀書，讀累了就會去樓下看小說放鬆，特別是那種很多集的系列小說，每次都看到忘記回去讀書。像是高中放學後，想找一個地方待著：去圖書館；假日在家覺得很無聊：去圖書館；到了現在出社會每個假日回苗栗、想找一個地方坐著：去圖書館。
圖書館對我來講真的是很多回憶的地方，從學生時期到出社會，不過不管是什麼時期的我，每次抱著一疊要借的書去櫃檯借書時，我臉上的表情就像中大獎一樣，跟平時上班雙眼無神的樣子完全不同，抱著一疊書的我是兩眼發光、炯炯有神的樣子，是發自內心的高興與滿足的表情！因為看完那些書之後，可以讀到很多自己有興趣也能學到很多知識。
「知識是學不完的」，比起寫滿專業詞彙的書，我更喜歡那些烹飪、手作相關的書，我認為看書要找自己有興趣的才能夠真正放鬆。原本是因為借書最多冊的人會有獎金所以才開始看書、借書，沒想到最後變成愛上看書了，因為小學時每次看完書都要寫心得，每次寫的心得都被老師說:妳寫這種根本不叫做心得！就變得沒這麼喜歡看書了，因為看完又要寫心得。現在回想起來很感謝自己有常常去圖書館看書的這個習慣，因此學到許多課堂上沒有教的東西。
