文／鍾孝昇，國小教師、中壢客家人，這下戴中壢（四縣腔）
這幾年，「食農教育」係拗蠻重要个教育議題。食農教育个推動，受著學校个重視。當多先生乜陸陸續續，設計食農教育个課程，希望學生仔在「自家做」个體驗當中，參與農產品个生產、處理，還有煮食个過程，發展出簡單个煮食能力。
?兜龍岡國小乜共樣，今年申請了桃園市教育局个食農教育計畫。毋過，既然係「客語生活學校」其中之一，?兜試著該當愛結合學校个特色，發展摎別个學校無共樣个食農教育正著。故所經過大家思考摎規劃，一份當有客家味緒，結合食農教育摎本土語言个課程—「?个客家味緒」，就愛上桌咧。
「?个客家味緒」課程，首先登場个，係一年生个紅粄製作。紅粄又安做「新丁粄」、「紅龜粄」，係用糯米做个粄仔。除忒過年過節拜天公、敬阿公婆會打紅粄，係講討心臼、做生日，抑係廟項做戲、打醮，這兜鬧熱个活動，神桌項都會放等紅粄，來加添喜氣。
紅粄傳統个做法，係用粄粹包料仔，續等用粄印印出形投，再過放入鑊仔肚，用籠床蒸熟來食。毋過因為時間毋罅長，為著愛分學生仔做得黏時食著自家做个粄，故所這擺用熟粄來做。學生仔摎紅豆料仔包入蒸好个熟粄，用粄印印一下就好咧，又遽又方便。
「豆腐無油難脫鑊」，?兜个粄印雖然既經膏油膏幾下遍咧，毋過可能因為忒久無用，毋會食油，小朋友做个粄，還係本本在粄印項黏核核，盡難剝㪐下來。本旦愛印出龜仔形、桃形个紅粄，在該出力剝㪐个過程當中，隻隻都變做牽絲个八爪章魚。
毋過，這無麼个要緊，經過修整後，小朋友親手做个第一隻紅粄，就做好勢咧。在歡樂个氣氛中，乜達到這擺食農教育課程个目標，毋過敢有像龜仔？美食在面前，?想無小朋友會計較。
紅粄課程煞了，食農教育第二場活動，就係為著幼稚園小朋友設計个牛搵水製作。
牛搵水乜係客家人个傳統點心，摎煮熟个粢粑仔，放到薑嫲糖水肚，故所又安到「熝湯粢」。因為看起來就像係牛仔浸在水竇肚、探出頭那摎背囊个樣仔，故所又安做「牛搵水」、「牛搵浴」。
打牛搵水看著簡單，正經愛做，愛當多个準備。邱呂桂雲先生先摎糯米磨做粄漿，矺燥來，用一息仔粄粹來煠粄嫲，過摎粄嫲加入原來个粄粹亼共下。
邱先生摎這兜粄粹斷做一細垤一細垤，續下來，就教大家摎粄粹挼啊圓、搭啊扁，過在中央揤一隻窟。
「先生，這還像烰圈仔嗬。」「?試著較像大隻个雪圓仔。」就在小朋友你一句?一句，享受著自家做該下，粄仔乜煮熟浮起來咧，先生摎粄仔加到糖水裡肚，一條條个細牛牯就在水窟肚搵浴咧。
牛搵水一上桌，小朋友就食著嘴就合毋揫。大家緊食，先生乜緊摎大家紹介儆惜食物个重要性。希望幼稚園个小朋友經過這擺个活動，除忒做得學著牛搵水仰般打，乜愛知感謝耕種人个辛苦。
龍岡國小食農教育个課程設計，除忒有客家美食个製作，?兜還改了一隻「客家菜園」。菜園肚種了當多客家莊長透看得著个青菜水果，比將講番薯葉、七層塔、菜瓜，刺波仔這兜。這陣仔乜種了幾頭大菜，準備在過年前，愛來割大菜、滷鹹菜。在這菜園肚，學生仔毋單淨學著這兜青菜个客家名，乜做得認識客家人仰般用這兜材料，做出各式个料理。
在這擺个活動，毋單淨結合食農教育摎學校特色，乜順續摎客家文化推廣出去，這乜係諺語講个「屙尿扡鹹菜」，做一件事情，有兩份个成果。?兜應該係有達到原先規劃目標个正著。
