文／李秀鳳，新竹客家人，中小學客語先生，這下戴中壢（海陸腔）
頭擺有一個人安到范丹，雖然屋下苦到屙痢肚，毋過佢拜伯公个時節，還係祈求伯公講：「但願天下人人富，毋怕范丹一人窮」……
這係?改寫〈八仙綵个故事〉起頭，五年前，指導一個六年生个細阿妹仔講這隻古，去參加郭元益「第十二屆兒童母語講故事比賽」，佢在台頂講到已流掠，?坐在台下恬恬聽，心肝肚偷暢，胚想佢有得名个希望。
無想著，比賽煞棚，擔任主審个係一個小學退休校長，佢上台講評，?教學生仔講這隻古个內容，竟然分佢兜腳：「范丹屋下苦到屙痢肚…，毋識聽過恁樣个講法，屋下恁苦無錢買東西食，哪有東西好屙痢肚，所以恁樣講，毋著，下二擺指導小朋友講古个先生愛較注意兜…」
聽著恁樣个講評，正經會閼到屙痢肚，哪有這種評審？自家毋識聽過，少見多怪，還講別儕教毋著、講毋著。看這個退休校長，差毋多也有一甲子个歲數，仰會毋識聽過「苦到屙痢肚」這句當烏个客家話呢？還細時節，輒常聽?婆?姆講呀！有恁樣个講評，用膝頭去想乜知，?渡去參賽个學生無打等。
該日下晝轉到屋下，老公看?面臭臭，問?閼麼个？「幾十個選手上台講古，斯?學生講个分主審先生嫌到臭屎。」?摎老公講出心肝肚个委屈。老公講：「這個評審怕係井肚个蛤蟆—毋識出空，又毋係後生人，仰毋識聽過苦到屙痢肚？頭擺戴在湖口，識聽過來屋下做長年个阿叔阿伯講佢兜屋下苦到屙痢肚，正會從細分爺哀送來做長年。」
聽老公恁樣講，雖然有試著一息仔安慰，毋過還係緊想緊博氣博激，忍毋核打電話分?老哀，問佢「屋下恁苦，無錢買東西，仰會屙痢肚？」?姆應講：「好額人當好命，毋識食過苦，毋知窮苦人無三餐好食，枵到肚屎變背囊，儘採抓著東西斯塞嘴空，管佢有萋無萋，無滾過个水啉到飽，仰毋會屙痢肚？」
該暗晡，?還在面書頂高做「田野調查」，好得來留言个客家朋友，通棚有聽過「苦到屙痢肚」。有一個客家長輩分享，講佢做細人仔時節戴在山林壁壢角，識看過戴在無幾遠茅寮肚个窮苦人家，連鮮糜生到仰般形都毋識看過，大體都係食野菜野果傍河壩水，若係食忒多，當然會屙痢肚。現代人食著都無愁，毋識戴過山肚，體會毋著客家先民「苦到屙痢肚」這句俗語。
還有一個客家先進講，苦到屙痢肚，就係形容該兜屋下丟籬橫壁个人，無正常个食物好食，比論講：米飯、肉氣、青菜、果子這兜，空心肚淨食該酸酸澀澀抑係臭餿个東西，胃腸佇毋著，無法度吸收，定著會屙痢肚。
前一駁仔看電視新聞，加薩走廊个難民無水無電無屋無食物，大人細子因為濫糝啉屙糟水，相賽屙落巴，日仔過到盡衰過，分?回想五年前指導小朋友參加講古比賽个事情，相信這一大群難民，應該做得體會著「苦到屙痢肚」這句客語个意思。
經過這擺个經驗，教精?日後聽著毋識聽過个客語，做毋得儘採批評別人講毋著。「單樵難燒一鑊紅，一牆難抵四面風。」臺灣客語有「四海大平安」五種腔調，各腔都有自家个歷史、特色，值得大家互相尊重、欣賞，尤其這下个教育強調多元文化个價值摎寶貴，亻恩俚無共腔个客家族群，愛還較團結、還較煞猛傳承自家个語言摎文化，正有法度在多元文化个社會裡肚坐上橫桌。
