今晡日公布大學繁星推薦錄取率百分之62个消息
【黃于娟／桃園平鎮四縣腔】今晡日大學甄選入學委員會公布112學年度大學繁星推薦管道第1類到第7類學群錄取个結果，做盡錄取率係百分之62.71，摎舊年111學年度个百分之61.81略略仔增加，增加了411儕入取个學生，不過今年逐間學校開出个科系名額，還係毋招生到1330儕學生，也代表少子化持續影響大學招生，今年度个繁星推薦，包含台灣大學（毋罅10儕）、台灣師範大學（毋罅3儕）、成功大學（毋罅17儕）、清華大學（毋罅8儕）這兜競爭當煞猛个學校，也出現招生毋罅个情形，所以私立學校過較嚴重，像係中國文化大學就還有257儕，真理大學152儕，長榮大學107儕學生招生招毋著。
最尾，甄選委員會提醒，今晡日朝晨9點起勢，考生做得拿學測考試个號碼、身分證號碼還有個人密碼去查詢分發个結果，另外，有分大學錄取个學生，大學會自家寄錄取通知單分學生；假使學生對錄取結果有疑狐，做得在3月22當晝12點以前，上網路申請複查。
厄瓜多5電視台收到裝USB炸彈信 其中一封爆炸
厄瓜多內政部長沙帕塔（Juan Zapata）表示，至少有5名任職於厄瓜多電視台與廣播電台的記者今晡日收到炸彈信，其中一封在記者將隨身碟插入電腦時，隨身碟便爆炸，好得該名記者只有輕微受傷，其他沒有人員傷亡。依據法新社報導，檢察官辦公室表示，已對「恐怖主義」犯罪展開調查，但並未說明為何這些新聞電視台被特別針對，或信件是由誰寄出，目前還在持續調查中。(中央社)
【客文版】
今晡日公布大學繁星推薦錄取率百分之62个消息
今晡日大學甄選入學委員會公布112學年度大學繁星推薦管道第1類到第7類學群錄取个結果，做盡錄取係百分之62.71，摎舊年111年度係61.81來比起來略略仔增加，增加了411儕入取个學生仔，毋過今年逐間學校開出个科系个名額，還係毋罅招著1330儕學生仔，也代表少子化持續影響著大學招生，今年度个繁星推薦，包含台灣大學（毋罅10儕）、台灣師範大學（毋罅3儕）、成功大學（毋罅17儕）、清華大學（毋罅8儕）這兜競爭當煞猛个學校，乜出現了招生毋罅个情況，故所私立學校會過較嚴重，像係中國文化大學就有257儕，真理大學152儕，長榮大學107儕學生仔都係招毋罅、招毋著。
最尾，甄選委員會提醒，今晡日朝晨頭9點開始，學生仔做得拿等學測考試个號碼、身分證還有個人个密碼去查詢分發个結果，另外，有分大學錄取个學生仔，大學會自家寄等錄取書通知單分學生仔；假使學生有對錄取有問題，做得在3月22號當晝12點以前，上網去申請複查。
厄瓜多5電視台收到裝USB炸彈信 其中一封爆炸
厄瓜多內政部長沙帕塔（Juan Zapata）表示，至少有5名任職在厄瓜多電視台摎廣播電台个記者今晡日收著了炸彈信，其中一封在記者將隨身碟插入電腦，隨身碟就黏時爆炸，好得該名記者單淨輕微个受傷，其他無人員傷亡。根據法新社个報導，檢察官辦公室表示，已對「恐怖主義」犯罪展開了調查，毋過並無說明為何係這兜新聞電視台特別針對，抑係講信件係由麼人來寄出，詳細情況還在持續調查中。(中央社)
｜講客廣播電臺－收聽頻率｜
▹宜蘭 FM102.9
▹北北基高屏 FM105.9
▹桃竹 FM105.7
▹苗中彰投 FM101.5
▹雲嘉南 FM104.3
▹花東 FM106.9
｜網路收聽｜
▹講客廣播電臺官網｜https://pse.is/R8RU8
▹講客廣播電臺APP｜
(Android連結：https://reurl.cc/8GWlXd )
(IOS連結：https://reurl.cc/O1pb59 )
