文／賴傳毓，苗栗人，退休公務員（腔頭：四縣腔）
高玉華因為興趣 餐飲學校畢業後 屋下條件無法度 分佢做餐廳生理
莊內乜無盡鬧熱 將就向外求發展 玉華揹起包袱仔 決定先向南片行
盡先堵着開陽鎮 滿哪仔去尋餐廳 全部就係無欠人 玉華失望來離開
坐到公園發琢愕 包尾決定換北片 玉華行忒一截路 忽然感覺大地動
有兜屋仔橫下來 前面一儕細妹仔 企毋穩橫到地泥 玉華遽遽走過去
摎細妹仔扶起來 細妹仔感謝玉華 兩儕互相看一下 跈等著驚指對方
因為兩儕在學校 係共班來學料理 細妹同學湯玉蓮 災區个還生个人
利用學校个操場 做臨時避難位所 行動毋便老人家 著傷个人全部就
安排到避難場所 再來堵着大問題 肚枵無東西好煮 乜尋毋着適當人
可以逐日來料理 時間過忒無幾久 災區隔壁景平市 ?手救難个人員
帶等救難个東西 來到臨時避難所 藥品食材摎清水 餐廳頭家陳宗華
搭好簡單灶頭後 跈等就開始料理 因為避難所裡肚 緊來緊多人入來
宗華做到喊毋敢 搭人掛出樹牌仔 煮食緊急需要人 共下照顧受難者
玉華玉蓮就有意 故所共下落手做 宗華愛試食兩儕 料理好勢个菜色
試了三樣菜過後 宗華就無再試食 因為味緒實在好 三隻禮拜過忒後
有兜受難者康復 伸著政府就接手 避難所就愛拆忒 宗華就問佢兩儕
敢有想行煮食路 兩儕互相看一下 跈等兩儕就頷頭 宗華開个餐廳係
採用無菜單料理 故所生理係愛好 菜色時時愛變化 用餳人創意料理
功夫菜摎特色菜 能夠好好來利用 正係最慶个經營 宗華暗中看兩儕
煞猛肯學出新菜 輒常推出新菜色 人客旦勢就阿腦 宗華暗中看兩儕
因為特殊个原因 心肚有特殊想法 想用實際个行動 來看兩儕个反應
宗華去市場買菜 數量比以前較多 關門後通知兩儕 頭家愛入院兩日
愛詳細檢查身體 兩日後出院轉屋 玉華兩儕拿資料 交分頭家詳細看
第一部分這兩日 詳細个出菜食譜 第二部分這兩日 收入支出个資料
第三部分這兩日 食材使用个數量 宗華一面看資料 一面看玉華玉蓮
宗華心肚暗暗想 這擺檢查个結果 著癌症頭變傷重 眼前兩隻後生仔
心肝應當係善良 先認兩儕做義子 再來訓練佢兩儕 仰般經營好餐廳
情況差毋多時節 將餐廳交分兩儕 自家生命伸毋久 希望自家幾下年
辛苦經營个餐廳 能夠繼續做下去
華語
高玉華因為興趣 餐飲學校畢業後 家裡窮困沒辦法 讓他自己開餐廳
家鄉也沒很熱鬧 只好離家求發展 玉華背起包袱仔 決定先走向南方
最先遇到開陽鎮 遇到餐廳就詢問 都是告知沒缺人 玉華失望的離開
來到公園猛發呆 最後決定換北方 玉華走了一段路 忽然感到大地震
有些房子倒下來 前面有年輕女生 站不穩倒在地上 玉華趕緊跑過去
將年輕女生扶起 年輕女生感謝他 兩人互相看一下 跟著驚訝指對方
因為兩人在學校 同科同班的同學 女生同學湯玉蓮 災區的倖存民眾
利用學校的操場 做臨時避難位所 行動不便老人家 受傷的人全部就
安排到避難場所 接著遇到大問題 餓了沒東西好煮 也找不到適當人
可以每天來料理 時間經過沒多久 災區隔壁景平市 幫忙救難的人員
帶著救災的物資 來到臨時避難所 藥品食材和清水 餐廳老闆陳宗華
搭好簡單灶頭後 馬上就開始料理 因為避難所裡面 越來越多人進來
宗華做到非常累 託人掛出木招牌 煮食緊急需要人 一起照顧受難者
玉華玉蓮有意思 所以一起幫忙做 宗華要試吃兩人 料理完成的菜色
試了三道菜之後 宗華就不再試吃 因為味道實在好 經過三個星期後
有些受難者康復 剩下的政府接手 臨時避難所拆除 宗華就問兩個人
有沒有想做餐飲 兩人互相看一下 跟著兩人就點頭 宗華開的餐廳是
採用無菜單料理 所以生意要很好 菜色要經常變化 用吸引人的料理
功夫菜和特色菜 能夠好好來利用 就會最棒的經營 宗華暗中看兩人
認真肯學出新菜 時時推出新菜色 客人大部份就誇 宗華暗中看兩人
因為特殊的原因 心中有特殊想法 想用實際的行動 來看兩人的反應
宗華去市場買菜 數量比以前較多 關門後通知兩人 老闆要住院兩天
要詳細檢查身體 兩天後出院回家 玉華兩人拿資料 交給老闆詳細看
第一部份這兩天 詳細的出菜食譜 第二部份這兩天 收入支出的資料
第三部份這兩天 食材使用的數量 宗華一面看資料 一面看玉華玉蓮
宗華心中很感動 這次檢查的結果 癌症病況變嚴重 眼前兩個年輕人
為人應該是善良 先認兩人做義子 再來訓練兩個人 如何經營好餐廳
時機差不多時候 將餐廳交給兩人 自己生命剩不多 希望自己辛苦了
好幾年努力經營 這個餐廳還能夠 再繼續經營下去
