【華文版】
古秀妃掌新內閣客委會 低調簡樸展現客家氣質
【羅盛滿／新竹竹東海陸腔】準客家委員會主委古秀妃歷任中央到地方客家事務，目前擔任台南市政府客家事務委員會主委，歷練完整，她自信、低調又簡樸，充分展現客家人氣質，丈夫是導演陳文彬。
「半年來我一直以為你們主委是臨時人員」，台南市政府1名主管曾向台南市客委會幹部說。古秀妃2021年接掌台南市客委會，多襯衫、長褲打扮，相較於其他一級局處長外表光鮮亮麗，古秀妃穿著真的樸素，使得很多市府員工一睹廬山真面目後仍無法置信。
1972年出生的古秀妃，出身高雄美濃客家庄，歷任客委會專門委員及主任秘書、台灣省政府參議、屏東縣政府客家事務處長、高雄市客委會主委，接任台南市客委會主委前是財團法人人本教育文教基金會南部辦公室主任。
古秀妃就讀東海大學時期熱心客家事務，創立客家社，曾參與社運，投入反美濃水庫運動，並參與美濃愛鄉協進會推動社區事務，編纂美濃鎮誌，也曾任中央研究院研究助理。
古秀妃任屏東縣政府客家事務處長期間，推動全台首創「幼兒客語沉浸式教學」，落實客語返鄉運動。她2011年從高雄市88風災重建會執行長轉任高雄市客委會主委，也是當時全台首名擔任高雄市客委會主委的女性（2018年底期滿卸任），大刀闊斧推行小學客華雙語教學、籌建美濃圖書館及文創園區、推動設立全台首座客家實驗學校等。
她渾身上下充滿客家人氣息，為人自信、低調又簡樸，從中央到地方歷練完整，推廣客家文化復甦與傳承工作逾30年。
當然，古秀妃還有一個身分，就是導演陳文彬的老婆，陳文彬是電影「不能沒有你」的男主角，也曾服務於副總統賴清德辦公室，古秀妃和陳文彬2004年合作拍攝紀錄片「家」，獲金馬獎最佳紀錄片入圍。但許多人聽到古秀妃，浮上腦海的名字反而是陳文彬，忽略她在客家事務的專業和歷練，從這裡也能看出古秀妃不想引人注目的個性。
知情人士說，客委會主委職務多由「北客」出任、但也曾有「南客」接任，即使古秀妃事前否認，只是她身為「南客」、又熟悉台南、高雄及屏東客家事務，如今雀屏中選入閣，其實不會讓人太意外。
賴清德選前曾提出「客家六箭」政策，承諾普及客語公共服務、強化青年與客家文化連結、推動客家文創工作、讓客家文化走進國際等。古秀妃長年投身客語復甦、推動客家文化，以及其完整豐富的實務歷練，都是出線重要關鍵。未來她將如何帶動客庄文化繁榮發展、增進台灣客家國際能見度，表現備受期待。（中央社）
【客文版】
古秀妃接掌新內閣客委會 低調簡樸展現客家氣質
準客家委員會主委古秀妃歷任中央到地方客家事務，目前擔任台南市政府客家事務委員會主委，歷練完整，佢自信、低調又簡樸，充分展現客家人氣質，丈夫係導演陳文彬。
台南市政府有1個主管識摎台南市客委會幹部講，「這半年來?緊話著你兜主委係臨時人員」。古秀妃在2021年接掌台南市客委會，平常打扮大體著等恤子摎長褲，摎其他一級个局處長總係著到當萋頭相比，古秀妃正經係著到當素，使得當多市政府員工看過佢本人之後還係毌敢相信。
1972年出世个古秀妃，係高雄瀰濃客家人，歷任客委會專門委員摎主任秘書、台灣省政府參議、屏東縣政府客家事務處處長、高雄市客委會主委，接任台南市客委會主委以前係財團法人人本教育文教基金會南部辦公室主任。
古秀妃就讀東海大學个時節對客家事務當熱誠，創立客家社，識參與社運，投入反瀰濃水庫運動，還過參與瀰濃愛鄉協進會推動社區事務，編纂瀰濃鎮雜誌，乜識擔任中央研究院研究助理。
古秀妃擔任屏東縣政府客家事務處處長个期間，推動全台灣第一隻創辦个「幼兒客語沉浸式教學」，落實客語返鄉運動。佢在2011年從高雄市88風災重建會執行長轉任高雄市客委會主委，乜係該當時全台灣第一個擔任高雄市客委會主委个細妹人（在2018年年底期滿卸任），做事當煞手个佢，大力推行小學客語摎華語个雙語教學、籌備起瀰濃圖書館摎文創園區、推動設立全台灣第一間客家實驗學校這兜。
佢分人个感覺就係客人个樣仔，做人自信、低調又老實，從中央到地方个歷練完整，推廣客家文化復甦摎傳承工作超過30年恁久。
當然，古秀妃還有一隻身分，就係導演陳文彬个餔娘，陳文彬係電影「做毌得無你」个男主角，乜識在副總統賴清德辦公室服務，古秀妃摎陳文彬在2004年合作拍紀錄片「家」，得著金馬獎最佳紀錄片入圍。但係盡多人聽著古秀妃，想著个名仔顛倒係陳文彬，冷落佢在客家事務个專業摎歷練，從這位乜做得看出古秀妃無想愛餳人關注个性格。
有兜人會講，客委會主委這隻位仔大體係由「北部客人」擔任、但係乜識有「南部客人」接任，就算古秀妃事前否認，毋過佢做為「南部客人」、又熟絡台南、高雄還過屏東个客家事務，這下順利入選進入內閣，其實毋會分大家試著昶意外。
賴清德在大選以前識提出「客家六箭」个政策，承諾普及客語公共服務、強化青年摎客家文化連結、推動客家文創工作、分客家文化行入國際這兜。古秀妃長年落身客語復甦、推動客家文化，還過佢完整豐富个實務歷練，都係出線个重要關鍵。未來佢會仰般形帶動客庄文化繁榮發展、增加台灣客家國際能見度，大家都非常期待佢續下來个表現。
｜網路收聽｜
▹講客廣播電臺官網｜https://pse.is/R8RU8
▹講客廣播電臺APP｜
(Android連結：https://reurl.cc/8GWlXd)
(IOS連結：https://reurl.cc/O1pb59 )