華語
這幾年，「食農教育」是相當重要的教育議題。食農教育的推動，受到學校的重視，許多老師也陸陸續續設計食農教育的課程，希望讓學生在「親手做」的體驗中，參與農產品的生產、處理，以及烹煮的過程，發展出簡單的煮食能力。
我們龍岡國小也一樣，今年申請了桃園市教育局的食農教育計畫。不過，既然身為「客語生活學校」其中之一，我們覺得應該要結合學校的特色，發展和別的學校不一樣的食農教育才對。於是經過大家的思考與規劃，一份充滿客家味道，結合食農教育與本土語言的課程—「?个客家味緒」就要上桌了。
「?个客家味緒」課程，首先登場的，是一年級的客家紅粄製作。紅粄又稱「新丁粄」、「紅龜粄」，是用糯米製成的客家粄。除了過年過節祭拜天公、敬祖會做紅粄，像是迎娶媳婦、作壽、廟會做戲、建醮，這些熱鬧的活動，供桌上都會擺放著紅粄，來增添喜氣。
紅粄傳統的作法，是用生粄團包好餡，用粄印印出圖形，再送入鍋裡，用蒸籠蒸熟來吃的。不過因為時間不夠，為了讓學生能夠馬上吃到自己手做的粄，於是這次採用熟粄來做，學生將紅豆餡包進已經蒸熟的粄，用粄印一壓，就做好了，又快速又方便。
「豆腐無油難脫鑊」我們的粄印雖然已經塗油塗幾遍了，不過可能是因為太久沒用，不會吃油，小朋友做的粄，還是緊緊黏在粄印上，很難剝下來。本來要印出龜形、桃型的紅粄，在用力脫模的過程中，每一隻都變成了牽絲的八爪章魚。
不過，這沒什麼關係，經過整型後，小朋友親手做的第一個紅粄，終於完成。在歡樂的氣氛中，也達到了這次食農教育課程的目標。至於像不像烏龜，美食當前，我想沒有小朋友會在意的。
紅粄課程結束後，食農教育第二場活動，就是為幼兒園小朋友設計的客家牛搵水製作。
牛搵水也是客家人的傳統點心，以煮熟的麻糬，放入薑汁糖水中，故又名「熝湯粢」。因為看起來就像是牛浸在水裡，只探出頭與背的樣子，故又有「牛搵水」、「牛搵浴」的名稱。
牛搵水的製作看似簡單，真正做起來，需要許多的籌備工作。邱呂桂雲老師先將糯米磨成米漿，用石頭壓乾來，取一點粄粹來煮熟粄團，並將熟粄團加入本來的生粄粹搓揉在一起，就可以了。
邱老師將這些粄粹分成一小塊一小塊，接下來，就教大家將粄粹搓揉成圓狀，壓扁來，然後在中央用指頭按出一個洞。
「老師，這好像甜甜圈喔。」「我覺得比較像大湯圓。」就在小朋友你一言我一句，享受著手作的同時，粄也煮熟浮起來了，老師將粄加到糖水中，一隻隻的小牛就在水池中洗澡了。
牛搵水一上桌，小朋友就吃到嘴巴都合不起來，大家一邊吃著，老師們也一邊跟大家介紹惜食的重要性，希望幼兒園小朋友們透過這個活動，除了能學到客家牛搵水的製作，也能感恩農民的辛苦付出。
龍岡國小食農教育的課程規劃，除了客家美食的製作外，我們還開闢一個「客家菜園」。菜園中種植了許多客家莊常見的蔬菜水果，比如說番薯葉、九層塔、菜瓜，草莓等等。最近也種下幾株刈菜，準備在農曆過年前，要來割刈菜、醃酸菜。在客家菜園裡，學生不但學會了這些蔬菜的客家話名稱，也能認識客家人如何使用這些材料，做出各種的料理。
在這次的活動，不但結合食農教育與學校特色，也順便將客家文化推廣出去，這也是客家諺語講的「屙尿扡鹹菜」，做一件事情，有兩份的成果。我們應該是有達到原先規劃的目標才對。
