文／吳秀媛，新竹縣湖口鄉人，客家文化志工（海陸腔）
前幾日，阿姆生日，大哥䟓工對花蓮轉來湖口。
大哥講佢愛摎阿姆做八十六歲大生日，承蒙阿姆長年透天無閒直掣飼飽一屋人。大哥問阿姆摎?俚兜想愛食麼个，佢講佢愛請「Uber Eats」送好料過來，還講當遽斯做得送著?俚屋下。
大哥講啊忒，續等佢斯用「Uber Eats」定貨、用信用卡撿錢，一下仔斯好勢好勢。?在大哥脣頭目珠擘金金看等大哥手機頂高个快送員，看佢順等大哥手機標示个路線，騎等車仔送好料過來。正實！一下仔好料斯送到咧！接等大哥乜當煞手，一?目定定，佢就摎歸張桌个好料擺著正正。有鹹菜炆豬肚、炆爌肉、排骨炆菜頭、肥湯炆筍乾、客家炒肉、豬腸炒薑絲、鴨紅炒韭菜、豬肺黃梨炒木米…。哇！全係?俚兜客家人个名菜「四炆四炒」哦！
手機正實又遽又便利。該晡日，?兜一屋人打幫阿姆生日，共下食一餐豐沛个客家大餐；阿姆看著一屋人歡喜靂天、天轉笠嫲花，佢乜忍毋核阿腦講︰「?个鑊嫲會分手機搶去咧！」
無毋著，這恁多年，手機係儕儕膴身項斯有个傢啦伙。通訊科技實在進步，手機實在好用。尤其，智慧手機出來以後，麼个電話、電腦、翕相機…等，差毋多斯無乜做得咧！?俚做得用手機看新聞、問天時，乜做得欣賞音樂、看人打大茶、唱山歌，學煮食；尋資料、認識古今中外、天文地理、新个科技知識，醫學常識、人文藝術，項項有，由在你享受。
講著由在你享受，該你斯乜愛知?俚係講長時間用手機，目珠會悿、會有近視、遠視、散光這兜問題哦；係講?俚一日到暗歸日掌等手機毋放，乜會因為透日看手機，看多該手機个青光，目珠會燥燥、白內障、甚至嚴重个還有可能目珠个黃斑部會發生病變个問題。
一百句五十雙（註），總講這隻時代，無人無愛手機。毋過，?俚用手機，愛堵好，毋好毋知頭天；愛知係講搞過䢍會出事情，該斯毋單淨算毋和，倒轉來對?俚膴身个康健係還會賒本个哦。
手機，係?俚人類用智慧發明个寶貝，?俚用佢來瞭解世界，學習?俚希望學習个新知識。?俚人人一機，正當運用，做得食到老，學到老，提高?俚新个人生價值。毋過千千萬萬愛記得，毋好搞過䢍。
註：一百句五十雙：rhid bag giˇngˊshibˋsungˋ說來說去，白說一場，空費口舌
華語：不要玩過頭
前幾天，母親生日，大哥特地從花蓮回來湖口。
大哥說他要為母親做八十六歲大生日，謝謝母親常年累月為了養育我們，整天忙得團團轉。大哥問母親和我們想要吃什麼？他說他要請「Uber Eats」送美食過來，還說很快就會送到我們家來。
大哥一說完，他接著就用「Uber Eats」定貨、用信用卡付帳，不一會就弄得妥妥當當。我在大哥身旁睜大眼睛看著大哥手機上頭的快送員，看他順著大哥手機標示的路線，騎著車送美食過來。真的耶！一下子美食就送到啦！接著大哥也快手快腳，一眨眼，他就將一桌的美食擺得好看極了。有鹹菜炆豬肚、炆爌肉、排骨炆菜頭、肥湯炆筍乾、客家小炒、豬腸炒薑絲、鴨血炒韭菜、豬肺黃梨炒木耳…。哇！全都是我們客家人的名菜「四炆四炒」哦！
手機的確是又快又方便。那天，一家人沾母親生日的光，共享一頓豐盛的客家大餐；母親看一家人歡歡喜喜、快樂似神仙，她也忍不住跟著讚美道︰「我的鍋子會讓手機給搶去了啦！」
沒錯，這些年，手機成了每人身邊都有的玩藝兒。通訊科技的確進步，手機的確好用。尤其，智慧手機出來以後，什麼電話、電腦、照相機…等，幾乎沒有也OK啦 ！我們可用手機看新聞、問氣象，欣賞音樂、看採茶戲，唱山歌、學做菜；找資料、認識古今中外、天文地理、新的科技知識，醫學常識、人文藝術，應有盡有，任君享受。
說到任君享受，那您可也要知道如果我們長時間用手機，眼睛會疲勞、會有近視、遠視、散光這些個問題喔；如果我們一天到晚整天守著手機不放，也會因為整天看手機，看多了手機的藍光，眼睛會得乾燥症、白內障、甚至嚴重的還有可能眼睛的黃斑部會發生病變問題。
一百句五十雙，總而言之，當今這個時代，沒有人不用手機。不過，我們用手機，要適可而止，不要不知天高地厚。因為要知道，如果手機玩過頭一定會出事情，那可不是不划算的問題而已；那是會讓我們身體健康賒本、讓健康大打折口的。
手機，是我們人類用智慧發明的寶貝，我們用它瞭解世界，學習我們希望學習的新知識。我們人手一機，正當使用，可以活到老學到老老，提高吾人人生價值。不過千千萬萬要記得，不要玩過頭。
