文／鍾孝昇，國小教師、中壢客家人，這下戴中壢（四縣腔）
今晡日係阿爸「圓七」个日仔，吂到臨暗仔，阿姆就在灶下無閒洎杈，為阿爸準備豐沛个菜色，?兜子女，乜摎這駁仔摺个紙蓮花、金銀元寶放在供桌頂，愛送阿爸最尾一擺个離開。根據佛家个講法，亡魂在往生四十九日後，就會跈等業報，離開這生人，轉世到下生人咧。故所，今晡日過後，阿爸乜會永遠離開?兜。
飯菜兜好，點著線香，過摎阿爸个香火籃解下來，放在桌頂，簡單又隆重个圓七儀式，就開始咧。
應該係淰淰个金銀財寶，分阿爸感受著?兜个誠意，抑係阿姆用心煮个美食，阿爸盡合意，第一擺跌筊，就跌著聖筊，?相信阿爸，應該順利通過七殿閻王个審判，歡歡喜喜轉到屋下咧。
無幾久，?兩兄弟就燒銀紙，希望分阿爸帶等滿褲袋个錢，繼續佢另外一段路程。
各式个紙錢、蓮花，分金爐燒到紅冬冬。斡頭望向企在供桌前个狗仔，?發現黏在大門玻璃項，「仁興剃頭店」五隻大字，該係屋下伸下來，紀錄著這位識係摎人剃頭个位所，這五隻大字，乜係?摎阿姊、老弟三儕，分剃頭師傅畜大个證據。
阿爸民國三十六年，在新竹縣關西鎮个山肚出世，十三歲，小學五年生吂畢業，佢就因為山區絡食無恁該，故所離開胞衣跡，去到桃園拜師學剃頭。到佢七十三歲退休，一甲子个時間，單淨做過這隻頭路，乜用這項頭路，畜歸屋下人。
講著店名「仁興剃頭店」个由來，阿爸在世該下，?毋識問過佢，係等到阿爸過身後，整理阿爸留下來个東西該央時，正在一張阿爸同厥頭家共下翕相个相片中知著。
原來，該下正出社會个阿爸，來到桃園學師仔，因爭當煞猛學習，技術緊來緊好。十七歲，就分該央時中壢盡有名个「大平洋剃頭店」，請去做剃頭師傅。做兵退伍後，又分頭家請轉去，一做就係二十年。
為著愛感謝「大平洋剃頭店」个頭家，陳仁忠先生个牽成，阿爸三十七歲出來開店，就摎店名安做「仁興剃頭店」。阿爸特別摎頭家名仔裡肚个「仁」字放在頭前，自家名仔个「興」字放在後背，恁樣做，毋單淨表達對恩人一生人个感謝，也係佢一生人做人个準則。
曩日在中壢青瞑仔巷，阿爸有兩個視障个交關主顧，對大平洋剃頭店剃頭該下，就係阿爸騎車仔，接送佢兜到店肚剃頭洗面。剃好勢咧，阿爸正騎車仔送佢兜轉屋下。下後，阿爸自家開店，徙到別位絡食，這無收一角銀个接送服務，毋識斷忒，足足有二十年个時間，可見阿爸做人有幾善良。阿爸一生對人都係恁老實、恁仁心，全全就像佢一手開个剃頭店店名共樣。
民間認為，在七七四十九日內，摎過身个人做齋、修功德，做得洗淨佢生前个罪業，順利入去六道輪迴。?想阿爸一生人做恁多善事，又仰使子女摎佢做功德，加添福報呢？佢既經親身示範，教?兜仰般在人世間修功德个方法咧。
美國神經科學家識講：「人个一生，愛過身三擺。」第一擺，係你个心臟恬忒，分醫生判定肉身死忒咧。第二擺，就係你還山出門該日，大家看等你，在這隻社會當中消失。該第三擺過身，就係這隻世界項，盡尾一儕記得你个人，也添放忒你所有个故事，你從今以後在這隻世界當中，永永遠遠毋見忒咧。
?想吾爸，絕對毋會恁遽就面對佢第三擺个過身，因爭每一個阿爸這一生人堵著个人，應該都會清楚記得佢，總係寬容笑面，對待大家个溫柔。
看等金紙燒到猛猛个火舌，今晡日「圓七」過後，阿爸个魂魄，敢怕正經會永久離開?兜咧。雖然毋盼得，毋過這下个?，一息仔乜毋會試著艱苦，因為有「仁興剃頭店」這幾隻字，寫在屋下个玻璃門，?兜乜摎阿爸安个「仁興」，這兩隻字个道理，永遠記在心肝肚。
