美國立陶宛外長聯合聲明 致力強化與台灣經濟關係
【王于郡／南投四縣腔】美國國務卿Blinken摎立陶宛外交部長Landsbergis，雙方開會後發布聯合聲明，過一擺來強調，佢兜有在該關心中國持續在經濟項脅迫其他國家、破壞台海現下狀況个行為，強調美國有必要持續來應對北京做出个經濟脅迫，表示美國、立陶宛兩國應該愛來合作，捍衛有規則基礎个國際秩序。在台灣个議題頂項，聲明指出，兩儕外交部長期盼做得來強化立陶宛同台灣个經濟合作關係，支持台灣有意義 个參與國際活動，希望做得深化同台灣个連結。（中央社）
南國表藝節打破劇場空間 遍布屏東文化場域展演
2023南國表演藝術節个主題「在牆外」，係無受著空間个限制、滿哪仔都做得有藝術个概念，邀請了國內外有名个表演團隊去到屏東，屏東縣政府發布新聞稿表示，南國表演藝術節會展開8場劇場展演、6場戶外沉浸式劇場，表演範圍對屏東演藝廳、藝術館，延伸到屏菸1936文化基地、遺構公園、縣民公園、邱姓河南堂忠實第這兜空間。演出團體除忒優人神鼓、唐美雲歌仔戲團、風神寶寶兒童劇團、國光劇團、柏林愛樂首席樫本大進、瘋狂弦樂四劍客、新古典室內樂團、真快樂掌中劇團這兜精彩節目，4月到6月會在屏東演藝廳、藝術館來賣票、來演出。（中央社）
奇美博物館首推親子音樂會 動物派對啟發兒童想像
奇美博物館第一擺針對家庭族群設計、推出親子音樂會，會在4月8號舉辦「動物狂想」做主題个音樂會，跈等音樂來想像動物个聲音同型體，搭配有名个曲仔，來發展細人仔个想像力。館方指出，除忒全新規劃个親子音樂會，今年母親節音樂會，主題係「愛同熱情」，用風格強烈个拉丁曲目，來傳達母親優雅浪漫還有熱情，這兜無共樣个情感，會在5月6號來登場，由有名个聲樂家王喬怡、鋼琴家蘇俐方，還有分人安做「天才古典吉他演奏家」个林家瑋共同來演出。（中央社）
【客文版】
美國、立陶宛外交部長聯合聲明 愛來強化同台灣經濟關係
美國國務卿Blinken摎立陶宛外交部長Landsbergis，雙方開會後發布聯合聲明，過一擺來強調，佢兜有在該關心中國持續在經濟項脅迫其他國家、破壞台海現下狀況个行為，強調美國有必要持續來應對北京做出个經濟脅迫，表示美國、立陶宛兩國應該愛來合作，捍衛有規則基礎个國際秩序。在台灣个議題頂項，聲明指出，兩儕外交部長期盼做得來強化立陶宛摎台灣个經濟合作關係，支持台灣有意義个參與國際活動，希望做得深化同台灣个連結。
南國表藝節打破劇場空間
2023南國表演藝術節个主題「在牆外」，係無受著空間个限制、滿哪仔都做得有藝術个概念，邀請了國內外有名个表演團隊去到屏東，屏東縣政府發布新聞稿表示，南國表演藝術節會展開8場劇場展演、6場戶外沉浸式劇場，表演範圍對屏東演藝廳、藝術館，延伸到屏菸1936文化基地、遺構公園、縣民公園、邱姓河南堂忠實第這兜空間。演出團體除忒優人神鼓、唐美雲歌仔戲團、風神寶寶兒童劇團、國光劇團、柏林愛樂首席樫本大進、瘋狂弦樂四劍客、新古典室內樂團、真快樂掌中劇團這兜精彩節目，4月到6月會在屏東演藝廳、藝術館來賣票、來演出。
奇美博物館推出親子音樂會
奇美博物館第一擺針對家庭族群設計、推出親子音樂會，會在4月8號舉辦「動物狂想」做主題个音樂會，跈等音樂來想像動物个聲音同型體，搭配有名个曲仔，來發展細人仔个想像力。館方指出，除忒全新規劃个親子音樂會，今年母親節音樂會，主題係「愛同熱情」，用風格強烈个拉丁曲目，來傳達母親優雅浪漫還有熱情，這兜無共樣个情感，會在5月6號來登場，由有名个聲樂家王喬怡、鋼琴家蘇俐方，還有分人安做「天才古典吉他演奏家」个林家瑋共同來演出。
｜網路收聽｜
▹講客廣播電臺官網｜https://pse.is/R8RU8
▹講客廣播電臺APP｜
(Android連結：https://reurl.cc/8GWlXd)
(IOS連結：https://reurl.cc/O1pb59 )
