在地鄉親認為學校名仔挨音毋文雅 台中健民國小對8/1改名安到竹仔坑國小
【羅盛滿／新竹竹東海陸腔】台中市大里區健民國小因為有鄉親認為學校名仔挨音个關係，聽起來毋文雅，所以爭取改名仔，經過地方摎民意代表共下組成「學校更名推動小組」，還過由社區召開公聽會个程序，台中市政府日前核准健民國小个名仔改做「竹仔坑國小」，按算在8月初1會改名掛新个學校牌仔。
家長會長劉孟欣講，「竹仔坑」係當地个老地名，名仔改做「竹仔坑國小」符合本土化潮流，推算在改名仔過後，學校會變得還較好，會在現下个基礎頂項繼續向前邁進，還過推動竹仔坑地區進一步个發展。
新竹市議會捐贈40台良好退役筆記型電腦 幫助青草湖國小教學
新竹市議會今晡日捐贈40台保持良好个退役筆記型電腦分青草湖國小，希望?手學校先生在教學頂項使用，議會表示，電子化教學緊來緊頻繁，這批筆記型電腦做得協助先生在教學个時節還較利便。議會乜講，未來係網際網路、AI（人工智慧）世代，所以學校个教學思維乜愛跈得著時代潮流，電子化教學係最基礎摎當重要个，各種个科技產物就係學校摎世界連結个重要工具。
愛在嘉義食物銀行開張 提供弱勢邊緣戶緊急需求
嘉義市愛在嘉義婦幼關懷協會摎民進黨嘉義市黨部共下辦理个「愛在嘉義食物銀行」今晡日在市黨部開張，提供急難救助摎弱勢邊緣戶个需求，希望藉等這隻食物銀行做得幫助弱勢家庭度過難關。
「愛在嘉義食物銀行」今晡日成立還過開張，已經有民生用品物資排好上架，愛在嘉義婦幼關懷協會理事長黃露慧表示，在市黨部成立「愛在嘉義食物銀行」，做為各界捐贈物資，還過申請戶領取物資這兜用途使用，希望食物銀行做得黏皮幫助毋係中低收入个邊緣戶摎急難救助戶，針對申請人會逐隻半年審查資格，分物資用在正經有需求个鄉親身項。
｜講客廣播電臺－收聽頻率｜
▹宜蘭 FM102.9
▹北北基高屏 FM105.9
▹桃竹 FM105.7
▹苗中彰投 FM101.5
▹雲嘉南 FM104.3
▹花東 FM106.9
｜網路收聽｜
▹講客廣播電臺官網｜https://pse.is/R8RU8
▹講客廣播電臺APP｜
(Android連結：https://reurl.cc/8GWlXd)
(IOS連結：https://reurl.cc/O1pb59 )
