文／羅寶貴，新竹市客家人（四縣腔），現下戴頭份。
小雪過後，天時還已燒暖，有一日打早食飽朝，老公講愛去大峽谷。咦！哪位有大峽谷呢？遽上網查古哥。原來係三義个火炎山。
識駛車仔在高速公路，經過台中后里愛去苗栗个時節，有注意著一座當有氣勢紅泥外表个大山，該就係火炎山！
當少事先規劃行程，輒輒講行就行，簡單準備水摎兩垤餅就出發！去到該位9點50分，從登山口起勢沿路有三義登山協會舖个石碫，踏石碫跋崎上山，緊行往上登高遠望，做得欣賞遠方个高速公路、當闊个平原禾田。火炎山在苗栗三義摎苑裡个合界，海拔差毋多有602公尺，係台灣35號小百岳，看大安溪苑裡、通宵、大甲一帶，還做得看著壯觀个紅色山壁、感受馬尾松原生林，景色當特別。雲白風輕个好天時，滿山遍野樹添萋，黏時心情就鬆爽哩！
堵著人就相借問，有兩公婆看著?兜打嘴鼓講，你兜無擎登山杖愛細義，山路係砂石地較會滑，尤其有一段高低爭當多，愛慢慢行哦！當承蒙山友个提醒。老公講仰會毋記得帶遮仔呢？煞煞在山肚尋竹仔，該載有尋著兩支竹仔準杖仔，緊試看好擎無？有看著更加好个正換忒。
行到「大峽谷」該下，看著當深又彎个河壩流過在極危險个地形，兩片光光礫石个山峰摎旁脣个馬尾松林形成強烈个對照，一座座高天天紅紅个山峰在目珠前展開，綿延到平原天闊地闊个景象分人驚喜連連。仰恁靚啦！當毋盼得正離開。接等愛去三角點，這段路程難度較高，愛翻過幾座山頭，行在山峎頂，該載登山協會兩邊都有安索仔，分人行較安全。層層疊疊个高山，風溜溜仔，愛當細義慢慢仔行，心肝肚還係歡喜啊！雖然一下上崎一下又下崎，高低變化當遽，這段路愛行了50分鐘，到一個休息區歇睏一下，當多人在這位坐等食點心。看著東邊寫細倈仔便所，西邊寫細妹仔便所，問山友係毋係正經有便所？山友應：「毋係哦！忍毋核个人去該片大自然自由放啦！」?兜乜坐等食餅仔啉水。歇睏罅咧！過行一段路總算到三角點。遽遽翕相做紀念。又行一段路看著三粒石牯个伯公，過來行北鞍線就係下山个路咧！
行轉登山口堵堵2點50分，總共花忒5點鐘，煞煞去尋食，實在當悿，枵著肚屎變背囊了。總算有間麵店還有做生理。當生趣个係竟然有送餐機器人，放音樂聲過來，若餐到了會講「請取餐」，假使吂拿會提醒「請遽遽拿餐」，愛趕等送下一個人客，拿好就講「後背有完成鍵撳落去」。放好聽个音樂正離開。3點零正食晝，客家粄條份量多加滷卵、肉片正80箍，實在好食啊！
老公問?還愛再蹶火炎山無？吾腳骨酸痛幾日，腳趾甲烏青忒，?堅定應講：「等明年桐花開淰滿山崗个時節，定著再去拜訪！」
華語
小雪來到後，感覺還很暖和，有天一大早吃早餐後，老公講去大峽谷。啊！哪裏有大峽谷呢？趕快上網查谷歌。原來是三義的火炎山。
曾經開車高速公路，經過台中后里往苗栗時，有注意到一座氣勢雄厚紅土表面的大山，那就是火炎山！
很少事先規劃行程，常常說走就走，簡單準備水與兩塊餅就出發了！去到那裏9點50分，從登山口開始沿路有三義登山協會舖設的石階，踏石階爬坡上山，越往上居高可以欣賞遠方的高速公路、廣闊的平原稻田。火炎山在苗栗三義與苑裡交界，海拔差不多有602公尺，是台灣35號小百岳，看大安溪苑裡、通宵、大甲一帶，還可以近看壯觀的紅色山壁、感受馬尾松原生林，景緻非常特殊。雲白風輕好天氣，滿山遍野樹添綠。馬上心情舒服啊！
見到人就打招呼，有對夫妻看到我們聊天講，你們沒有拿登山杖要小心，山路是砂石地會滑，尤其有段高低落差差很多，要慢慢走哦！非常感謝山友的提醒。老公講怎會不記得帶傘呢？趕快在山中找竹子，幸好有找到兩枝竹子當做棍子，就試試看好拿嗎？有看到更好的再換掉。
走到大峽谷時，看到非常深又彎的河道流過在極危險的地形，兩邊光禿礫石的山峰與旁邊的馬尾松林形成強烈對比，一座座高大火紅的山峰在眼前展開，綿延到平原的壯闊景象給人讚喜連連。怎麼這麼漂亮啊！很捨不得才離開，準備去三角點。這段路程難度較高，需要翻過幾座山頭，走在稜線上，幸虧登山協會兩邊都有安繩索，給人通行比較安全，層疊的高山，微風輕送，要非常小心慢慢走，心中還是很高興啊！雖然一下上坡一下又下坡，高低變化很大。這段路走了50分鐘，到一個休息區休息，很多人在這裏坐著吃點心。看到東邊寫男廁所，西邊寫女廁所，問山友真的有廁所嗎？山友答：「不是啦！忍不住的人去那邊大自然自由放啦！」我們也坐下來吃餅喝水。休息夠了！再走一段路總算到三角點。趕快照相留念。又走一段路看到三粒石頭的土地公，再來走北鞍線就是下山的路了！
走回到登山口剛好2點50分，總共花了5個鐘頭，趕快去找食物吃，實在很累，餓到前胸貼後背了。總算有間麵店還有做生意。很有趣的是竟然有送餐機器人，放音樂聲過來，你的餐到會說「請取餐」，假使還沒拿會提醒「請趕快拿餐」，愛趕著送下位客人，拿好就講「後面有完成鍵按下去」。放好聽的音樂就離開。3點多才吃中餐，客家粄條份量多加滷蛋、肉片才80元，人間美味啊！
老公問我還要再爬火炎山嗎？我的腳酸痛幾天，腳趾甲黑青，我堅定回：「等明年桐花開滿山的時節，一定會再去拜訪！」