華語
今天是父親「圓七」的日子，未及傍晚，母親就在廚房忙進忙出，為父親準備豐盛的菜餚，而我們子女，也將這陣子摺的紙蓮花、金銀元寶擺放在供桌上，要送父親最終一次的離去，因為根據佛家說法，亡魂在往生四十九天後，就會隨著業報，離開此生，轉世到下一輩子了。是以，今天過後，父親也將永遠離開我們。
飯菜備妥，點燃線香，再將父親的香火籃卸下來，放在桌上，簡單又隆重的「圓七」儀式，就開始了。
應該是滿滿的金銀財寶，讓父親感受到我們的誠意，也或許是母親用心煮的美食，父親很滿意，第一次擲爻，就擲到了聖爻，我相信著父親，已順利通過七殿閻羅的審判，歡歡喜喜回到家了。
半晌之後，我兄弟倆焚燒紙錢，希望讓父親帶著滿褲袋的錢，繼續他的另一段行程。
各式的紙錢、蓮花，讓金爐燒得通紅。回首望向站在室內供桌前的狗兒，我發現大門玻璃上，「仁興理髮廳」五個字，這是家裡僅存，紀錄著這裡曾經是為人剃頭的地方，這五個字，也是我和姊姊、第弟三人，讓剃頭師傅養大的證據。
父親民國三十六年，在新竹縣關西鎮的山區出生，十三歲，小學五年級未畢業的他，就因山區生活不易，於是離開出生地到桃園拜師學理髮謀生。到他七十三歲退休，一甲子的時間，只做過這個職業，也用這個職業，養活全家人。
關於店名「仁興理髮廳」的由來，父親在世時，我不曾問過他，是到了父親離世後，整理父親的遺物時，才在一張父親與他的老闆，一起照相的相片中得知。
原來，當時剛出社會的父親，來到桃園拜師學藝，就因為認真學習，技術日益精進，十七歲時，就被當時中壢知名的「大平洋理髮廳」延攬，擔任理髮師，退伍後，又被老闆請回去，一做就是二十年。
為感念「大平洋理髮廳」老闆陳仁忠先生的栽培，父親三十七歲出來創業，就將店名取為「仁興理髮廳」。父親特別將老闆名字裡的「仁」字放在前面，自己名字的「興」字放在後面，這樣做，不僅僅是表達對恩人一輩子的感謝，也是做為他自己，一生為人處事的準則。
昔時在中壢瞎子巷，父親有兩位視障的客戶，自大平洋理髮廳服務時，就由父親親自騎摩托車接送至店裡，為其理髮洗頭的。理髮好了後，再由父親騎著車，送其回家。而後，即使父親自行開店，移往別處謀生，這未收一分一毫的接送服務，都未間斷，整整二十年時間，可見父親為人之善良。父親一生對人之老實、仁心，全然正如其一手創立的理髮廳店名一樣。
民間以為，在七七四十九日內，透過為亡者辦法事、修功德，可讓他將生前的罪業淨化，順利進入六道輪迴。我想父親一生做過那麼多的善業，又何需子女做怎樣的法事，來增添福報呢？他已經親身示範，教我們怎樣在人間修功德的方法了。
美國神經科學家曾説：「人的一生，要死去三次。」第一次，是當你的心跳停止時，被醫生宣告了肉體的死亡。而第二次，則是當你告別式當天，大家看著你在這個社會中消逝。至於第三次死亡，則是當這個世界上，最後一個記得你的人，也把你的一切故事忘記時，你從今以後在這個世界中，永永遠遠不見了。
我想我的父親，絕對不會這麼快就面臨他的第三次逝去。因為每個父親這一生遇到的人，應該都會清楚記得他，總是笑容滿面，對待大家的溫柔。
望著金紙竄燒熊熊的火焰，今日「圓七」後，父親的靈魂，或許真的將永久離開我們了。雖然捨不得，但此刻的我，一點也不會感到痛苦，因為有「仁興理髮廳」這幾個字，書寫在家裡玻璃門，我們子女更已將父親的「仁興」這兩字的道理，永遠記在心中。
