文／謝孟均，學生，苗栗頭屋人，這下戴苗栗頭屋（四縣腔）
「毋會燒香得罪神，毋會講話得罪人」頭擺人對神明還過祭祀都十分重視，在生活當中拜喏係少毋得个，比將講： 笑弛弛仔个伯公、三界爺、恩主公、媽仔婆……十分多，豐富了?个信仰同生活。毋過你敢有聽過「譚公仙師」無？這尊神明在台灣當罕得看著，毋過在馬來西亞嗄係當有名个客家信仰哦！
跈等客家青少年國際事務訪問團个腳步，?拜訪了馬來西亞這隻充滿多元文化同文化交融个地方，來到呅丁百年客家村，一入莊就看著幾個村民笑瞇瞇仔熱情歡迎?兜，行落莊頭肚當像係頭擺吾姐公歇在山林壁壢角个細莊頭，有息仔熟事又有兜仔生份，無共樣个係，呅丁係一隻交通利便个所在，還過每間屋仔个門項都掛等堂號還有貼對聯，這佈置異有客家个特色，聽發起人分享，這位本旦在2003年愛分建商拆忒，鄉親摎當地个政治人物、華社共同來守護這垤土地，到今還係繼續煞猛抗爭，十年過去了，該央時共下个人毋知去哪位咧？淨伸這兜盡愛土地个鄉親在這位掌等，打幫還有佢等个堅持，?兜正有機會來到了當地客家原鄉（廣東惠州）信仰—譚公廟。
行入廟項時，??風就聽著「咚~鏘~咚~鏘」，廟方人員用鐘鼓禮歡迎?兜去參拜。行啊入去做得看著儒、釋、道三教融合个風格，除忒供奉譚公也有服祀觀音娘、華光大帝（也有福佬人安到五顯大帝）等等，同廟公打嘴鼓後，更加了解有關客家信仰—譚公个故事，還過?有求一道符印做紀念，這片个符紙比臺灣廟項看著个大當多！另外在臺灣正經當少聽著譚公信仰！來到這?就像山精同海戇，毋過在這位?兜這片个客家莊共樣有「認契爺契哀」个風俗，係講細人仔好噭又難教就分神明做契子、契女就會平安長大。
來到他鄉个客家莊看著了無共樣个客家信仰，也認識了外國个客家鄉親，透過同佢兜打嘴鼓相互瞭解對方个民俗同文化，這正經係當特別个經驗，這擺个旅程毋單止淨有文化同客家文化个交流，還有過較多个內容做得同大自家來分享哦！
華語
「不會燒香得罪神，不會說話得罪人」以前人對神明還有祭祀都十分重視，在生活當中拜拜是不可或缺的，比如說：笑咪咪的土地公、三官大帝、恩主公、媽祖婆……非常多，也豐富了我們的信仰和生活。不過你曾聽過「譚公仙師」嗎？這尊神明在台灣是幾乎看不到的，不過在馬來西亞卻是很有名氣的客家信仰喔！
隨著客家青少年國際事務訪問團的腳步，我踏訪了馬來西亞這個充滿多元文化和文化交融的地方，來到呅丁百年客家村，一進村就看到幾位村民笑瞇瞇的熱情歡迎我們，走入村莊中很像以前我外公住在深山裡頭的小村落，有些熟悉又有些陌生，不同的是，呅丁是個交通便利的地方，還有每間屋子的門上都掛著堂號還有貼對聯，這個佈置非常有客家特色，聽發起人分享，這裡原本在2003年要被建商拆除，但是鄉親們與當地政治人物、華社一同來守護這片土地，如今仍繼續抗爭，十年過去了當初共同守護的人不知去哪了？只剩這些熱愛土地的鄉親在此守護，幸好還有他們的堅持，我們才有機會來到了當地客家原鄉（廣東惠州）信仰—譚公廟。
走入廟裡時，頃而間就聽到「咚~鏘~咚~鏘」，廟方人員用鐘鼓禮歡迎我們的參拜。走進去可以看到儒、釋、道三教融合的風格，除了有供奉譚公也有祭祀觀音、華光大帝（也有閩南人稱五顯大帝）等，與廟公聊天後，更加瞭解了關於客家信仰—譚公的故事，還有我也求了一道符令當為紀念，這裡的符紙比臺灣廟裡看到的大很多！另外在臺灣真得很少聽聞譚公信仰！來到這我就像劉姥姥一樣，不過在這裡和我們客家庄一樣有「認義父義母」的風俗，相信小孩愛哭又難教就給神明收做乾兒子、乾女兒就會平安長大。
來到他鄉的客家庄看到了不一樣的客家信仰，也認識了外國的客家鄉親，透過和他們聊天互相瞭解對方的民俗和文化，這真的是很特別的經驗，這次的旅程不光只有客家文化的交流，還有更多的內容可以和大家來分享喔！
