【華文版】
客家音樂戰士楊政道辭世享年55歲
【蘇佑昇／西湖海陸腔】以歌曲《一枝擔竿》填詞聞名的客家詞曲創作人楊政道，於7月13日因病辭世享年55歲，此消息一出也令客家音樂及傳播圈親友感到萬分不捨及震驚，金曲歌王謝宇威昨（19）日晚間，也在臉書悼念這位好友，並張貼多個楊政道和他一起創作的歌曲，緬懷這位客家音樂戰友，此外，許多聽聞楊政道辭世的好友也湧入留言，紛紛緬懷這位一生堅持客家音樂詞曲創作，總是奮不顧身衝鋒陷陣、大力推廣客家音樂美好的戰士。
楊政道（1969－2023），苗栗縣公館鄉人，於民國70至80年代起投身客家詞曲音樂創作，陸續創作多首知名客家歌曲，尤以曾入圍第三屆金曲獎最佳年度歌曲獎的《一枝擔竿》為人熟知，這首歌先後也被劉平芳、鄧百成、彭嬿以及羅筱雲等歌手演唱灌錄成專輯，受歡迎程度可見一斑，楊政道也曾參與金曲歌王謝宇威的多首歌曲《日頭落山》、《溜漂人生夢》填詞創作、何易峰feat.愛客樂iColor邱廉欽的《再回頭也難》填詞，一生創作約300多首客家歌曲及童謠，部份錄製成伴唱帶，他的作品也為台灣客家音樂注入一劑強心針，而他堅持做客家音樂的拚勁，更被身邊的人稱為「衝鋒陷陣的客家音樂戰士！」
今年５月謝宇威曾前往找好友楊政道，楊政道透露，醫師原先判斷他的肺腺癌第四期壽命僅剩3個月，但他用意志力和癌症搏鬥了近2年，謝宇威也提及，楊政道的心願就是「希望大家能夠記住他的作品，也希望朋友們能夠為他辦一場演唱他作品的音樂會。」
【客文版】
客家音樂戰士楊政道過身享年55歲
以歌曲《一枝擔竿》寫詞出名个客家詞曲創作人楊政道，在前幾日7月13因為肺腺癌過身了，享年55歲，這隻過身个消息一出來，乜分客家音樂還有客家傳播个好朋友感覺著當毋盼得，金曲歌王謝宇威昨暗晡，乜在自家个面書懷念楊政道這儕好朋友，乜張貼出多隻楊政道以前摎佢共下創作个歌曲，懷念這儕一生人堅持客家音樂詞曲創作，總係衝鋒陷陣，大力推廣客家音樂美好个戰士。
楊政道1969年出世，苗栗公館客家人，佢在民國70到80年代起勢，投入客家詞曲音樂創作，陸續創作出多首知名客家歌曲，尤其係入圍第三屆金曲獎最佳年度歌曲獎《一枝擔竿》分大家熟事，這首歌《一枝擔竿》乜分劉平芳、鄧百成、彭嬿還有羅筱雲這兜歌手演唱做成專輯，乜做得看出來這首歌曲在原旦受著歡迎个程度。
楊政道乜有參與金曲歌王謝宇威个多首歌曲寫詞《日頭落山》、《溜漂人生夢》，還有摎何易峰iColor邱廉欽个歌曲《再回頭也難》寫詞，楊政道一生人創作寫詞个歌曲有300零首个客家歌曲摎童謠，這部份乜有錄製變做伴唱帶，佢个作品乜摎台灣客家音樂注入去一門強心个預防射，楊政道堅持做客家音樂个精神，乜分脣項个人阿腦佢係「衝鋒陷陣个客家音樂戰士！」
今年５月期間，謝宇威有去尋過佢个好朋友楊政道，楊政道摎謝宇威講，原本醫生摎佢講佢肺腺癌第四期壽命淨伸3隻月，無過佢自家用意志力持續摎癌症奮鬥了2年，佢乜講，佢最大个心願就係「希望大家做得記得佢个作品，乜希望朋友做得為佢舉辦一場，專門演唱佢做个作品个音樂會。」
｜網路收聽｜
▹講客廣播電臺官網｜https://pse.is/R8RU8
▹講客廣播電臺APP｜
(Android連結：https://reurl.cc/8GWlXd)
(IOS連結：https://reurl.cc/O1pb59 )
