文／鍾孝昇，國小教師、中壢客家人，這下戴中壢（四縣腔）
前一駁仔去海脣行尞，轉屋後正發現圓身晒到紅冬冬仔，故所阿姆就講：「你拿一息仔『油蔥』做个藥膏膏膏啊，就會好了。」聽阿姆恁仔講，?著驚下。?講：「阿姆，『油蔥』毋係拿來攪麵、煮菜食个喺？仰還做得拿來膏皮膚？」
阿姆笑到哈哈滾講：「亻恩客話講个『油蔥』，就係華語講个『蘆薈』啦。係講亻恩兜用來煮菜菣香个，客話安著『香蔥』，毋好摎佢兜搣毋著哦。」
經過阿姆个解說，?正知這用來治療皮膚分日頭晒到著傷个美容聖品「油蔥」，有一隻會分人誤會个客家名仔。
乜當堵好，在學校附近就有一個專門種油蔥，還過摎油蔥來做各式商品个「油蔥大腳士」–劉芃宜先生。在學校舉辦親職教育日該日，?兜邀請著劉先生到學校來擺攤仔，摎同學解說油蔥个各項知識，同時乜現場示範仰般做油蔥水、油蔥清潔用品个方法。
劉先生表示油蔥係一種多肉植物，原產地在地中海摎非洲地區，佢有當賁个葉仔，葉脣乜有細細像鋸仔个竻仔，還過有會牽絲个膠質，做得用在皮膚个照護，摎身體營養个補充。
劉先生講油蔥有盡多品種，大體做得分做食得（做藥仔用），摎食毋得（看靚个）兩類。其中，做得食个油蔥，全世界淨有六種定定，故所大部分个油蔥都係有毒，做毋得食哦。在台灣輒常看著个，有美國翠葉油蔥摎中華大葉油蔥，這兩種都係少數食得，又做得拿來做藥仔个油蔥。
摎油蔥種在中壢市山東里該位个劉大姊表示，雖然油蔥係生長在沙漠个植物，毋過，佢淋水愛適當，日頭乜愛晒罅來，還有較利水个田正種得起。對種落去，到收成，至少愛兩年半，耕田人愛有耐心正看得著佢个成果。
紹介恁多油蔥个基本資料過後，劉先生拿出一條又大又靚个油蔥，先摎佢洗淨，過摎頭、尾，還有葉仔邊脣个竻仔切忒，再過用淨水摎肉洗淨俐。因為油蔥个大黃素會對切忒該面流出來，這大黃素就係分人食著會屙痢肚个毒素，故所削皮後个油蔥肉，定著愛黏時洗淨來正做得。
現場一位小朋友擎手問講：「先生，?姆會用油蔥个肉來貼在面項，講會還較幼皮白肉，毋知恁樣做得無？」。 劉先生煞煞講：「千萬做毋得哦，因為油蔥裡背个大黃素會分面項生烏斑，故所絕對毋好直接拿油蔥來貼面，愛用經過處理个產品正安全。」
先生摎油蔥肉切到一矻一矻後，續等就摎一半个肉放入果汁機，打到綿綿，加冷滾水摎蜂糖後，再過打十過秒，落尾，摎伸个肉切到綿綿放落去，過打幾秒鐘，萋又好食个油蔥水就好了。
日頭恁烈，小朋友緊啉清涼个油蔥水，緊聽先生解說仰般用油蔥來做清潔用品，聽到盡凝神。落尾，還拿著先生用心準備个等路，這正經係一場有好食又有好拿个精彩課程啊。
因為吾學校係客語生活學校，故所乜請先生提供一頭美國翠葉油蔥，種在學校新改个「客家菜園」肚，分小朋友過較認識這生趣又特別个植物。
油蔥，這名仔分人疑狐个植物，原來佢有恁湛斗个功效。下二擺係講有人愛用油蔥治療分日頭炙傷个皮膚，千萬毋好分佢嚇著，乜愛提醒佢，做毋得直接用在面項，無斯會生烏斑哦。
華語：
前一陣子去海邊玩，回家後發現身體曬傷了，於是媽媽說拿一些用「油蔥」做的藥品擦一擦，就會好了。聽媽媽這樣說，著實讓我嚇了一跳，我說「油蔥」不是拿來攪麵拌青菜的嗎，怎麼還可拿來擦皮膚?
媽媽哈哈大笑說：「我們客家話的『油蔥』，就是國語說的『蘆薈』啦，至於平常拿來做菜調味的，客家話稱之為『紅蔥頭』，可別把兩個搞混了。」
經過媽媽的解說，我才知道這用來治療皮膚曬傷的美容聖品「蘆薈」，有一個這麼容易令人誤會的客家名字。
而很湊巧的，在學校附近就有一位專門種植蘆薈，並將蘆薈作成各項料理的蘆薈達人「劉芃萓老師」。於是利用學校親職教育日，我們邀請了劉芃萓老師到學校擺設攤位，為同學解說蘆薈的各項知識，同時也現場示範製作蘆薈露、蘆薈清潔用品的方法。
劉老師表示蘆薈是一種多肉植物，原產於於地中海及非洲地區，它具有厚實的葉子，葉緣有小鋸齒，並且含有豐富的膠質，可用於皮膚護理和營養保健。
劉老師表示蘆薈有很多品種，可分為可食蘆薈（藥用）和觀賞蘆薈（不可食用）兩類，其中可以食用的品種只有六種，因此大部分的品種都是具有毒素，不可食用的喔。而在台灣最常見的就是美國翠葉蘆薈與中華大葉蘆薈，這兩者都是少數兼具食用及藥用的蘆薈品種。
將蘆薈種植在中壢市山東里地區的劉大姊表示，雖然蘆薈看起來像是沙漠植物，不過，他也是需要適量的水分，充足日照，以及排水良好的農地才行種植，而且從種下去，到可以採收，至少要兩年半的時間，農夫必需耐心種植才能看到他的成果。
講解完蘆薈的基本資料後，劉老師便取出一條又大又漂亮的蘆薈，先將它洗乾淨後，去除頭尾，以及葉子邊緣的刺，用清水將果肉沖乾淨，因為表皮內的大黃素會從切口斷面滲出，而大黃素正是會導致腹瀉的毒素，所以去皮後的葉肉一定要立即洗淨才行。
現場一位小朋友舉手問到：「老師我媽媽用蘆薈果肉來敷臉也，可以嗎？」。 劉老師急忙說：「千萬不可以呀，因為蘆薈裡的大黃素會讓臉長黑斑，所以千萬不要直接拿來敷臉，要用經過處理的產品才安全。」
老師將蘆薈果肉切成丁狀後，拿出一半放入果汁機打成泥狀，再加入冷開水、蜂蜜後再打十幾秒，最後再將剩下切碎的果肉放進去再打幾秒鐘，新鮮、可口的蘆薈露就完成了。
在炎炎日頭下，家長小朋友一邊喝著清爽的蘆薈露，一邊聚精會神聽著老師解說如何用蘆薈製作清潔用品，最後還得到了老師精心準備的伴手禮。這真是一場有得吃又有得拿的精彩課程啊。
因為我的學校是客語生活學校，我們也請老師提供一株美國翠葉蘆薈，栽種在本校新設的「客家菜園」中，讓小朋友認識這有趣又特別的植物。
油蔥，這客語名令人迷惑的植物，原來它有著很棒的功效。下次若聽到有人要用油蔥治療皮膚曬傷，千萬別被嚇到了，也要提醒他，不能直接用在臉上，否則可是會長黑斑喔。
