文／李秀鳳，新竹客家人，中小學客語先生，這下戴中壢（腔頭：海陸腔）
冬下頭个日頭盡燒暖又毋會晟眼，第二節下課，運動坪傳來細人仔吵耳塞窟个笑聲，餳著?行過去曬日頭。??風，影著校園最尾析个圍牆脣，盡像有一座細細个伯公廟，行兼去看清楚，正經有一尊開容笑面个伯公，坐在金晶?爧个細廟肚。
來這間快樂國小教客語第五年，頭一擺看著伯公，歡喜到耐毋得，第三節上課，遽遽摎小朋友分享。無想著學生仔眂等?講：「先生，你到這下正知喔！?兜个校長逐日都會去拜伯公。」請教其他資歷較深个先生正知，原來起這間學校个時節，伯公廟原旦就在預定用地裡肚，經過大家參詳了後，毋單淨決定毋徙位，還摎伯公廟重新梳妝打扮。
恁堵好，下隻拜六，就係區賽个日仔，食晝前，拉等兩個參賽个細阿妹仔共下去拜伯公。四年生个阿彤妹已疑狐講：「恁樣會昶迷信無？」?問佢：「先生有煞猛教你朗讀無？」佢頷頭。又問佢：「你在屋下有認真練習無？」佢又緊頷頭。?笑等講：「既然亻恩兩儕像三十暗晡个尿桶—盡拚，就算係盡人事，了後愛聽天命，這下拜請伯公?手保佑，佢个管區就係這間學校，定著毋會推辭。」 比賽結果，阿彤妹打頭名，該下晝佢傳line分?：「拜伯公正經有效。」
參加字音字形比賽个細阿哥仔，也分?拉來拜伯公。作者提供
從今以後，若係教著摎客家伯公有關係个單元，就會帶等學生仔來熟事伯公，這種校內教學實在當利便。頭擺客家莊个伯公，有兜係因為神像个材質無共款，所以有石頭伯公、石板伯公、樹頭伯公這兜；有兜係因為戴个位所無共樣，所以有茶園伯公、莊頭伯公、田頭伯公等等，最特別个係，桃園市因為有飛行機場，所以有一座機場伯公廟。聽?講煞，一個一踢三通个細阿哥接等講：「亻恩俚學校个就係校園伯公。」有理喔！?拍手應佢：「伯公翻崩崗—碾神（贊成）」。
看著快樂國小个校園伯公，分?想起六年前妹仔讀台大外文系个時節，識渡?兩老去拜校園肚个伯公。聽講台大這尊伯公當靈顯，盡多人考大學前來拜佢，斯考入這間第一志願个大學。妹仔問?：「?既經考入來咧，還愛求佢庇佑?麼个？」「請伯公保佑你順利畢業啊！」?還交代妹仔，客家人喊「福德正神」伯公，係摎佢當做係屋下个世大人，你愛輒常來摎佢問安。
「伯公毋開口，老虎毋敢打狗。」從這句客家諺語，就做得看出伯公幾有威望，連老虎都愛乖乖聽佢个話。伯公係地方个總管，保護家園、守顧鄉民毋分外人欺負。校園肚个師生有伯公庇蔭，實在當幸福。
華語
冬天的太陽很溫暖又不會刺眼，第二節下課，運動場傳來小孩子震耳欲聾的笑聲，吸引我走過去曬太陽。突然間，瞥見校園最後面的圍牆旁，好像有一座小小的土地公廟，靠近去看清楚，真的有一尊滿臉笑容的土地公，坐在金碧輝煌的小廟裡。
來這所快樂國小教客語第五年，第一次看到伯公，歡喜的不得了，第三節上課，迫不急待跟小朋友分享。沒想到學生們斜眼看著我說：「老師，你到現在才知道喔！我們校長每天都會去拜土地公。」請教其他較資深的老師才知道，原來蓋這所學校的時候，土地公廟原本就在預定用地上，經過大家商量之後，不只決定不移位，還幫土地公廟重新梳妝打扮。
很湊巧，下禮拜六，就是區賽的日子，吃午餐前，拉著兩個參賽的小女生一起去拜土地公。四年級的阿彤妹很懷疑的說：「這樣會不會太迷信了？」我問他：「老師有努力教你朗讀嗎？」他點頭。又問他：「你在家有認真練習嗎？」他又一直點頭。我笑著說：「既然我們兩個像三十晚上的尿桶—很拚（使出渾身解數），就算是盡人事，之後就聽天命，現在拜請土地公幫忙保佑，他的管區就是這所學校，一定不會推辭。」 比賽結果，阿彤妹得到第一名，那個下午他傳line給我：「拜土地公真的有效。」
從今以後，如果教到跟客家土地公有關的單元，就會帶著學生來認識土地公，這種校內教學實在很方便。從前客家莊的土地公，有些是因為神像的材質不同，所以有石頭土地公、石板土地公、樹頭土地公這些；有些是因為住的地方不一樣，所以有茶園土地公、莊頭土地公、田頭土地公等等，最特別的是，桃園市因為有飛機場，所以有一座機場土地公廟。聽我講完，一個舉一反三的小男生接著說：「我們學校的就是校園土地公。」有道理喔！我拍手回應他：「土地公從山崖滾下來—碾神（贊成）」。
到快樂國小的校園伯公，讓我想起六年前女兒讀台大外文系的時候，曾帶我兩老去拜校園裡的土地公。聽說台大這尊土地公非常靈驗，很多人考大學前來拜他，就考進這所第一志願的大學。女兒問我：「我已經考進來了，還要求他庇佑我什麼？」「請土地公保佑你順利畢業啊！」我還交代女兒，客家人喊「福德正神」伯公，是把他當做是家裡的長輩，你要經常來向他問安。
「土地公不開口，老虎不敢打狗。」從這句客家諺語，就可以看出土地公多麼有威望，連老虎都要乖乖聽他的話。土地公是地方總管，保護家園、守顧鄉民不被外人欺負。校園裡的師生有土地公庇蔭，實在很幸福。
