文／蕭宥，台東客家人，現下戴臺東，但係吾婆係南投國姓客家人（四縣腔）

台灣客家女性在歷史、性別關係摎文學這兜領域，有當多个故事，透過這本書《台灣客家女性》，?深深感受著佢兜在無共樣个時期堵著个各項挑戰同成長。

對歷史个角度來看，台灣客家女性係當重要个角色，佢兜輒常分人認為係勞動重要个參與者，同時乜在家庭同教育裡背擔任關鍵个角色，這做得在客家女性正有个「四頭四尾」傳統裡背看著。佢兜有當大个程度，會影響著家庭摎社區个運作，頭擺个社會環境將佢兜个角色限制在該做屋下事定定。這幾年，台灣細妹人个權利，在婦權團體、學者專家个提倡之下得著盡好、盡遽个改變，包括推動兩性工作平等法、建立友善婦女醫療這兜，分細妹人个身分得著尊重。

隨等社會个進步，客家女性漸漸仔展現出還較多个才情同能力，打忒傳統个刻板印象，行向過較闊个領域。頭擺社會輒常強調男女分工个觀念，造成客家女性在家庭肚个角色受著限制，隨等現代價值觀个轉變，細妹人个地位乜慢慢提高，乜開始有受教育同尋頭路个機會，帶來家庭角色同兩性關係个變化，呈現過較多元同平等个模式。

續等對文學个角度來看，當多作品有寫著台灣客家女性个故事，毋過嗄限制在描寫早期客家女性个刻板印象抑係形象，無法度符合社會前進个軌道，加入過較創新个描寫。毋過在現代作品裡背，乜慢慢做得發現對「客家」有進一步个發現，比論講都市客家个出現，還有過較闊个觀點。在客家女詩人裡背，乜有人透過客語現代詩同劇團合作，參與國際展演个方式，將自家个母語摎文化帶出去世界，對無共樣个角度展現同傳統印象無共樣个客家，探討佢兜个夢想、挑戰同成長過程。?兜新一代煞猛創造這兜故事，除忒堅韌摎勇氣，還較重要个係同時代共下前進个決心。

隨等時代个進步，緊來緊多人有母語意識。在教育程度中等个街路項抑係社區肚復振母語个過程當中，客家女性个身分對?來講提供了當大个幫助，做得用「客家新生代女性」个身分滿哪仔去宣揚母語个重要性，毋單止加減激發在地客家人保護語言个想法，乜加深鄉里之間對「女性也做得發揮強大力量」个觀念，分大家知得：「硬頸精神、勤儉做家雖然係一種美德，但係現代个客人，毋單淨伸耕田、採茶个頭路，?兜乜做得做當多?領域个工作，毋會過為著生存就咬薑啜醋。」這幾年來，透過客家女性个身分為自家打忒頭擺對族群、性別个刻板印象，用這身分做自家試著當有意義个事情，對文學个世界去尋真實，?身為一個客家人、一個新時代个女性試著一等沙鼻个事情。

以前，?輒輒會思考「麼个係自家應該做个『角色』同該當做个事情？」，但係在讀忒這本書之後，?開始發現：人一生人會有各種無共樣个身分，打忒這身分帶來个迷思、自由選擇自家中意个事物，貶轉其他人對這身分个印象同想法，正係值得思考个目的同意義。

華語

台灣客家女性在歷史、兩性關係和文學等領域，擁有豐富的故事和經歷，透過閱讀這本書，我深刻感受到她們在不同時期所經歷的種種挑戰和成長。

從歷史的角度來看，台灣客家女性扮演著不可或缺的角色，她們通常被認為是勞動的重要參與者，同時也在家庭與教育中扮演著關鍵的角色，這點在客家女性獨有的「四頭四尾」的傳統中能夠看到。她們在很大程度上，影響著家庭和社區的運作，過去的社會環境將她們的角色局限於家務勞動。近幾年，台灣女性的權益，在婦權團體、學者專家的倡議之下迅速提升，落實兩性工作平等法、建立友善婦女醫療等，讓女性的身分地位得到尊重。

隨著社會的進步，客家女性逐漸展現出更多的才華和能力，破除傳統的刻板印象，邁向更廣泛的領域。過去的社會常常強調男女分工的觀念，使得客家女性在家庭中的角色受限，隨著現代價值觀的演變，女性的地位也逐漸提升，也開始擁有受教育和求職的機會，帶來了家庭結構和兩性關係的轉變，呈現出更多元且平等的模式。

而從文學的角度，有許多作品描寫了台灣客家女性的故事，卻被桎梏於早期客家女性的刻板印象或形象，無法符合社會前進的軌跡，加入更加創新的詮釋。但在現代作品中，也慢慢能夠發現對於「客家」有更進一步的發現，比如像是都市客家的出現，以及更廣闊的觀點。在客家女詩人中，也有人透過客語現代詩與劇團合作，參與國際展演的方式，將自身的母語及文化帶往世界，從不同的角度展現有別於傳統印象的客家，探討她們的夢想、挑戰和成長過程。我們新一代積極創下這些故事，除了堅韌和勇氣，更重要的是與時並進的決心。

隨著時代的變遷，母語意識興起。在教育程度中等的市區或社區間復育母語的過程中，客家女性的身分為我提供了很大的助益，能以「客家新生代女性」四處宣揚母語的重要性，不只多多少少激發了在地的客家人捍衛語言的心，也加深鄉里間對於「女性也能發揮強大力量」的觀念，讓民眾知道：「刻苦耐勞、勤儉持家雖是一種美德，但現代的客家人，不再只剩下耕田、採茶的工作，我們也可以做很多跨領域的工作，不再為了能夠活下去而縮衣節食。」在近幾年，透過客家女性的身分為自己破除舊有的種族、性別刻板印象，並用此身分做我覺得有意義的事情，從文學的汪洋中尋求真實，是我身為一位客家人、一位新時代女性最驕傲的事情。

以前，我經常會思考「什麼是自己該扮演的『角色』及該做的事情？」，但閱讀這本書後，我開始發現：人們一生會擁有各種不同的身分，破除該身分帶來的迷思、自由選擇自己愛好的事物，顛覆他人對於該身分的印象或想法，才是值得思考的目的與意義。