文／曾光明，台中東勢客家人，農業資材推廣者、樂齡中心講師，這滿戴東勢。
早期个東勢，大部分係戴客家人，在這方開山打林，一半下斯會同原住民因致爭地來引起冤家，分原住民出草乜長在聽著。在吾个童年時代，大約1960年代，好聽阿公講古，有一擺，食夜該時，桌項个雞肉無堵好切無斷，阿公就用這个題材，講頭擺上山打原住民个古分?聽。
有一日，村民逐儕講起，因致原住民有放出風聲愛到庄頭來㓾人頭，當時庄肚，長在愛做大哥个人就出來講話，斯講：「亻恩等使毋得總下分原住民打个份，亻 恩等乜愛想辦法上山先打原住民，斯用恁泥，來防範原住民又來庄頭㓾人頭。」大哥个餔娘聽講愛上山打原住民个事情，大嫂提出一个看法，佢講：「在若等上山進前，係毋係愛先做好參詳，那係恁泥，暗夜?來煮幾項菜，請村民弟兄來屋下食夜，參詳上山計劃，好無？」大哥黏時答應大嫂个提議，斯恁泥邀集了弟兄到屋下食夜。
大嫂將屋下盡肥該隻大閹雞抓來㓾，做食夜个桌心菜，大嫂為著同老公?手順利上山打原住民，心肝愐出一計，將雞肉剁做一大盤，毋過，雞肉總下無切開、無切斷，斯恁泥捧上桌頂。客家人講究禮儀倫理，所以愛大哥先動筷，眾弟兄正使得動筷。大哥同大家招呼一聲講:「毋使細義，自家來！」佢斯先夾桌心菜閹雞肉，大哥用筷夾閹雞肉，毋過閹雞肉一塊一塊黏黏，共下剪毋斷，在桌頂撥來撥去撥毋開，弟兄逐儕也無人伸手來?手大哥，這下斯分囥在門背角个大嫂看到詳詳細細。
大家酒足飯飽了後，斯愛參詳上山打原住民个計劃，大嫂乜提出厥看法，佢講：「逐儕這擺使毋得上山打原住民，一定會失敗！」逐儕緊摸頭拿講：「大嫂做麽个恁泥講呢？」大嫂斯接緊講：「在食飯个時節係最好个觀察，大哥在桌頂夾雞肉撥毋開，?看無一儕人會?手，這滿食飯都無法度團結，若係上山逐儕堵到危險个時節，乜無法度團結合作，共下打原住民。」
聽了大嫂講个話，逐儕頭那犁犁，承認確實係團結心無罅，這擺上山打原住民斯無成。聽著剁雞肉个故事，?試著客家婦女家當有智慧！
華語
早期的東勢大部分住著客家人，在這邊開荒闢地，偶爾會因為爭地跟原住民起衝突，被原住民出草也時有所聞。在我的童年時，約1960年代，我常聽祖父說故事。有一次吃晚餐的時候，桌上的雞肉剛好沒切斷，祖父就用著個題材說上山攻打原住民的故事。
有一天，村民議論紛紛，因為原住民放出風聲要到村庄來取人頭，於是村庄裡面經常當老大的大哥就提出想法，說我們不能老是被挨打，何不我們來主動出擊來防範原住民下山砍人頭？老大的妻子聽說這件事，她提出一個看法：上山之前是不是要先做計劃討論，那就趁今天晚上，她來做幾道菜請村民弟兄們來家裡來吃飯，商討作戰計劃。大哥就接受妻子的提議，就邀集了弟兄們來到家裡吃飯。
大嫂將家裡最肥的大閹雞殺了，當做晚餐主菜，大嫂為了協助夫君能夠掌握勝算，於是心生一計，把雞肉剁成一大盤，但是雞肉都不把它剁開、剁斷，就這樣端上餐桌。客家人講究禮儀倫理，所以要大哥先開動，眾弟兄才能夠開動。於是大哥向大家招呼一聲說：「別客氣，自己來！」然後就先用筷子夾了白斬雞，但是白斬雞一塊一塊連著就是剪不斷，在餐桌上甩也甩不開，眾弟兄們也沒有人起身動筷來幫忙大哥，這一幕也被躲在門後的大嫂看得清清楚楚。
大家酒足飯飽之後，就要討論上山攻擊原住民計劃，大嫂也隨即提出建言：「大家近日不能夠上山打仗，一定會失敗。」大家提出疑惑：「為什麼這麼說呢？」大嫂就說：「剛剛在吃飯的時候是最好的觀察，大哥在桌子上夾雞肉甩不開時，竟然沒有一個人上前幫忙，連吃飯都沒有辦法有默契，如果上山大家遇到危險的時候，大家也沒有辦法團結合作並肩作戰。
大家聽了大嫂的一番話，紛紛低下頭來，承認確實是默契不夠，無法團結作戰。我聽完這則故事，覺得客家婦女真有智慧啊！
