【華文版】
PLG攻城獅推「暗紫誰」限定球衣 客家日不放棄精神逆轉勝國王
【黃盛源／花蓮瑞穗海陸腔】以新竹縣為根據地的PLG聯盟（P. LEAGUE＋）職業籃球隊新竹攻城獅，在昨日（28日）進行下半季主場的第一場比賽對上新北國王，球團特地結合在地客家文化，舉辦「暗紫誰客家主題日」，結合球隊主視覺紫色與客語「恁仔細（四縣腔：anˋ ziiˋ se ，謝謝）」的諧音，推出限定客家球衣，更在比賽過程中進行趣味客語教學，讓球迷學習籃球術語的客語說法。最終攻城獅發揮客家堅毅精神，以88比80擊敗新北國王，奪下客家主題日的主場勝利。
新竹御頂攻城獅位在新竹縣體育館的主場，下午2點的比賽，不到12點場外就已湧現大批等待入場的球迷，攻城獅球團也特別針對客家主題日推出限定球衣，堪稱有史以來最具客家元素的出賽球衣；不只球衣，周邊商品也大玩諧音哏，推出「暗自Sad（恁仔細）」應援毛巾，盼用客家人看到就必懂的輕鬆幽默方式，呈現屬於新竹在地的客家本色。球團公關主任David表示，攻城獅的客家主題日不只把球衣與花布結合，現場也有客家飲食攤位體驗，並且透過球賽主持人與大螢幕教學，將籃球應援用語以客語版本呈現，讓球迷可以感受到滿滿的客家元素，希望未來能有機會讓客家日成為每年都有的主題日。
【客文版】
PLG攻城獅隊推出「暗紫誰」限定球衫 客家日毋放棄个精神最尾贏國王隊
以新竹縣做根據地个PLG聯盟（P. LEAGUE+）職業籃球隊新竹攻城獅隊，在昨晡日（28）進行下半季主場个第一場比賽對著新北國王隊，球團這擺特別結合在地客家文化，舉辦「暗紫誰客家主題日」，結合球隊主視覺茄仔色摎客話「恁仔細（四縣腔：anˋ ziiˋ se ，承蒙）」个偎音，推出限定客家球衫，還過在比賽个過程當中進行心色个客話教學，分球迷學習著籃球專門用語个客語講法。最尾攻城獅隊發揮客家个硬頸精神，以88比80贏新北國王隊，提著客家主題日个主場贏球比賽。
新竹御頂攻城獅在新竹縣體育館个主場，下晝2點个比賽，吂到12點場外就有盡多等待入場个球迷，攻城獅球團也特別針對客家主題日推出限定球衫，係第一擺最有客家元素个比賽球衫；毋單淨球衫，旁脣商品也有偎音个巧思，推出「暗自Sad（恁仔細）」應對手巾仔，希望用客家鄉親䀴著斯知輕鬆古琢个方式，呈現屬於新竹在地个客家本色。球團公關主任David表示，攻城獅隊个客家主題日毋單淨用球衫摎花布結合，現在也有客家美食攤仔个體驗，也透過球賽主持人摎大電視教學，將籃球應對用語用客語來呈現，分球迷做得感受著淰淰个客家元素，希望將來做得有機會分客家日變做逐年都有个主題日。
｜網路收聽｜
▹講客廣播電臺官網｜https://pse.is/R8RU8
▹講客廣播電臺APP｜
(Android連結：https://reurl.cc/8GWlXd)
(IOS連結：https://reurl.cc/O1pb59 )
歡迎大家下載講客廣播電臺APP，共下講客Let’s fly
