文／鍾孝昇，國小教師、中壢客家人，這下戴中壢（四縣腔）
起了當多年个機場捷運老街溪站，總算愛開始營運了。這對?這隻從細在老街溪河壩脣成人長大，過對中壢開發歷史有小可仔了解个客家人來講，有盡大个意義。因為這條老街溪頭擺分中壢人做得摎世界各地做生意，這下嗄變做一條載等中壢人，去到飛機場，摎世界連共下个火車路。續下來就從老街溪个歷史講起，分享一下?看過、聽過个老街溪。
中壢係全台灣盡多客家人个所在，發展會恁進步个原因，除忒利便个地理位置，還過摎老街溪盡有關係。
中壢个開發，對清朝康熙年間就開始了，到了清朝乾隆中期，中壢既經係臺北摎新竹之間，盡重要个城市。該央時中壢盡鬧熱个位所，就係老街溪脣，這下中正路295巷个「中壢第一街」。
根據徐貴榮教授个調查，日本時代以前，老街溪个水當大，做得坐舢舨船，對大園出海。在中壢第一街偎老街溪脣，有一隻碼頭，做得上下船貨，係該央時中壢貨物个集散地。因爭交通利便，故所有礱間、米店、布店、金香、雜貨店。貨物出出入入，人聲唩唩喊喊，街市非常鬧熱，故所這位就有了「中壢第一街」个名號。
毋過，因為河壩水位降低，還有鐵公路个發展，老街溪个水運功能漸漸無忒了，還過因為頭擺个人無環保个觀念，這條河壩嗄變到無人想愛偎兼个臭圳溝。
記得還細時節，?逐日都愛對中壢國小，順等老街溪行轉屋。行在河壩脣，一陣一陣个臭羴味，飄啊過來，實在當得人畏。因為對水源頭開始，就有工廠排出屙糟水，屋下个地圾，乜儘採攉在這，造成老街溪嚴重个汙染，分人毋敢偎兼來。
在1989年，中壢市公所就摎老街溪揜起來，變到一條商店街摎停車場。下後，流經市中心个老街溪，就像鴕鳥个頭那共樣，埋入地泥下毋見忒了，乜在這位囤等還較多个垃圾。2011年，總算拆忒老街溪个蓋仔，回復本旦个河壩，全長725公尺个老街溪市區路段，正重見天日。
除忒人禍，老街溪乜堵著異多擺个天災，其中盡嚴重个係，2001年納莉風搓，帶來浩洪斗雨、屙泥橫壁，使得老街溪脣个三間別莊，因為地基流失，嗄橫忒去，還有一間樓仔屋分大水打走，一生人都歇在附近个?，無想著老街溪竟然會有恁樣个情形。係講該央時老街溪無摎蓋仔掀起來，該擺个風搓，定著會產生過較傷重个結果。
經過當多年个整理、水質改善摎四圍環境美化个工程，老街溪這下既經係市區最大个休閒空間。除忒有順等河壩个草坪，乜有自行車步道、兩隻公園、三座景觀橋梁，還過摎客家老屋修整，變做河壩教育中心、老街溪故事館等等，分人了解老街溪重生个經驗。
今這下个老街溪，既經係中壢人當沙鼻个一條河壩，乜係大家行尞、運動个公園。從2018年桃園地景藝術節、2022年个桃園燈會，還有今年，在青埔舉辦个世界客家博覽會，都摎活動安排在老街溪脣，可見大家對老街溪係有當深个感情。?想民眾順等這條摎中壢歷史共生个老街溪，毋單淨做得看著中壢个過去，還做得見證中壢盡好个未來。
企到就愛開始營運个老街溪站外背，?試著這個車頭就像一尾海鰍，佢摎大嫲嫲仔个圓身，囥到地底下，這對地底下伸出來个尾，就係旅客往來个出入口。這隻大海鰍，載等旅客，順等老街溪，泅向世界。毋單淨分中壢摎世界連共下，乜分客家文化，跈著人海，流向全世界。
華語
興建多年的機場捷運老街溪站，總算要開始營運了。這對於我這個從小在老街溪河畔長大，並對中壢開發歷史有點了解的客家人來說，有很重大的意義。因為這條老街溪，過去讓中壢可以與世界各地作生意，現在卻變成一條載著中壢人，去到飛機場，與世界相互連接的鐵軌。接下來就從老街溪的歷史談起，分享一下我看過、聽過的老街溪。
中壢是全台最多客家人的地方，發展會如此進步的原因，除了便利的地理位置，也和老街溪很有關係。
中壢的開發，從清朝康熙年間就開始了，到了清朝乾隆中期，中壢已成為台北與新竹之間，最重要的城市，那時中壢最熱鬧的地方，就是老街溪旁，目前中正路295巷的「中壢第一街」。
根據徐貴榮教授的調查，日本時代以前，老街溪的水量相當大，可以乘坐舢舨船，直到大園出海。在這中壢第一街靠近老街溪畔，有一隻碼頭，可以上下船貨，是當時中壢貨物的集散地。由於交通便利，於是有碾米廠、米店、布店、金香、雜貨店。貨物出出入入，人聲此起彼落，市況非常鬧熱，所以這裡就有了「中壢第一街」的名號。
不過，因為河川水位降低，以及鐵公路的發展，老街溪的水運功能逐漸沒落了，還因為過去的人沒有環保的觀念，這條河就變成了沒人想要靠近的臭水溝。
記得小時候，我每天都要從中壢國小，順著老街溪走回家，走在河邊，一陣一陣的臭味飄過來，實在很令人害怕。因為從水源頭開始，就有工廠排出髒水，家庭的垃圾，也隨便丟在這，造成老街溪嚴重的汙染，讓人不敢靠近。
在1989年，中壢市公所就將老街溪蓋起來，變成一條商店街和停車場。之後，流經市中心的老街溪，就像鴕鳥的頭一樣，埋入地底下不見了，也在這裡囤積更多的垃圾。2011年，總算拆除老街溪的蓋子，恢復原來的河道，全長725公尺的老街溪市區路段，才重見天日。
除了人禍，老街溪也遇到許多次的天災，其中最嚴重的是，2001年納莉颱風，帶來豐沛雨量、土石泥流，讓老街溪畔的三棟別墅，因為地基流失，就倒塌了，還有一棟樓房被大水沖走，一輩子都住在附近的我，想不到老街溪竟然會有這樣的情形。若是那時老街溪沒有將蓋子掀起來，那次的颱風，一定會產生更嚴重的結果。
經過多年的整理、水質改善和四周環境美化工程，老街溪現在已經是市區最大的休閒空間。除了有沿著河濱的草坪，也有自行車步道、兩個公園、三座景觀橋梁。還將客家老屋整建，變為河川教育中心、老街溪故事館等等，讓人了解老街溪重生的經驗。
如今的老街溪，早已是中壢人的驕傲，也是大家散步、運動的公園。從2018年桃園地景藝術節、2022年的桃園燈會，還有今年，在青埔舉辦的世界客家博覽會，都將活動安排在老街溪畔，可見大家對老街溪是有很深的情感。我想民眾沿著這條和中壢歷史共生的老街溪，不僅可以看見中壢的過去，還可以見證中壢美好的未來。
站在即將開始營運的老街溪站外面，我感覺這個車站就像是一隻鯨魚，它將巨大的身體，潛藏在地底下，而從地底下伸展出來的尾巴，則是旅客往來的出入口。這隻大鯨魚，載著旅客，順著老街溪，游向世界。不僅讓中壢與世界連接在一起，也讓客家文化，隨著人海，流向全世界。
