悼念228受難者 陳其邁講：歷史做得原諒 做毋得毋記得
【羅盛滿／新竹竹東海陸腔】高雄市政府今晡日上晝在高雄市228和平紀念公園舉行「高雄市228事件76週年追思紀念儀式」，市長陳其邁摎幾下個受難者家屬這兜儕出席。儀式在全場默哀1分鐘過後，由市政府代表摎花叢獻分受難者家屬代表，還過共下在和平紀念碑石前獻花。
陳其邁講，歷史做得原諒，但係歷史做毋得毋記得，愛記核在76年前个228事件，在台灣人追求民主自由過程當中所面對个痛心時刻。也希望台灣人都做得記核歷史教訓，莫又行毋著共樣个路，民主自由毋係天頂跌下來个，係需要大自家緊煞猛向前行个。
陳其邁乜以烏克蘭摎俄羅斯戰爭做例仔講，因為堅持毋摎惡勢力低頭，斯像台灣長久以來行在追求民主个路項，有盡多國家為台灣發聲，分國際看著台灣堅持追求民主自由个決心。期待大自家共心毋驚向前行。
愁慮分俄羅斯摎烏克蘭戰爭影響 匈牙利威茲航空停飛摩爾多瓦
匈牙利廉價航空威茲航空（Wizz Air）今晡日宣布，因為摎俄羅斯个關係緊來緊緊張乜為著安全个考量，續下來暫停所有往返摩爾多瓦个航枋。
根據法國新聞社報導，威茲航空聲明講：「因為這站仔?兜匈牙利个空中領域局勢發展摎高度但係毋急个風險，威茲航空做出艱難但係負責任个決定，從3月14起勢暫停所有飛向基希涅夫（Chisinau）个航枋。」
對一年前俄羅斯在烏克蘭發動攻勢以來，位在羅馬尼亞摎烏克蘭之間、人口有260萬儕个親歐洲共和國摩爾多瓦一直愁慮可能成為莫斯科个下一隻目標。
摩爾多瓦个領土有幾下擺分俄羅斯摎烏克蘭戰爭个砲火影響，所以還輒常關閉空中領域。
烏克蘭因為俄羅斯空襲基礎設施所停止出口電力過後，摩爾多瓦乜受著停電个影響，但係威茲航空係第一家宣布暫停航枋个航空公司。
摩爾多瓦基礎建設部今晡日對威茲航空个決定表示遺憾，還過保證遵守程序个航枋都做得安全飛行。
目前羅馬尼亞國有塔隆航空公司（Tarom）、摩爾多瓦航空（Air Moldova）還過土耳其航空公司（Turkish Airlines）个航枋都繼續飛向基希涅夫。
｜講客廣播電臺－收聽頻率｜
▹宜蘭 FM102.9
▹北北基高屏 FM105.9
▹桃竹 FM105.7
▹苗中彰投 FM101.5
▹雲嘉南 FM104.3
▹花東 FM106.9
｜網路收聽｜
▹講客廣播電臺官網｜https://pse.is/R8RU8
▹講客廣播電臺APP｜
(Android連結：https://reurl.cc/8GWlXd)
(IOS連結：https://reurl.cc/O1pb59 )
