文／李文煥，國中特殊教育教師，苗栗客家人（四縣腔）

吾个家鄉係苗栗縣，苗栗係一個當靚个所在，歸隻苗栗大體就係山仔，山連山、雲疊雲，山山水水緊相連，故所又分安做「山城」，在這生活十分自然還過鬆爽。毋過，這恁多年來隨等國內个經濟發展，嗄無奈何大量開墾同破壞欸自然生態，毋單淨破忒了來台祖尋分亻恩个好地理，乜分做農人个好朋友-石虎仔，無哪好戴、無哪好去絡食。

石虎係亻恩台灣个特有種貓科動物，乜係世界上最細个野生虎之一。

還記得吾公講石虎係亻恩俚个好朋友，佢會捉老鼠仔、撳蛇哥，毋會糟搣人畜个雞仔、鴨仔同頭牲仔。係講，另外一種安到「山貓〔註1〕」个大貓仔，該就會在星光半夜落雞塒偷掄雞仔咈。毋過，這下毋管係石虎抑係山貓，佢兜總下堵着傷重个生存危機。根據統計，目前全台灣个石虎仔淨伸無到250隻定定，還過這數字還在該跌。

亻厓第一擺看着石虎仔係國中一年生該央時，該年係1988年个年下仔。一日臨暗頭，天時清冷又落等雨毛仔，阿爸轉夜个時節擐等一隻用紅毛泥袋仔弇等个鐵籠仔，阿爸正?兼(kiam)啊過戶檻，一看着亻厓四隻細不（bud）仔愛行兼去。

黏時對等亻厓緊比，喊亻厓帶三隻老妹轉廳下莫行兼。阿爸做麼个恁神秘？原來係佢擐等个籠仔裡背，有一隻對山肚救轉來著傷个大貓仔。阿爸無愛亻厓兜偎兼个用意，一方面係驚大貓仔起惡會嚇着亻恩；另一方面係驚該隻大貓仔分亻厓這兜細鬼仔嚇着撞籠仔。該暗晡阿爸請苗栗當有名个何獸醫來看大貓仔，亻厓恬恬企在脣頭項嘴勺勺仔緊看。就看等何先生當熟手同大貓仔注了一射，跈等大貓仔就昏忒睡橫下去。聽何先生講：「這毋係山貓仔哦！這係當罕得看着个石虎仔喔!有異多人講厥肉當補，故所盡多人愛捉佢來食。」

阿爸講：「該兜人實在當夭壽，在山肚項放恁多大夾仔，亻厓兜在山項做事，係無堵好分佢夾着仰結煞。這隻石虎仔乜毋知畀夾着幾多日仔，正手个腳踏（dab）仔強強就會斷圈仔，石虎仔定著係痛到佇毋着了，亻厓同佢解夾仔个時節，佢親像含等目汁乖乖分亻厓 裝。」看着這隻恁得人惜个石虎仔，搣到血漬漬骨頭現現，還過枵到瘦夾夾仔，實在分人還毋盼得那！

對該日開始，石虎仔就在吾屋下戴下來，亻厓逐日負責裝東西畀食，一有閒就跍在籠仔脣項同佢講話，頭下碼佢還會同亻厓唬唬滾，一站仔過後佢就當馴了！毋過，佢總係毋好食亻厓 兜準備个飼料同熟肉。阿爸講：「這石虎仔還係較好食生肉，佢這下腳个傷好了，應當愛放佢轉去佢自家个竇了！」該暗晡，阿爸帶等亻厓 駛貨車去山肚項，放石虎仔轉厥屋下；轉去佢自家个竇。

這下，亻厓係一個國中个先生，毋單淨係愛教學生(仔)學習書本个知識定定，還愛摎學生仔講吾爸頭擺輒輒在山項救動物个故事，亻恩俚愛曉得儆惜環境同保護石虎，還佢一隻自由个竇，還亻恩一隻美好个家鄉。

