文／張美煜（講海陸腔个屏東客，新竹關西裔，現居台北新店，師大國文系退休，目前擔任寶島客家廣播電台主持人，中正紀念堂志工&文史導覽員）

前幾日朋友傳來一張流蘇花个相片，頂項有「嶺上四月雪，馨香滿山野」兩句話，分?想起這幾年追看流蘇花个經驗：台大校園个全台灣流蘇母株、228公園个高大子樹、中正公園、大安公園、捷運公館站，甚至新店慈濟醫院該兜四五六代个息孫樹，?都有去看過，毋過，已像毋識鼻着厥馨香氣个樣。

一般來講，白色个花較香，像玉蘭、茉莉、桂花、夜來香、黃梔花（「梔」字，客語讀如「枝」）…等；但係流蘇花到底有香氣無，?毋敢儘採講，因為自家毋識鼻着，有可能係因為厥花開在樹頂，忒高了，人企樹下鼻毋着，也驚怕係厥香氣毋罅大，所以較難鼻得出來？

照理講，平平係白花个「白梅花」也應該當香正著，係無，「以梅為妻，以鶴為子」、一生人無討餔娘个古詩人林逋，仰會寫詩頌讚佢「暗香浮動月黃昏」呢？但係，?在中正紀念公園看一大片白梅花已多年，逐擺看都挑挑偎兼去想鼻香，乜無鼻着有幾香，勉強有一息息「有像人無」个香氣，係小可鼻塞時去，怕麼个都鼻毋出來！

另外一種台灣人已好个白香花係玉蘭花。厥花較大蕊較餳人，當多人會在屋脣種一欉，花開時，摎花摘下絭起來掛在膴身項、抑係吊在車肚鼻香，市場、路脣乜有人絭好一串一串來賣。

桂花雖然細細蕊，無像玉蘭花恁打眼，但係佢个香氣十足，超過玉蘭花，中正公園个桂花斯係園肚一等香个花種，遠遠就鼻得着了。頭擺人屋下係有種桂花，會摘一撮一撮个萋花（鮮花）裝在細盤細碗項，放在屋肚，分歸屋間清香滿滿；在19世紀末期到20世紀70年代以前，台灣茶米外銷當旺、製茶產業當興个時代，桂花還係經濟作物哩，佢係做「香片」茶米个材料，為台灣賺了已多外匯，台北市早期有東園區、西園區，就係種桂花个主要地區。

這下人食个飲料百百種，係摎桂花晒燥放落蜂糖肚，就係當香个「桂花釀」，舀一湯匙，放兜冷滾水摝摝散，就係清甜又香、絕對無塑化劑个純天然飲料了。冷天時，台灣个外省人自家做食補品「甜酒釀」，抑係過年做甜粄時，乜有人會放兜桂花來增加香味。

總講一句，桂花雖然無當靚當餳人个樣像，毋過厥香氣當耐鼻，鼻了分人精神當鬆爽；佢又係當實用个「香料食材」，摎茶米、蜂糖…..都合得，有當好个性質。這分?想起一句客語俗諺：「玉蘭有風香三里，桂花無風十里香。」

這句話係講，玉蘭摎桂花平平有香氣，毋過玉蘭个香愛有風吹正分人鼻得着，桂花个香雖然無風吹，乜做得傳到十里遠去。意思係暗示，正經有才情、有肚腹（內涵）个人，毋使靠膨風宣揚，自然就會分人識佢。

桂花个特色，敢毋係摎客人內斂毋搶光、毋好展風神个民族性已相像呢？

華語

前幾天朋友傳來一張流蘇花的照片，上頭有「嶺上四月雪，馨香滿山野」兩句話，讓我聯想起這幾年追看流蘇花的經驗：台大校園的全台流蘇母株、228公園的高大子樹、中正公園、大安公園、捷運公館站，甚至新店慈濟醫院那些四五六代的曾孫玄孫樹，我都曾去看過，不過，似乎不曾聞到它的馨香味。

一般而言，白色的花較香，像玉蘭、茉莉、桂花、夜來香、黃梔花（「梔」字，客語讀如「枝」）…等；但係流蘇花到底有無香氣，我可不敢瞎說，因為自己未曾聞著，有可能是因為花開在樹頂，太高了，人站在樹下聞不到，也可能是由於它的香氣不夠濃，所以不易聞得出來？

按理說，同樣是白花的「白梅花（單瓣果梅）」也應該很香對，要不然，「梅妻鶴子」、一生未娶的古詩人林逋，怎可能寫詠梅詩來頌讚它「暗香浮動月黃昏」呢？但是，我在中正紀念公園看那一大片白梅花已多年，每次看都特地靠近去聞香，偏偏不曾聞到它的好清香，只勉強算是聞到一絲絲「有若人無」的香氣吧，若在有點鼻塞的時候去，只怕是什麼也聞不出來的！

另外一種台灣人滿喜歡的白香花是玉蘭花。它的花朵較大較吸引人，很多人會在屋旁種上一棵，花開時，將花摘下串起來，或掛在身上、或吊在車上聞香提神，市場、路邊也常有人串好一串一串的花來賣。

桂花雖然小小朵，不像玉蘭花那般起眼，但是它的香氣十足，勝過玉蘭花，中正公園的桂花是園區內最香的花種，遠遠就聞得到了。從前，若有人家裡種了桂花，會摘一撮一撮的鮮花，裝在小盤子或小碗裡，放在屋內，會讓整間屋子清香四溢；在19世紀末期到20世紀70年代以前，台灣茶葉外銷、製茶產業非常暢旺的年代，桂花還是經濟作物呢，它是做「香片」茶葉的材料，為台灣賺進不少外匯，台北市早期有東園區、西園區，就是種桂花的主要地區。

現代人喝的飲料千百種，若將桂花晒乾放進蜂中浸漬，就成了很香的「桂花釀」，舀一湯匙，再加入一些涼開水攪拌均勻，就是清甜又香、絕對不含塑化劑的純天然飲料了。冬天時，台灣的外省人自製補品「甜酒釀」，或者做年糕時，也有人會加入一些桂花來增加香味。

總而言之，桂花雖無漂亮誘人的外型，不過它的香氣耐聞，會讓人神清氣爽；它又是極為實用的「香料食材」，跟茶葉、蜂蜜…..都很調和搭嘎，質性極佳。這讓我想起一句客語俗諺：「玉蘭有風香三里，桂花無風十里香。」

這句話是指玉蘭跟桂花同樣都有香氣，不過玉蘭的香氣要借風吹送，人們才聞得著，桂花的香氣就算沒有風來吹，也能傳到十里之遙去。言外之意是，一個人若有真才情、有內涵，不用靠自我吹噓大力宣傳，也會聲名遠播的。

桂花的特質，不是跟客家人內斂不搶光、不愛自我吹噓的民族性滿類似嗎？