文／邱鴻春，客語支援教師，桃園楊梅客家人（海陸腔）
高度八米零
陂塘磬頭來啄食
謙虛漫步行
記得三連陂頭擺塞磅磅（bong bong），陂塘䃗个草生到比人還較高，好得桃園升市以後，在桃園最南片个楊梅區伯公岡，正有盡多活動辦到這位來，其中兩擺个鐵道藝術節，摎草陂、深陂整理到當靚，在中央還安一隻藝術裝置「大白鶴」，成為伯公岡地區个一隻新打卡點，乜係就近民眾來行路運動个好場所。
三連陂，記得細人時節安到長陂、草陂、深陂，乜有人講長陂、角陂摎圓陂，細人最輒會去搞个就係長陂，因為長陂有較淺，較綻又好膽个細人仔，到熱天避暑个時節，會來這位搞水洗涼，無像這下細人仔恁好命，家長安排游泳池學泅水。毋過，假使分世大人知著，轉去定著食一餐飽飽个竹修仔，因為無安全，逐年全有聽著，哪位有細人仔分水浸死！
大人細子最歡喜个，就係等到戽陂塘，主人摎大尾个魚捉忒以後，還吂摎水孔仔塞轉去囤水以前，莊頭所有人，相賽會拿等屋下个面盆，來拈細魚仔，還過捉湖鰍仔，記得?係捉湖鰍仔个高手，手指甲係較長兜仔，做得直接在濫泥肚捏出來，有摸著，大款就走毋忒咧。
陂塘係早期開來囤水，除了農業功能，陂塘肚魚蝦提供了豐富个食物，係鳥類尋食摎歇睏个好環境，農業、陂塘摎自然生態共生關係。這下農業慢慢沒落，陂塘緊來緊少，棲地个破壞，造成鳥類族群減少，本旦居民記憶个田園美景，毋多知仔消失在眼前！
這隻高八米五个大白鶴低頭啄食，採用衖縫設計，隨等天頂个雲影變化，展現無共樣个美感，係伯公岡人，在地當重要个陂塘文化地景。除了大白鶴，陂塘肚還有做當多个細白鶴，就像生命無停歇，一直傳下去，共同在尋食个情景，乜像客家人勤儉樸實、刻苦耐勞个精神。臨暗仔，下把仔有人會架等大砲在這位翕相，翕日頭落山前雲彩个變化，四季都有無共樣个景觀。
陂塘裡肚，實際上乜輒常做得看得著鴛鴦一家人、白鶴摎夜鴰等等，自然生態盡豐富。白鶴有分大白鶴摎細白鶴，「大黃細白」，嘴?黃个係大白鶴，烏个係細白鶴，大家係有來遶尞，做得注意觀察一下哦。
華語
記得三連陂以前幾乎沒有路，池塘邊上的草長的比人還高，還好桃園升市以後，位在桃園最南邊的楊梅區富岡，才有很多活動辦到這邊來，其中兩次的鐵道藝術節，把草陂、深陂整理得很漂亮，在中央還做一個藝術裝置「大白鷺鷥」，成為富岡地區的一個新打卡點，也是就近民眾來步行運動的好場所。
三連陂，記得小時候叫做長陂、草陂、深陂，乜有人講長陂、角陂和圓陂，小時候最常會去玩的就是長陂，因為長陂比較淺，較頑皮又膽大的小孩，到夏天暑假的時候，會來這裡玩水沖涼，不像現在小孩子那麼好命，家長安排游泳池學游泳。不過，假使被父母知道，回家一定狠狠細竹子打一頓，因為不安全，每年都有聽說，哪裡有小孩子給水淹死！
大人小孩最高興的，就是等到池塘排水，主人把大條的魚抓完以後，還沒把排水孔塞回儲水之前，庄裡所有人，會爭先恐後拿著家裡的臉盆，來撿小魚，還有抓泥鰍，記得我是抓泥鰍的高手，如果指甲長一點，可以直接在爛泥巴裡捏出來，有摸到，大概就跑不掉了。
池塘是早期用來儲水，除了農業功能，池塘裡魚蝦豐富，是鳥類找尋食物和休息的好環境，農業、池塘和自然生態共生關係。現在農業慢慢沒落，池塘越來越少，棲地的破壞，造成鳥類族群減少，原本居民記憶的田園美景，不知不覺消失在眼前！
這個高八米五的大白鷺鷥低頭啄食，縷空設計，隨著天上的雲彩變化，展現不一樣的美感，是富岡人，在地很重要的池塘文化地景。除了大白鷺鷥，池塘裡還有做很多的小白鷺鷥，象徵生命無停息，一直傳下去，共同在找食物的情景，也像客家人勤儉樸實、刻苦耐勞的精神。傍晚時分，偶爾有人會架著大砲在這裡拍照，拍夕陽西下雲彩的變化，四季都有不同的景觀。
池塘裡面，實際上也經常可以看到鴛鴦一家人、白鷺鷥和夜鷺等等，自然生態很豐富。白鷺鷥有分大白鷺鷥和小白鷺鷥，「大黃小白」，嘴巴黃的是大白鷺鷥，黑的是小白鷺鷥，大家若有來遊玩，可以注意觀察一下喔。
