文／李文煥，苗栗縣 客家人，國中特教教師。（四縣腔）
上集講著雞仔大陸右手析聖雞王國个事，這擺愛來同大自家講另外一析个妖雞王國。妖雞王國个相打雞旦勢就係烏毛，尤其係妖雞王毋單淨歸身仔烏毛，連兩隻爪仔乜係烏疏疏。妖雞王有一個特殊能力，在佢同人相打个時節，圓身會發出烏光法術分對方目珠旋風看毋着，這就係佢到今吂識分人打敗原因。有一日，妖雞王聽講聖雞王國出了一隻當靚个雞公主，佢決心愛來討聖雞公主做餔娘，但係聖雞王毋盼得妹仔嫁分妖雞王，故所同妖雞王講：「烏雞仔莫恁祭衰人，你歲數同?共樣，吾妹仔若係嫁分你，就像係好花插牛屎——打爽。」妖雞王聽著十分譴，就親身帶兵攻打聖雞王國。
無幾久，妖雞國个雞兵扡崗打陣翻過大坑仔，摎聖雞國團團包圍起來。妖雞王講：「本王係全大陸盡慶个相打雞，?分你這兜㜮斗个相打雞一日時間來挑戰本王，係講有人打得贏?，本王鼻公一摸放過這隻靚膩膩个雞公主。係無，雞公主?就帶轉去哩喲!」聖雞王講：「妖雞王！你毋使恁假會，吾國家有恁多个後生相打雞，?就毋信會無人打得贏你。」跈等又講：「聖雞國个子弟注意，係有麼人打贏這隻夭壽雞，?就摎公主嫁分佢。」
吂知，聖雞國該兜相打雞勇士，一隻隻仔跳上去挑戰；嗄一隻隻仔翻下來輸忒，在妖雞王个烏光法術底下，無一儕个目珠看得清楚，兩下半就分妖雞王打下去了。大半日過後，眼看再無相打雞上去挑戰了，聖雞王面繃紅眼盯盯仔講：「妹仔!你毋使驚，阿爸拚去這條老命乜會保護你，假使阿爸輸忒，你就遽遽走！」
就在這危急个時節，白白在恬肅肅个雞群中行出來，白白：「妖雞王！你莫歡喜忒早，?來挑戰！」白白黏時同妖雞王打起來，妖雞王萬萬無想着，烏光法術對白白一息仔就無影響。白白因為天生就係看毋清，前幾年又練了一身「毋使看」个功夫。烏暗現下顛倒係厥个優勢，包尾白白雖然著傷當重，還係打敗了妖雞王，佢得着了公主个欣賞同全國相打雞个尊敬。
就在妖雞王面臭臭仔退出聖雞國該時節，妖雞國个軍隊嗄毋甘願佢兜个國王分人打敗，竟然無講信用開始攻打聖雞王國。聖雞王國个兵力本旦就較弱，現下又分發狂个妖雞兵團團包圍。聖雞國王：「這下仰結煞正好？今晡日个決鬥，亻恩國家个相打雞將領全部著傷，這下麼人做得帶兵打出去呢？」
白白：「?甘願為着公主戰死沙場。」 脣項个公主分白白感動，行兼去唚佢一下。忽然間，一道月光對天頂射向白白，白白歸身仔發出銀白色个光。光線退忒過後，厥个目珠轉金看得著了，身上个傷乜好了。公主个一唚治好了白白，下後白白帶兵出戰，毋單淨打退妖雞兵，還打轉妖雞國，統一了雞大陸。包尾，聖雞公主嫁分白白做餔娘，白白乜變成聖雞王國个英雄。
華語
上集講到雞仔大陸右邊聖雞王國的事，這次要來和大家講另外一邊的妖雞王國。妖雞王國的鬥雞向來就是黑毛，尤其係妖雞王不只是整身黑毛，連兩隻爪仔乜係黑疏疏。妖雞王有一個特殊能力，在他同人打鬥的時候，周身會發出黑光法術讓對方眼睛突然看不著，這就係他至今未曾打敗仗原因。有一天，妖雞王聽說聖雞王國出了一個非常美的雞公主，他決心要來取聖雞當老婆，但是聖雞王不捨得女兒嫁給妖雞王，於是與妖雞王說：「黑雞仔別丟人獻眼了，你歲數和我一樣，我女兒若是嫁給你，就像係一朵鮮花插在牛糞上——可惜了。」妖雞王聽著十分生氣，就親自帶兵攻打聖雞王國。
沒多久，妖雞國的雞兵成群結隊翻過大坑仔，把聖雞國團團包圍起來。妖雞王說：「本王是全大陸最厲害的鬥雞，我給你們這些差勁的鬥雞一日時間來挑戰本王，若是有人打得贏我，本王鼻子一摸放過這個嬌滴滴雞公主。否則，雞公主我就帶回去了唷!」聖雞王講：「妖雞王！你別假惺惺，我的國家有那麼多的年輕鬥雞，我就不信會沒人打得贏你。」跟著又說：「聖雞國的子弟注意，若是有誰打贏這隻夭壽雞，我就把公主嫁給他。」
哪知，聖雞國那些鬥雞勇士，一隻隻跳上去挑戰；卻一隻隻跌下來輸了，在妖雞王的黑光法術底下，沒有一人的眼睛看得清楚，兩三下就被妖雞王打下去了。大半日過後，眼看再無鬥雞上去挑戰了，聖雞王面紅耳赤瞪著眼說：「女兒！你別害怕，阿爸拚去這條老命也會保護你，假使阿爸輸了，你就快快跑！」
就在這危急的時節，白白在靜悄悄的雞群中行出來，白白：「妖雞王！你莫歡喜太早，我來挑戰！白白馬上與妖雞王打起來，妖雞王萬萬沒想到，黑光法術對白白一點都沒影響。白白因為天生就是看不清，前幾年又練了一身「不用看」的功夫。黑暗現在反而是他的優勢，最後白白雖然是受傷很重，還是打敗了妖雞王，他得着了公主的欣賞和全國鬥雞的尊敬。
就在妖雞王面臭臭退出聖雞國那時，妖雞國的軍隊卻不甘願他們的國王分被打敗，竟然沒講信用開始攻打聖雞王國。聖雞王國的兵力本來就較弱，現下又分發狂的妖雞兵團團包圍。聖雞國王：「這下怎麼辦才好？今天的決鬥，我們國家的鬥雞將領全部受傷，現在誰能夠帶兵打出去呢？」
白白：「我甘願為着公主戰死沙場。」 旁邊的公主被白白感動，走前去吻了他。忽然間，一道月光對天上射向白白，白白全身發出銀白色的光。光線退掉以後，他的眼睛變亮看得到了，身上的傷也好了。公主的一吻治好了白白，之後白白帶兵出戰，不僅是打退妖雞兵，還打回妖雞國，統一了雞大陸。最後，聖雞公主嫁給白白做妻子，白白也變成聖雞王國的英雄。
