文／趙叔，文史工作者、客家樂評人，竹東饒平底客家人，這下戴竹東（海陸腔）
新竹縣竹東鎮惠昌宮，係竹東鎮个信仰中心，主要服祀三山國王，就係巾山、明山摎獨山三個國王。本廟在清朝嘉慶十五年（1810年）創立，由該當時開墾竹東个「金惠成」墾號發起、地方信士共下建立，後來又有當多擺个修整，廟名乜從「國王宮」改名「惠昌宮」，祈求做得庇佑信徒「惠民昌茂」。到今廟裡背還有淡水同知李慎彝「植良鋤莠」个牌匾，係惠昌宮个鎮殿之寶。
逐年舊曆2月25係大國王巾山國王个生日，也係惠昌宮重要个慶典之一。頭擺惠昌宮在這三個國王誕辰个時節，主要祝壽个活動係誦經拜拜，從羅朝明董事長上任了後，這幾年開始惠昌宮申請勞動部个多元就業開發案當多擺，廟項做得請人來?手做，故所開始辦理當多个活動。廟項傳統个祭典儀式有兜改變，2019年開始斯增加迎神个活動，在逐年大國王生日个前一日，也就係農曆2月24進行迎神。
今年大王生迎神活動，在新曆3月15鬧熱舉辦，朝晨八點對惠昌宮出發，車隊順等惠昌宮个祭祀範圍行，路線會經過陸豐里、番社庄伯公、五豐里伯公、榮華伯公、菜園窩楊屋、大窩伯公、中山橋、樹杞林文化館。下晝个行路路線會經過竹東鎮公所、大同國小、中央市場轉到惠昌宮。歸路項有擺出香案來拜个信徒，就會拿著廟項送个平安麵線、壽桃一對。迎神个過程當中，有幾下十儕信徒全程跈等行，雖然迎神个規模毋大，全程跈等行乜拗蠻悿，乜因為恁樣感受著信徒大自家个熱情。在國王生日該日，續等兩日做大戲。
雖然迎神這恁多年正出現，毋過對竹東來講，乜係一件大事，因為惠昌宮毋單淨係地方上个信仰中心，還係本地人个精神寄託，兩百零年來三山國王保佑在這垤土地項个人民。這下傳統文化緊來緊挷直了，迎神活動个舉辦，分惠昌宮行出來摎信徒見面，還做得拉近廟項摎信徒間个距離。
華語
新竹縣竹東鎮惠昌宮，是竹東鎮的信仰中心，主要奉祀三山國王，分別為巾山、明山與獨山三位國王。本廟創設於清嘉慶十五年（1810年），由當時墾拓竹東的「金惠成」墾號發起、地方信士所創建，在其後又經歷多次的修建，廟名也從「國王宮」改為「惠昌宮」，藉以祈求能夠庇佑信徒「惠民昌茂」。至今廟內仍有淡水同知李慎彝「植良鋤莠」提匾，被惠昌宮視為鎮殿之寶。
每年農曆2月25日是大國王巾山國王的誕辰，也是惠昌宮重要的慶典之一。過去惠昌宮在三位國王誕辰時，主要的祝壽活動以誦經拜拜為主，自羅朝明董事長上任後，近年來惠昌宮多次申請勞動部多元就業開發案，廟方得以聘請人員進駐，開始辦理許多活動。對於傳統的祭儀有所調整，2019年開始在大國王誕辰時增加了遶境活動，在每年大國王誕辰的前一天，也就是農曆2月24日進行繞境。
今年度的大王生遶境活動，在3月15日盛大舉辦，上午八點從惠昌宮出發，車隊延著惠昌宮祭祀圈繞行，路線沿途經過陸豐里、番社庄福德祠、五豐里福德祠、榮華福德祠、菜園窩楊屋、大鄉福德祠、中山橋、樹杞林文化館。下午步行路線延著竹東鎮公所、大同國小、中央市場再回到惠昌宮。沿途有擺設香案之信徒，就收到廟方贈送的平安麵線、壽桃一對。遶境過程當中，有數十位信徒全程跟隨，雖然徒步遶境的規模不大，全程跟隨行走，也是相當消耗體力的一件事，也由此感受到眾信徒的熱情。在國王誕辰當天，連續兩天舉辦酬神戲。
雖然遶境是近年來才出現的祭典儀式，但對於竹東小鎮來說，卻是一件大事，畢竟惠昌宮不單單是地方上的信仰中心，更是在地居民的精神依託，兩百多年來三山國王庇佑著在這塊土地上的人民。在傳統民俗文化式微的今日，遶境活動的舉辦，讓惠昌宮主動走出去與信徒相見，更能拉近廟宇與信徒間的距離。