〔註1〕：根據作者个經驗，石虎身胚仔較細較像家貓，額頭同耳公後背有白毛；還過尾較長。山貓个身胚仔就較像中型狗恁大隻，性較惡、尾短短仔，另外厥毛色識看過有烏色同深豬肝色个，係講石虎該就吂識看過有烏色个。

華語

我的家鄉是苗栗縣，苗栗是一個很美的地方，整個苗栗大部份都是山，山巒疊翠風光明媚，所以又被稱為「山城」，在這生活非常的慢活愜意。但是，這些年來隨著國內的經濟發展，不得已大量開墾及破壞了自然生態，不僅破壞了來台祖先找給我們的好風水，也讓農民的好朋友-石虎，沒了居住的家園、沒了覓食的地方。

石虎是我們台灣的特有種貓科動物，也是世界上最小的野生虎之一。

還記得我爺爺講石虎是我們的好朋友，他會捉老鼠、撲蛇，不會偷吃人養的雞、鴨和家畜。然而，另外一種叫做「山貓（註1）」的大貓，那就會在三更半夜到雞舍偷抓雞吃。不過，現在不管是石虎或是山貓，他們全都遇到嚴重的生存危機。根據統計，目前全台灣的石虎只剩不到250隻而已，並且這數字仍在下降中。

我第一次看見石虎是國中一年級的時候，那年是1988年的年底。有一天黃昏，天氣很冷又下著毛毛雨，老爸下班回家的時候提著一個用水泥袋蓋住的鐵籠，老爸正要跨過門檻的時候，一眼瞄到我們四個小不點。立即對我比手畫腳，要我帶三個妹妹儘快回客廳去不要靠近。

老爸為什麼那麼神秘？原來是他提著的籠子裡面，有一隻從山裡救回來受傷的大貓。老爸不要我們靠近的用意，一方面是怕大貓起兇性會嚇著我們；另一方面是怕那隻大貓被我們這群小鬼嚇着而撞籠子。那晚上老爸請苗栗很有名的何獸醫來看大貓，我靜靜的站在旁邊嘴開開的一直看。就看著何醫師熟門熟路的幫大貓打了一針，馬上大貓就暈倒躺下去了。聽何獸醫說：「這不是山貓哦！這是很罕見的石虎喔！有很多人說他的肉非常補，所以滿多人想要捉他來吃。」

老爸講：「那些人實在很夭壽，在山裡頭放那麼多大補獸夾，我們都在山裡做事，若恰巧被它夾住怎麼辦。這隻石虎也不知被補獸夾夾住幾天了，右邊的腳爪幾乎就快要斷掉了，石虎一定是痛到受不了，我幫他解開補獸夾的時候，他好像還含著眼淚乖乖的給我解。」看著這隻那麼得人疼的石虎，被搞到血淋淋骨頭都看得見，而且餓到瘦巴巴的，實在讓人很不捨得呀！

從那天開始，石虎就在我家住下來了，我每天負責弄東西給他吃，一有閒就蹲在籠子旁邊跟他說話，起初他還會向我唬唬叫，一陣子過後他就很溫馴了！但是，他總是不愛吃我們準備的飼料及熟肉。老爸講：「這石虎還是比較愛吃生肉，他現在腳的傷好了，應該要放他回去他的家了！」那晚，老爸帶著我開貨車去山裡面，放石虎回他家；回去他自己的窩。

現在，我是一名國中的老師，不僅是要教學生學習書本的知識而已，還要跟學生講我爸從前經常在山裡救動物的故事，我們要懂得珍惜環境與保護石虎，還他一個自由的窩，還我們一個美好的家鄉。

註1：根據作者的經驗，石虎體形較小比較像家貓，額頭及耳後有白色毛；還有尾巴較長。山貓的體型則像中型犬那樣大隻，個性比較兇惡、尾巴較短，另外其毛色曾經看過有黑色及深棕色的，而石虎則不曾有看過有黑色的。