【華文版】
客家五月節 Q彈粄粽請你食
【廖育辰／雲林二崙詔安腔】端午節即將到來，客家人則稱五月節，為讓民眾能透過食物認識客家文化，五月節除划龍舟、立蛋及掛香包等傳統習俗，讓人最期待的莫過於各種不同風味粽子，無論是戲稱３Ｄ油飯的北部粽，還是清淡軟糯的南部粽，其實還有客家風味的「粄粽」，展現Ｑ彈不黏葉獨特魅力。客委會十日將推出首波「台南限定─客家人×客家美食×客家故事」活動，於美術館一館榕樹中庭，讓民眾品嘗專屬客家味「粄粽」。客委會指出，客家族群是勞動族群，為補充體力，耐飽又易保存的米製食品，成農耕時必備糧食，客家人將這些米製食品稱為「粄」；逢年過節、婚喪喜慶或特定事件場合，會將在來米、蓬萊米或糯米，先舂米、磨米後，配上各種符合時令盛產食材，製作成不同風味的粄，以供祭祀或宴客使用。客家粄粽作法繁瑣，內餡則將客家料理靈魂「紅蔥頭」，煸炒至金黃後取出再加料，而粄因使用米漿，外觀無法一窺米的形狀。屆時民眾可品嘗苗栗「客家粄粽」、新竹內灣「野薑花粽」及屏東排灣族的原住民「小米粽」，並跟著說書人吳錦發和目尼·杜達利茂，一起探索不同族群文化魅力。
【客文版】
客家五月節 Q彈粄粽請你食
餡粽節即討到位，客人號作五月節，為著得民眾會用透過美食熟事客家文化，五月節除了划龍船、企卵和掛香包等等傳統風俗，得人頭堵毋會核个即算係足多無共款味素个餡粽，無論係打心適講３Ｄ油飯个北部粽，猶係清清軟糯米个南部粽，其實猶有客家味素个「粄粽」，展現Ｑ彈毋會黏葉特別个所在。客委會十號討推出頭回「台南限定─客人×客家美食×客家故事」活動，在美術館一館榕樹中庭，得民眾試食專門係客味个「粄粽」。客委會指出，客家族群係勞動族群，為著加添氣力，耐飽又擱好保存个米作食品，變做係作穡時務定著愛準備个米糧，客人拁這兜米作食品號作「粄」；逐年過節、紅白喜慶抑係特別事情个所在，會拁在來米、蓬萊米抑係糯米，先舂米、挨米了後，加添真多著時个食材，製作無共味素个粄，提來拜拜抑係請人客做利用。客家粄粽作法真費氣，餡即係客家料理靈魂「紅葫頭」，炒討金黃色了後提出來擱加料，粄因爲係用米漿做个，外型無法度䀴著米生作麼个形。到時民眾會用食著苗栗「客家粄粽」、新竹內灣「野薑花粽」和屏東排灣族个原住民「細米粽」，擱跈講古人吳錦發和目尼·杜達利茂，作垺尋䀴望無共族群文化錫人个所在。
｜網路收聽｜
▹講客廣播電臺官網｜https://pse.is/R8RU8
▹講客廣播電臺APP｜
(Android連結：https://reurl.cc/8GWlXd)
(IOS連結：https://reurl.cc/O1pb59 )
歡迎大家下載講客廣播電臺APP，共下講客Let’s fly
