文／李秀鳳，新竹客家人，中小學客語先生，這下戴中壢（腔頭：海陸腔）
在專業个錄音室裡肚，坐在?旁脣个細人仔，逐個對等麥克（maiˋ guˇ）認真配音，一遍又一遍；斡頭看著企在窗門外背个家長，佢兜關心个眼神，分?試著有人好偎凴。這種景象，係六年前正開始教客語个?想像毋著个畫面。該量時，輒常聽著有家長講：「學客語無路用啦！」因為學校肚个考試毋會考，升學考試也無考，眼前看來，學講客無即時个功能，正經像過時个月曆—無用。毋過，若係體會著這下既經行入「全球化到在地化」、「多元文化係世界主流」、「越在地化越國際化」个社會，該兜試著講客無半點用个學生摎家長，做得㧒忒佢兜老時个觀念無？
「曉講客个本等，有一日會摎你?手喔！」?摎學生仔恁樣講，還分享兩隻真實个例仔。
第一隻例仔，係一個客語先生个親身經歷。有一個在大學讀資訊工程系个細妹學生，有一年教師節，寄卡片感謝先生指導佢參加朗讀比賽，分佢對講客當有興頭。讀高中時節有機會去日本做交換學生一年。寄宿家庭个女主人，係台灣嫁到日本个客家人，「親不親，故鄉人」，知了細阿妹仔也係客家人，對佢特別照顧，毋單淨時常摎佢講客打嘴鼓，還教佢講日本話、請佢去餐廳食豐沛。因為女主人係公司軟體設計个工程師，佢正會去選讀資訊工程系。
第二隻例仔，係?妹仔个親身經驗。佢讀加拿大溫哥華大學个時節，有一擺想愛申請一筆獎學金，申請表頂項有一隻欄位愛詳細寫：「你識對自家个社區抑係族群做過哪兜貢獻？」因為妹仔有通過客語初級能力認證、高一參加校內客語朗讀比賽得著第二名、高三畢業打頭名入選客委會「客家青年國際事務訪問團」，參訪美國四大城市、宣揚客家文化。這兜對自家族群語言摎文化推廣个貢獻心得，分佢申請著這筆兩千加幣个獎學金。
有日頭个所在，就有客家人，客家文化在全球八十零隻國家摎地區看得著，千年榕樹一條根，世界客人一家親。曉講客在未來幾時、哪隻位所、用哪種方式拉你一下，?等毋知。總講，有備無患，多學一種語言多一條路。
好得這幾年，有越來越多个後生爺哀體會著母語傳承个重要，鼓勵屋下个子女愛煞猛學講客，像這擺避暑時節，去講客廣播電台錄製兒童客語有聲故事書，不但配音个七個細人仔在屋下認真練習，請阿姆錄音分?聽，連阿公、姐婆也來?手指導發音。這種歸家人共下講客个親情凝聚，分?試著當感心。
希望這兜客家幼苗認同「多學一種語言多一條路」个看法，煞猛認真學講客，有一日變到高天天个客家大樹，開枝散葉、生生不息。
華語
在專業的錄音室裡，坐在我旁邊的小孩，每一個對著麥克風認真配音，一遍又一遍；轉頭看到站在窗外的家長，他們關心的眼神，讓我覺得有人可以依靠。這種景象，是六年前才開始教客語的我想像不到的畫面。
那時候，經常聽到有家長講：「學客語沒用啦！」因為學校的考試不會考，升學考試也沒考，眼前看來，學講客語沒有即時的功能，真的像過時的月曆—沒用。不過，若能體會到現在已經走入「全球化到在地化」、「多元文化是世界主流」、「越在地化越國際化」的社會，那些覺得講客語沒半點用的學生和家長，可以丟掉他們陳舊的觀念嗎？
「會講客語的本事，有一天會幫忙你喔！」我跟學生這麼講，還分享兩個真實的例子。
第一個例子，是一位客語老師的親身經歷。有一位在大學讀資訊工程系的女學生，有一年教師節，寄卡片感謝老師指導她參加朗讀比賽，讓她對講客語很有興趣。讀高中時有機會去日本做交換學生一年。寄宿家庭的女主人，是台灣嫁到日本的客家人，「親不親，故鄉人」，知道女孩也是客家人，對她特別照顧，不僅時常跟她講客語聊天，還教她講日本話、請她去餐廳吃豐盛大餐。因為女主人是公司軟體設計工程師，她才會去選讀資訊工程系。
第二個例子，是我女兒的親身經驗。她讀加拿大溫哥華大學時，有一次想申請一筆獎學金，申請表上有一個欄位需要詳細填寫：「你曾對自己的社區或族群做過哪些貢獻？」因為女兒有通過客語初級能力認證、高一參加校內客語朗讀比賽得到第二名、高三畢業第一名入選客委會「客家青年國際事務訪問團」，參訪美國四大城市、宣揚客家文化。這些對自己族群語言和文化推廣的貢獻心得，讓她申請到這筆兩千加幣的獎學金。
有太陽的地方，就有客家人，客家文化在全球八十多個國家和地區看得到。千年榕樹一條根，世界客家人一家親，會講客語在未來何時、何地、用哪種方式拉你一把，我們不知道。總之，有備無患，多學一種語言多一條路。
好在這幾年，有越來越多的年輕父母體會到母語傳承的重要，鼓勵家裡的子女要努力學習講客語，像這次放暑假時，去講客廣播電台錄製兒童客語有聲故事書，不但配音的七個小孩在家裡認真練習，請媽媽錄音給我聽，連阿公、外婆也來幫忙指導發音。這種全家人一起講客語的親情凝聚，讓我覺得很感動。
希望這些客家幼苗認同「多學一種語言多一條路」的看法，努力認真學習講客語，有一天變成高聳入雲的客家大樹，開枝散葉、生生不息。
