文／魏芯芃，國中二年級學生，桃園龍潭客家人（四縣腔），感謝邱鴻春先生指導客語寫作。
?个阿公阿婆，乜係?个第二對爺娘。從細到大，因為阿爸阿姆做事盡無閒，故所?同老妹都係阿公阿婆照顧大个。
阿公既經90歲咧，身體還盡康健，看起來正80歲个樣仔。佢後生个時節係ㄧ個盡優秀个建築師，有賺著不少錢，現下戴个屋乜係佢摎阿婆起个，除忒起屋，阿公乜會盡多東西，佢會唱當多語言个歌、會種當多營養好食个青菜，還會修理屋下大大細細个家具。?最好同阿公共下在菜園度過尞日个下晝，佢總係一頭同青菜挷草、淋水，一頭唱客家歌，?就會在脣項同雞仔鴨仔搞，順續學唱阿公唱个歌，心情好个時節， 阿公還會摎阿婆在屋下唱日本情歌，大展歌聲。
阿婆係一位盡會照顧細人仔个人，佢雖然無讀過書，毋過佢總係有辦法管理每一個細人仔。阿婆當細心，佢做得記得16個孫仔孫女，中意食麼个，還做得摎逐路菜，都煮到合大家口味，見擺食到阿婆做个家常菜，總係會有幸福个笑容，還過佢當省儉，輒常省出盡多東西，細到衛生紙，大到一台電視，正經當佩服佢。
聽阿爸講，細个時節，?生活上需要个東西，都係阿公阿婆提供个，第一擺學行路个時節，牽?个係阿婆，第一首客家歌係阿公教个，小學開學第一日，乜係阿婆帶去報到个，上課毋記得帶東西，係阿公在屋下拿來學校。總講，對出世到這下，?生命裡肚每一隻時間點，都有阿公阿婆幫助个身影。
還記得，有一擺?在學校發病無鬆爽，發燒到39度，?打電話分阿爸阿姆，毋過佢兜在該做事，無法度渡?去分醫生看。?當時還在該想仰結煞，就接著阿婆在屋下打電話來講：「阿芃仔，你人有仰仔無？若公去接你个路項咧，你乖乖在先生該位等阿公，等一下去分醫生看。」
掛忒電話無幾久，阿公个車就停在門口咧。看煞醫生轉到屋面前，就看著阿婆企在門口等?摎阿公，佢等?坐下來，就兜來一碗燒燒个糜，還提醒?，食好愛記得食藥仔，看著阿婆䟓䟓煮糜分?食，摎愁慮、關心个樣仔，還過阿公特別停下手項頭路，帶?去分醫生看个舉動，好恬恬仔感覺著心肝頭盡燒暖，這下?試著，?係這世界最幸福个細人仔。
從細到大，?个阿公阿婆盡心盡力付出，兜屎兜尿个照顧?長大，佢兜既經會歸百歲咧，?到這下還無好好感謝佢兜，其實佢兜係無義務个，嗄因為愛?，付出盡多盡多，報答佢兜、有孝佢兜，最好个方式就係照顧好自家，毋好分佢兜愁慮，有時間乜會多陪佢兜，正毋會到時嗄來毋掣咧！
華語
我的爺爺奶奶，也是我的第二對父母。從小到大，因為爸媽工作忙，所以我和妹妹都是爺爺奶奶照顧長大的。
爺爺已經90多歲了，身體依然很健康，看起來才80歲的樣子。他年輕時候是一位優秀的建築師，也賺了不少錢，我們現在住的房子也是他和奶奶蓋的，除了蓋房子，爺爺也多才多藝，他會唱很多語言的歌、會種營養美味的蔬菜，還會修理家裡大大小小的傢俱。我最喜歡和爺爺一起在菜園度過週末的下午，他總是一邊替蔬菜拔雜草、澆水，一邊唱著客家歌，我就會在旁邊和小雞小鴨玩，哼著爺爺唱的歌，心情好的時候，爺爺還會和奶奶在家唱日語情歌，大展歌喉。
奶奶是一個很會照顧小孩的人，他雖然沒有讀過書，但總有辦法管理每個小孩。奶奶很細心，他會記得16個孫子女，喜歡吃甚麼食物。還把每道菜，做到符合每個人的口味，每次吃到奶奶做的家常菜，總是不自覺露出幸福的笑容，而且他很節儉，常常節省出很多東西，小到衛生紙，大到一台電視，真的很佩服他。
聽爸爸說，小時候我生活上的必需品，都是爺爺奶奶提供的，第一次學會走路，牽我的是奶奶，第一首客家歌是爺爺教的，小學開學第一天，也是奶奶帶去報到的，上課忘記帶東西，是爺爺從家裡幫我帶來學校。總之，從出生到現在，我生命裡每個時間點，都有爺爺奶奶的幫助的身影。
還記得，有一次我在學校生病不舒服，發燒到39度，我打電話給爸媽，但是他們在工作，沒辦法帶我去看醫生。我當時還在想怎麼辦時，我就接到奶奶從家裡打來的電話：「阿芃啊，你有怎樣嗎？你爺爺已經在去接你的路上了，你乖乖在老師那等爺爺，等一下去看醫生。」
掛了電話沒多久，爺爺的車就停在校門口了，看完醫生回到家門前，就看到奶奶站在門口等我和爺爺，他看我坐下來，就端來一碗熱呼呼的粥，還提醒我吃完要記得吃藥，看到奶奶特地為我煮的粥，和擔心、關心的樣子，以及爺爺特地停下手邊工作，帶我去看醫生的舉動，突然感覺一股暖流湧上心頭，這一刻我感覺，我是這世界最幸福的小孩。
從小到大，我的爺爺奶奶盡心盡力，把屎把尿的拉拔我長大，無私的為我付出，他們已經將近百歲，而我到現在，卻還是沒有好好的感謝他們，其實他們沒有義務的，但是因為愛我，付出很多很多，報答他們、孝順他們，最好的方式就是照顧好自己，不要讓他們擔心，有時間也會多陪伴他們，才不會到時候卻來不及了！
