文／李文煥，國中特教教師，苗栗縣客家人（四縣腔）

你敢識堵過恁樣个情形：有人在網路項講自家係客家人，顛倒用華語來取笑客家人个省儉，還有一群觀眾在脣項笑到耐毋得？你敢試著這係一種對客家文化个侮辱同歧視？你敢會想同客家人發聲，來分較多人了解客家人个真實面貌？若係你有恁樣个感受，該就來看吾這篇文章。

叮叮咚咚！暗晡夜LINE个客家群組，訊息緊響毋恬。「麼个事？」，?心肚愐，撈出手機仔煞煞來看，到底發生麼个大事？吂知，竟然係戴在印尼个客籍朋友阿輝仔，在逐隻客群組發消息。佢講：「雖然?毋係台灣人，但係?係客家人，?正經看毋落去，拜托各位網友?手檢舉。」訊息落尾阿輝仔貼了一隻影片个連結，?黏時點來看係仰般？做麼佢會恁譴，愛滿哪仔去留言拜託人?手。

該係一個黃姓藝人講笑科个影片，?看煞了後乜係火當著，一分零鐘个短片裡肚，全係拿客人族群來訄洗。你若係客家人，看著這影片，定著會同?共樣膦火使。該隻姓黃个用華語講：「我是客家人，我告訴你們：「今天我小氣不關我的事，今天不是我不願意大方，是我的族群逼著我吝嗇，你以為摳門是我的特質。不！這是流淌在我血液裡頭的鄉愁。」講煞，影片背景有當多觀眾在該拍手取笑。毋管你係毋係客家子弟，你聽著這段話个時節，心肚係毋係會當毋爽？

這一駁仔，像這黃姓藝人誚㸐客家人个情形，在網路頂項、在媒體裡背，三不二時就會瀉出來。現下台灣社會係多元文化共融个國家，摎無共族群个人共下生活，互相包容、尊重對方个文化係十分重要个態度，?應當愛做下來抗議該兜不格个言論。該兜人摎歧視性言論同觀點，準做笑科个題材來賺網路流量，用客家人本旦省儉个美德，嗄挑勢歪忒講係客家人「齧察」，這就係一種對客家族群个歧視。這種笑科摎誤解帶來个影響，毋單淨損害了客家人个尊嚴同價值，還深深損害了歸隻社會个和挼。

摎客家人儆惜个美德誤解做齧察，愛使麼人講？這毋係族群歧視係麼个？省儉就係莫打爽、莫折福，客家人个省儉係「惜福」个觀念，毋係齧察同小氣。毋過，若係有人摎這恁好个觀念，硬硬拗做負面解釋个時節，就會對客家群體產生不公平个歧視。這種言論个傳播牽連，毋單淨係加深了對客家人个刻板印象，乜在這社會埋下了族群間个誤解。

阿輝仔講：「仰般台灣客家人个性恁好？明明?就毋係佢兜講个該樣，客家人開枝散葉全世界，係一等優秀个族群，?單淨在台灣正有聽著人用『齧』來代表客家人。」阿輝仔个講法打醒?，?俚應當愛反省思愐，做麼个台灣客家人愛分人看衰漦？該黃姓藝人還有面皮講自家係客家人？毋知佢正月半有去掛紙無？係講?客家个祖公祖婆，知著後撐仔有恁樣个歿子弟，定著發大譴罵佢「孤盲子」。

盡後，?期待台灣所有个人民，毋管你係麼个族群，?俚就係共同在這垤土地生活个一家人，應當互相尊重別儕个價值觀同生活方式，消除歧視同成見，共同建設一個包容和挼个社會，請莫摎歧視準做係生趣！」

華語

你可曾遇過這樣的情形：有人在網路上說自己是客家人，反而用華語來嘲笑客家人的節省，還有一群觀眾在旁邊笑得樂不可支？你是否認為這是一種對客家文化的侮辱與歧視？你是否會想幫客家人發聲，來讓更多人了解客家人的真實面貌？若是你有這樣的感受，那就來看我的這篇文章。

叮叮咚咚！今晚LINE的客家群組，訊息一直響個不停。「什麼事？」，我心裡想，拿出手機趕緊來看，到底發生什麼大事？殊不知，竟然是住在印尼的客籍朋友阿輝，在每個客群組發消息。他說：「雖然我不是台灣人，但是我是客家人，我真的看不下去，拜托各位網友幫忙檢舉。」訊息尾端阿輝貼了一個影片的連結，我馬上點來看是怎麼樣，為何他會那麼氣，要到處去留言拜託人幫忙。

那是一個黃姓藝人說笑話的影片，我看完之後也是很火大，一分多鐘的短片裡面，全是拿客家族群來諷刺。你若是客家人看到這影片，一定也會和我一樣膦火使。那個姓黃的用華語說：「我是客家人，我告訴你們：「今天我小氣不關我的事，今天不是我不願意大方，是我的族群逼著我吝嗇，你以為摳門是我的特質。不！這是流淌在我血液裡頭的鄉愁。」講完，影片背景有很多觀眾在那鼓掌嘲笑。不管你是不是客家子弟，你聽到這段話的時候，心裡是不是很不舒服？

這一陣子，像這黃姓藝人譏諷客家人的情形，在網路上、在媒體，三不五時就會跑出來。現今台灣社會是多元文化共融的國家，把不同族群的人放一起生活，互相包容、尊重對方的文化是十分重要的態度，我們應當要一起來抗議那些不良的言論。那些人把歧視性言論和觀點，當做笑話的題材來賺網路流量，用客家人本來節省的美德，卻故意歪樓說是客家人「吝嗇」，這就是一種對客家族群的歧視。這種笑科及誤解帶來的影響，不僅是損害了客家人的尊嚴與價值，還深切損害了整個社會的和協。

把客家人珍惜的美德誤解做吝嗇，這還用說？這不是族群歧視又是什麼？節省就是不要浪費，客家人的節省是「惜福」的觀念，不是吝嗇和小氣。不過，如果有人把這麼好的觀念，硬是要做負面解釋的話，就會對客家群體產生不公平的歧視。這種言論的傳播牽連，不單淨是加深了對客家人的刻板印象，也在這社會埋下了族群間的誤解。

阿輝說：「為何台灣客家人的脾氣那麼好？明明我們就不是他們說的那樣，客家人開枝散葉全世界，是一等優秀的族群，我只有在台灣才會聽到人用『齧』來代表客家人。」阿輝的說法敲醒我，我們應該要反省思考，為什麼台灣客家人要被人看衰？那黃姓藝人還有臉皮說自己是客家人？不知他正月十五有沒有去掃墓？如果我們客家的祖先，知道這後輩有這樣的不肖子弟，一定很生氣罵他「孤盲子」。

最後，我期待台灣所有的人民，不管你是什麼族群，我們就是共同在這塊土地生活的一家人，應當互相尊重他人的價值觀和生活方式，消除歧視與偏見，共同建設一個包容和偕的社會，請別把歧視當做是有趣！」