華語
從前有一個人叫做范丹，雖然家裡苦到拉肚子，不過他拜土地公的時候，還是祈求土地公：「但願天下人人富，不怕范丹一人窮」……
這是我改寫〈八仙綵的故事〉起頭，五年前，指導一個六年級的小女生講這個故事，去參加郭元益「第十二屆兒童母語講故事比賽」，她在台上講得很流利，我坐在台下靜靜聽，心裡暗自高興，猜想她有得名的希望。
未料，比賽結束，擔任主審的是一位小學退休校長，他上台講評，我教學生講這個故事的內容，竟然給他抓出缺點：「范丹家裡苦到拉肚子…，不曾聽過這樣的講法，家裡很苦沒有錢買東西吃，哪有東西可以拉肚子，所以這樣講，不對，下次指導小朋友講故事的老師要更注意點…」
聽到這樣的講評，真的會氣到拉肚子，哪有這種評審？自己不曾聽過，少見多怪，還講別人教不對、講不對。看這位退休校長，差不多也有一甲子的歲數，怎會不曾聽過「苦到拉肚子」這句很道地的客家話呢？還小時候，經常聽我祖母我媽媽講呀！有這樣的講評，用膝蓋去想也知，我帶去參賽的學生沒得名。
當天下午回到家裡，老公看我臉臭臭，問我氣什麼？「幾十個選手上台講故事，只有我學生講的給主審老師嫌到臭頭。」我跟老公講出心裡的委屈。老公講：「這個評審恐怕是井底之蛙—不曾見過世面，又不是年輕人，怎不曾聽過苦到拉肚子？從前住在湖口，曾聽過來家裡做長工的阿叔阿伯講他們家裡窮到拉肚子，才會從小被父母送來當長工。」
聽老公這樣講，雖然有覺得一點安慰，不過還是邊想邊生悶氣難以平復，忍不住打電話給我老媽，問她「家裡很苦，沒錢買東西，怎會拉肚子？」我媽回應：「有錢人很好命，不曾吃過苦，不知窮苦人沒三餐好吃，餓到前胸貼後背，隨便抓到東西就往嘴裡塞，管它新不新鮮，沒煮過的水喝到飽，怎不會拉肚子？」
當晚，?還在臉書上做「田野調查」，好在來留言的客家朋友全部有聽過「苦到拉肚子」。有一個客家長輩分享，說他小時候住在山林中偏僻荒遠的地方，曾看過住在沒多遠茅寮裡的窮苦人家，連很稀的稀飯長怎樣都不曾見過，大致上都是吃野菜野果配河水，如過吃太多，當然會拉肚子。現代人吃穿都不愁，不曾住過山裡，體會不到客家先民「苦到拉肚子」這句俗語。
還有一位客家先進講，苦到拉肚子，就是形容那些家境窮困的人，沒有正常的食物可吃，比如：米飯、肉類、青菜、水果這些，空腹只吃些酸酸澀澀或是臭酸的東西，胃腸受不了，無法吸收，一定會拉肚子。
前一陣子看電視新聞，加薩走廊的難民沒水沒電沒屋沒食物，大人小孩因為隨便喝髒水，爭相拉肚子，日子過得很可憐，讓我回想五年前指導小朋友參加講故事比賽的事情，相信這一大群難民，應該可以體會到「苦到拉肚子」這句客語的意思。
經過這次的經驗，讓我受教訓變聰明，日後聽到不曾聽過的客語，不能隨便批評別人講錯。「單柴難燒一鍋紅，一牆難抵四面風。」臺灣客語有「四海大平安」五種腔調，各腔都有自己的歷史、特色，值得大家互相尊重、欣賞，尤其現在的教育強調多元文化的價值與寶貴，我們不同腔調的客家族群，要更加團結、更加努力傳承自己的語言和文化，才有辦法在多元文化的社會裡坐大位。
