搭車不用等！世客博GPS即時動態乘車資訊　接駁車載你輕鬆往返

2023年08月16日

00:00

【華文版】

【蘇佑昇／苗栗西湖海陸腔】由客家委員會摎桃園市政府主辦的「2023世界客家博覽會」於8月11日登場後，世客博在桃園有2大主題場館「世界館」、「台灣館」、8大副場館、17個衛星場館，迎接國內外客家鄉親及旅客，也為了讓龐大的旅客能順利前往各展區，桃市交通局建置「世界客家博覽會交通資訊網」，開放民眾上網查詢展區周邊即時動態交通資訊，更特別推出接駁車，接送民眾往返世客博相關場館。

桃園市交通局目前已建構「世界客家博覽會交通資訊網」,開放民眾前往世客博場館前，提前選擇要搭乘高鐵、台鐵、公車、接駁車或是自行開車前往展區，系統則會呈現最近的運具班次、搭乘地點、接駁車動態或鄰近的停車場資訊等，免去等車時間，也避開壅塞路段。

桃園市政府交通局局長張新福表示，世界客家博覽會是全球第一個以客家文化為主題的博覽會，除了臺灣館與世界館兩大主展區外，還有橫山書法藝術館、永安海螺文化體驗園區與崙坪文化地景園區等8個副展區參展，分別坐落於中壢區、新屋區、觀音區與龍潭區，也因為展區幅員距離較大，所以桃園市政府特別推出接駁車來接送旅客往返，並推出「世界客家博覽會交通資訊網」希望能協助大家避開塞車路段，將省起來的等車時間，用在享受世客博之旅。

世客博也提醒，交通接駁方面，主展館提供橘線（青埔轉運站至青埔地區各展區）接駁路線，首班車為上午九點卅分，平日末班車為晚上七點卅分，假日則服務至晚上九點卅分，平日每廿分鐘一班車，假日十分鐘一班車；另，民眾假日可於中壢火車站搭乘假日接駁線，往返中壢火車站至桃園機場捷運A22老街溪站，轉乘機捷至A19桃園體育園區站，出站步行約五分鐘抵達主展館。

【客文版】

這隻由客家委員會摎桃園市政府主辦个「2023世界客家博覽會」，在8月11盛大登場之後，在桃園推出2大主題場館「世界館」、「台灣館」還有8大副場館、17隻衛星場館，分全世界各地个鄉親好朋友做得在10月半以前，來桃園體驗客家个美好！所以桃園市政府為著分鄉親做得輕鬆、順利去到這兜場館，特別推出接駁車來接送鄉親來回這兜場館。

桃市交通局目前有建構「世界客家博覽會交通訊息網站」，開放鄉親去世界博覽會个相關場館進前，做得先上網查詢展區周邊最新个交通動態訊息，鄉親做得自家選愛坐麼个交通工具，像係高鐵、台鐵、公車、接駁車還係自家駛車仔？這兜愛去到桃園世界客家博覽會場館交通路線个最新情形，全部會寫在動態網站頂背，恁仰乜做得摎鄉親省時間，毋使像以前還愛等車仔，正經當方便。

桃園市政府交通局局長張新福講，因為世界客家博覽會係全世界第一隻以客家文化為主題个博覽會，除了有台灣館摎世界館兩大主展區之外，還有橫山書法藝術館、永安海螺文化體驗園區、崙坪文化地景園區這兜8隻副展區，分別設立在中壢區、新屋區、觀音區摎龍潭區，乜因為這兜場館之間个距離有兜遠，所以桃園市政府特別推出接駁車來接送旅客去摎轉，還有推出「世界客家博覽會交通訊息網」希望做得?手鄉親閃開塞車个路段，乜省起來等車仔个時間，做得好好享受美好个世界客家博覽會个體驗。

世界客家博覽會乜提醒鄉親，交通接駁車方面，假使愛去主展館台灣館還係世界館个鄉親，做得坐柑仔色个路線車仔，係從青埔轉運站到青埔各展區个接駁路線，第一枋車仔係朝晨九點半起勢就會有第一枋，平常時最尾一枋車仔係暗晡頭七點半，拜六拜日个話係最尾一枋車仔係到暗晡頭九點半。

另外，這兜接駁車仔平常時係每二十分鐘就有一枋車仔，拜六拜日係變成十分鐘就有一枋車仔；桃園市政府乜提醒鄉親，假使鄉親係在拜六拜日坐火車，做得到中壢火車站出來之後，坐拜六拜日个接駁車仔，這枋中壢火車站个接駁車會載鄉親過去桃園機場捷運A22老街溪站，還係講愛坐桃園機場捷運个鄉親，乜做得自家坐機場捷運到A19桃園體育園區站，出來之後行差毋多五分鐘就做得到主場館「台灣館」還有「世界館」。