文／趙叔，文史工作者、客家樂評人，竹東饒平底客家人，這下戴竹東（海陸腔）
2023年，第56屆天穿日台灣客家山歌比賽，這擺圓滿辦忒了。
因為疫情个關係，山歌比賽有三年無辦，到今年正恢復，大自家講竹東係山歌城，斯係期待這一年一擺个山歌比賽，分外地來个人，做得聽山歌、逛市場。
等了三年正等著，今年个比賽共樣當鬧熱。往年个山歌比賽通棚辦四日，到今年正辦兩日定定。今年个比賽有分小調組、山歌組、長壽組、少年組還有對唱組。長壽組係70歲以上正做得參加；少年組係18歲以下正做得參加，其他歲數个人看要唱麼个調，斯做得報山歌組也係小調組。
雖然講參加个人還係盡多，毋過看幾下十年前頭擺比賽个相片，?俚做得發現來比賽个人摎來鬥鬧熱个人，確實無頭擺恁多。舊年開始，政府摎全國客家日從正月二十天穿日，改到12月28个還我母語運動日。這下天穿日毋係全國客家日，可能相對來講，這個節日同比賽，摎頭擺比起來，無恁重要了，故所辦理个規模正變到較細。
雖然講逐年个比賽全當鬧熱，毋過今年觀察下來，參加比賽个人有變較少，尤其這擺少年組斯有20組定定。從這點來看，會發現著傳統山歌文化个沒落，後生人會講客个人緊來緊少，所以曉唱山歌个後生人也緊來緊少。
還有一件事情係雖然現場看起來盡鬧熱，毋過轉去看網路斯發現，竹東人對山歌比賽其實無麼个感覺。雖然講有兜網路文章有講著這件事情，但係正式無造成麼个影響，還有當多人毋知有辦這擺个活動，有兜人係看著活動正知，對活動个內容乜無麼个了解。
山歌比賽還係愛繼續辦下去，對客家話、客家文化到山歌文化這兜都當重要。因為有比賽，正做得分有學習山歌个人一隻舞台。來參加比賽个人，做得來爭頭名， 係有得獎乜當有面子。像這下當有名个山歌先生王鳳珠頭擺也係從山歌比賽出來、賴仁政先生民國七十零年个時節，乜係在山歌比賽做樂師。頭擺參加過山歌比賽个人，這下有盡多係有名个山歌先生，這對學習山歌个人乜係一種支持。
最尾，人講竹東係山歌城，毋過在無比賽个時節，平常時去戲曲公園係聽毋著人唱山歌。對照頭先講著少年組報名个人恁少，斯做得看著傳統文化个沒落。假使講有辦法在戲曲公園拜六禮拜辦細場个唱山歌个活動，分戲曲公園時常聽著山歌，有恁樣个環境，正做得分山歌有一隻復興个機會。
華語
2023年，第56屆天穿日台灣客家山歌比賽，這次圓滿辦理。
因為疫情的關係，到今年為止停辦了三年，到今年才恢復，大家說竹東是山歌城，就是期待這一年一度的山歌比賽，讓外地來的人可以聽山歌、逛市場。
等了三年才等到，今年的比賽一樣非常熱鬧。以前每年的山歌比賽都是辦理四天，今年只辦理兩天。這次的比賽有分小調組、山歌組、長壽組、少年組還有對唱組。長壽組是70歲以上才能參加；少年組是18歲以下才能參加，其他歲數的人看要唱什麼調，可以報山歌組或是小調組。
雖說參加的人還是很多，但是看幾十年前的比賽相片，我們可以發現來比賽的人與來看熱鬧的人，確實不像以往那麼多。從去年開始，政府將全國客家日從正月二十天穿日，改到12月28日還我母語運動日。現在天穿日不是全國客家日，可能相對來講，這個節日與比賽跟以前相比，已經沒那麼重要了，所以辦理的規模才有所縮減。
雖說每年的比賽都非常熱鬧，但今年觀察下來，參加比賽的人有變少，尤其這次少年組只有20組參加。從這點來看，能夠發現傳統山歌文化的沒落，年輕人講客家話的越來越少，所以會唱山歌的年輕人也越來越少。
還有一件事情是雖然現場看起來很熱鬧，但回去看網路會發現，住在竹東的人對比賽其實沒什麼感覺。雖然有一些網路文章有提到此事，但確實沒造成什麼影響，還有許多人完全不知道有辦這個活動，有些人是看到活動才知道，但對活動內容不甚了解。
山歌比賽還是得繼續辦理下去，對客家話、客家文化到山歌文化等都很重要。因為有比賽，才能讓學習山歌的人有一個舞台。來參加比賽的人，能夠來爭取第一名，若有得名確實是相當有面子的事情。像現在很有名的山歌老師王鳳珠以前也曾經參加過山歌比賽，賴仁政老師在民國七十多年時，也在山歌比賽當做樂師。以前參加過山歌比賽的人，現在有很多是有名的山歌老師，這對學習山歌的人來說也是一種支持。
最後，人家說竹東是山歌城，但在比賽期間外，平常去戲曲公園是聽不到山歌的。對照先前提到少年組報名的人少，可以發現傳統文化的式微。若能在戲曲公園假日舉辦小型的山歌活動，讓戲曲公園時常能聽到山歌，有這樣的環境，才能讓山歌有一個復興的機會。
