文／趙叔，文史工作者、客家樂評人，竹東饒平底客家人，這下戴竹東（海陸腔）
1957年，徐有庠先生成立亞洲水泥公司，在新竹縣橫山鄉成立第一間水泥廠，1960年起第一條流籠，1970年起了第二條流籠。當時亞洲水泥摎政府申請打礦50年，到2011年正停產。
紅毛泥（礦業）係新竹縣當有代表性个地方產業，工廠運作个時節，運送石頭个流籠在天頂行來行去，係當地當有代表性个景觀，也係當多人个共同記憶。該當時竹東摎橫山有當多人在水泥廠上班，聽老一輩个人講，頭擺橫山鄉三儕人斯有一儕到水泥廠上班。毋過在水泥廠運作个時節，脣頭个所在，滿哪位都會有白白个塵灰，對人个健康當毋好；再過來係做紅毛泥會摎山挖開來，乜當毋環保。
對當地人來講，頭擺亞泥水泥廠分當多人頭路，乜分當多家庭做得生活。在台三線行尞个時節，逐擺行到橫山沙坑斯會看著在天頂行个流籠，幾下十年來早斯變到當地當有名个景觀。
2022年經濟部宣布終止關西个採礦權，故所無法度再過開採石灰，亞洲水泥廠也在年底个時節宣布因為水泥廠愛關忒了，故所愛摎廠裡背肚个設備、流籠、全部拆淨淨。
因為幾十年來恁重要个地方文化景觀，全部拆忒大自家个回憶全部會打不見忒，當多文史工作者摎在地居民共下來，同新竹縣政府文化局申請，愛摎水泥廠个張料站、下料站、楯仔同流籠變到文化資產。
毋過亞洲水泥乜表示，逐年流籠同楯仔等設備，愛繳租金、愛保養，一年斯愛上千萬个銀，係當大个負擔。再過來，因為流籠行過个土地有三百零儕地主，假使列做古蹟，乜會有土地个爭議。
一月个時節文化局開了第一擺个會勘，當時同張料站、下料站摎楯仔列做暫定个文化景觀，流籠摎楯仔因為當在到該拆，會有危險，所以無列入暫定文化景觀裡背肚。2月6號第二擺會勘了後，文化局繼續愛做个係調查研究，對亞洲水泥廠个歷史、文化摎地方上个重要性做一隻完整个研究，這資料做出來愛分委員做參考。
調查做了以後還愛開公聽會，邀請關心這件事情个人共下來參詳，愛請大自家共同來關心，毋好分珍貴个回憶毋見忒。
華語
1957年，徐有庠先生成立亞洲水泥公司，在新竹縣橫山鄉成立第一間水泥廠，1960年興建第一條纜車索道，1970年興建第二條索道。當時亞洲水泥向政府申請採礦五十年，到2011年才停產。
水泥（礦業）是新竹縣極具代表性的地方產業，工廠運作時，運送石頭的索道在天空行走，是當地非常有代表性的景觀，也是很多人的共同記憶。當時竹東與橫山有相關多人在水泥廠上班，聽老一輩的人說，以前橫山鄉每三個人就有一人在水泥廠上班。但水泥廠運作時，附近地區，到處都是白白的灰，對人身體健康不好；再來就是礦業需要挖山，很不環保。
對當地人來說，以前亞泥水泥廠提供許多人就業機會，也讓許多家庭能夠生活下去。當行走在台三線時，每次走到橫山沙坑就會看在天上的索道，幾十年已經變成當地有名的景觀。
2022年經濟部宣布終止關西採礦權，已無法再過開採石灰，亞洲水泥廠也在年底宣布因為水泥廠要關廠，內部的設備、流籠、塔柱全部都要拆除。
幾十年來已經是重要的地方文化景觀，若全部拆除會讓大家的回憶全部消失，許多文史工作者與在地居民一同向新竹縣政府文化局申請，將水泥廠的裝料站、卸料站、塔柱與索道列為文化資產。
但是亞洲水泥也表示，每年索道與塔柱設備，需要支付租金、保養，一年就需要上千萬元，實在是很大的負擔。再者因索道通過的土地有三百多位地主，若被列為古蹟，也會有土地的爭議。
一月時文化局開了第一次會勘，當時將裝料站、卸料站以及連結塔柱列為暫定文化景觀，索道與塔柱因為已經在拆除當中有危險，所以不予列入暫定文化景觀當中。2月6號第二次的會勘後，文化局後續將進行調查研究，針對亞洲水泥廠的歷史、文化與對地方的重要性做一個通盤研究，這份資料將提供委員做參考。
調查完成後還要召開公聽會，邀請關心這件事情的一同來討論，要請大家共同來關心，不要讓珍貴的回憶消失。
