文／作者：揚尾仔，桃園客家人，這下戴新北市（四縣腔）

細細時節，見擺在電視抑係報紙裡肚看著麼个世界地圖抑係台灣地圖，阿姆就會摎?講：「若背囊乜有一張地圖。」?問佢：「仰般講？」阿姆總係看等?緊敨大氣，講話迪迪凸凸，?盡少看阿姆恁樣阿阿膩膩，毋過?乜無恁大神氣去揣，遽遽來去尋伴尞較贏。

到大了正知，?差毋多五、六歲該下，家境無恁豐湧，洗身愛在灶下燒大灶暖水，水滾了大人會用杓嫲舀水落錫桶正擐去浴堂洗身，吂讀書个細人仔就在大灶脣洗。有一日?在該洗身，阿公乜去舀燒水，舀啊舀仔，毋知仰仔滾水無落錫桶，嗄捨在吾背項，對肩頭到腰骨歸隻背囊都熝著了，細細个?痛到險險會無命，噭到目汁濫泔，大人乜驚到會死，儕儕心焦馬亂，毋知熝著愛煞煞去沖冷水，顛倒去尋豆油，講淋豆油正毋會留疤，鹹鹹个豆油就恁樣對吾个背囊淋啊下，?痛到強強會昏死忒去，下後吾背囊起膘、出水還過含燒火?，實在當艱苦，乜無麼氣力去外背尞，日時頭?恬恬坐等發琢愕，暗晡頭就在眠床項伏等睡，好得傷口無過發炎，人也慢慢仔較精神了。好得燒水毋係捨到吾面項，這下想著膝頭就會出目汁，毋過仰般艱苦?也平安度過了。俗話講：「一日平安一日福」就係這個意思。

還記得讀書該時，有一擺摎同學去泅水，在該換泅水衫个時節，同學看著吾背囊个瘢跡著驚一下，?看厥面項表情就知，佢定著試著當媸。?細細聲仔同佢講：「無麼个啦，細細時節分燒水熝著定定，毋會痛了！」著傷該下个艱苦?半息仔就毋記得了，毋過有一儕人會永久記得──就係阿姆。佢講佢一生人無法度添放忒該下?噭到抽胲另命，一想著這厥心肝肚總係痛㸐㸐仔，?知這係阿姆對?个痛惜摎毋盼得，等到?乜做人阿姆，正知得細人仔無論著傷抑係哪位毋自然，做爺哀儕總係盡艱苦。人講：「爺娘想子長江水」、「爺哀惜子惜入心」，這就係天下父母心啊！

幾十年過去，吾背囊項共樣瘢跡疤疤，?輒輒愐，好得該央時毋係熝著面，無愛仰結煞正好？毋過毋係逐儕人都摎?共樣恁幸運，有一擺?去餐廳打鬥四，就堵著一個男仔人戴等打鳥帽仔、歸面仔係熝傷个瘢跡，一儕人恬恬仔坐在該食飯，?愐佢定著經過當艱辛个復健過程，還過分社會个眼光同生活个悲傷矺到敨氣毋過，怕係盡命仔正行出來，百樣艱苦淨佢自家知，目汁捽燥來日仔還愛過下去。?在心肝肚偷偷仔摎佢嗙風加油，望佢一生人順序平安。

吾背項个疤跡分?學著用同理心來同人來往，還有用知足个心來過日仔。對?來講，佢毋單淨像一張地圖，過較像一張烙印在吾背囊頂項、也刻在阿姆心肚个藏寶圖，若係尋著藏寶箱摎佢打開來會發現裡肚囥等个寶藏，係人同人之間互相體諒摎包容个心意，還有阿姆對?像長流水樣、淰淰个愛。

【華文】

小時候，每次在電視或是報紙上看到有關世界地圖或台灣地圖，媽媽就會跟我說：「你背上也有一張地圖哦。」我問她：「怎麼說？」媽媽總是看著我一直嘆氣，說話支支吾吾的，我沒有見過媽媽這麼支吾其詞、不乾脆的時候，不過我也沒那麼多時間費神去猜，小孩子快去找玩伴來玩比較實在。

長大了我才知道差不多在我五、六歲的時候，家境並不富裕，洗澡得在廚房用大灶燒熱水才行，等大灶的水滾了，大人就會用水杓舀水到水桶後才提去浴室洗澡，還沒讀書的小孩子就在大灶旁邊洗澡。

有一天我在洗澡，阿公也去舀熱水，舀啊舀的，不知為何滾燙的熱水沒進水桶，卻倒在我的背上，從肩膀到腰部，整個背都燙傷了，年幼的我痛到快死掉了，哭得淚流滿面，大人也嚇得要死，個個慌亂不已，不知道燙到要趕快去沖冷水，反而去找醬油，說燙到要淋醬油下去才不會留下疤痕，鹹鹹的醬油就這樣從我的背上淋下去，我痛到快要昏死過去，之後我背上的傷口開始起水泡、出水而且刺痛難耐，實在很難受，也沒有什麼力氣去外面玩，白天我靜靜在家裡坐著發呆，晚上就在床上趴著睡，還好背上的傷口沒有再發炎，人也慢慢的有精神了，還好熱水不是倒在我的臉上啊。現在回想起來，真令人傷心難過到極點，不過無論如何痛苦我也平安度過了。俗話說：「一日平安一日福」就是這個意思。

還記得在求學時期，有一次跟同學去游泳，在換泳衣的時候，同學看到我背上的燙傷疤痕，有點吃驚，我看她臉上的表情就知道，她一定覺得很醜，我小聲的跟她說：「沒什麼啦，小時候被熱水燙到而已，已經不痛了！」受傷那時的痛苦我一點兒也不記得了，不過有一個人永久會記得──就是媽媽。

她說她一輩子都無法忘記當年我聲嘶力竭的哭喊，一想到這她的心裡總是覺得很痛苦，我知道這是媽媽對我的疼惜跟不捨，等到我也當媽媽了，才知道小孩不論受傷或是哪裡不舒服，當爸媽的總是最難過。人家說：爸媽想念孩子的心源遠悠長、父母疼惜子女總是疼入心的，這就是天下父母心啊！

幾十年過去了，我的背上一樣疤痕累累，我常常想，幸好當年我不是燙到臉部，否則要怎麼辦才好啊？不過並不是每個人都跟我一樣這麼幸運，有一次去餐廰聚餐，就遇到一個男人戴著鴨舌帽、整臉都是燒燙傷的疤痕，一個人靜靜地坐著吃飯，我想他必然是經過了相當艱辛的復健過程，還有被社會的眼光和生活的悲傷壓得喘不過氣，恐怕是拚了命才走出來的，百般辛苦只有自己知道，淚水擦乾日子還是要繼續過下去。我在心裡偷偷地幫他加油打氣，希望他之後的人生一輩子平安順利。

背上的疤痕讓我學習到用同理心來與人交往，還有用一顆知足的心來過生活。對我而言，它不只是像一張地圖，更像是一張烙印在我背上、也刻印在媽媽心裡的藏寶圖，如果找到了寶箱把它打開來會發現裡面藏著的寶藏，是人與人之間互相體諒與包容的一份心意，還有媽媽對我滿滿、無止盡的愛。