【華文版】
客家菜串聯風箏 苗栗風箏文化客家美食節周末登場
【周碩興／新竹湖口饒平腔】2023苗栗風箏文化暨客家美食節活動，28、29日將在苗栗市河濱公園登場，重頭戲是長約72公尺的客家宴客料理串聯風箏，宛如空中上菜，邀請民眾到苗栗市看風箏吃客家美食。
苗栗市長邱鎮軍表示，疫情逐漸緩解，國際旅遊也幾乎全解封，今年風箏節活動以「宴客」為主題串聯風箏，以客家人宴客精神邀請國內外各地風箏達人、團隊帶來精彩的風箏表演，邱鎮軍指出，新加坡團隊將帶來30米巨龍風箏；韓國團隊將演出騎馬舞特技風箏；日本隊除了進行特技風箏表演外，還將與國內風箏隊共同放飛近20隻各式造型青蛙軟體風箏，與其他鯨魚、鯊魚、變色龍等大型造型軟體風箏一起點綴苗栗天空。
因疫情停辦3年的「四炆四炒美食饗宴」也再度回歸。限量100桌的客家美食四炆四炒，幾乎秒殺被預訂一空。四炆四炒源自客家人在婚喪喜慶及酬神宴客時的八道標準菜色，「炆」是指燉煮、紅燒；「炒」則是大火快炒，都極具客家料理的特色。歡迎民眾屆時到苗栗市放風箏吃客家美食。
【客文版】
客家菜串聯紙鷂仔 苗栗紙鷂仔文化客家美食節在這隻拜六禮拜來舉辦
2023苗栗紙鷂仔文化摎客家美食節活動，10月28、29會在苗栗市河濱公園舉辦，最精采个係長度大約72公尺个客家請人客料理串聯紙鷂仔，就像係空中出菜，邀請鄉親到苗栗市䀴紙鷂仔，食客家料理。
苗栗市長邱鎮軍表示，疫情漸漸仔轉好，國際旅遊也大部分解封，今年紙鷂節活動以「宴客」做主題串聯紙鷂仔，用客家人請人客个精神邀請國內外各地紙鷂仔个專家、團隊帶來精彩个紙鷂仔表演，邱鎮軍表示，新加坡團隊會帶來30米巨龍个紙鷂仔；韓國團隊會演出騎馬舞特技紙鷂仔；日本團隊除了進行特技紙鷂仔表演之外，還會摎國內紙鷂仔隊伍共下放20隻各式造型?仔个軟體紙鷂仔，摎其他海鰍、鯊魚、變色龍這兜大型造型軟體紙鷂仔，共下分苗栗个天空變到還較靚。
因為疫情停辦3年个「四炆四炒美食饗宴」也恢復舉辦。限量100張桌个客家美食四炆四炒，一下仔就分鄉親註文忒。四炆四炒源自客家人在婚喪喜慶摎答謝神明請人客个時節有八路標準个菜色，「炆」係燉煮、紅燒；「炒」係大火快炒，都盡有客家菜个特色。歡迎鄉親到苗栗市放紙鷂仔，食客家料理。
｜網路收聽｜
▹講客廣播電臺官網｜https://pse.is/R8RU8
▹講客廣播電臺APP｜
(Android連結：https://reurl.cc/8GWlXd)
(IOS連結：https://reurl.cc/O1pb59 )
