文／黃筱婷，竹東客家人，這下戴竹東鎮（腔頭：海陸腔）

在清朝末年該當時，有兜漢人移民就渡海來臺灣到新竹縣芎林鄉這位開山打林，頭擺人淨用一雙手來開墾，實在當艱苦，佢等來个時節看著這位有盡多个九芎樹，所以就摎這位安到「九芎林」；大正九年个時節，當地个居民試著「九芎」這兩隻漢字摎「窮苦真久」个意思共樣，這隻地名个頭彩毋好，所以就摎「九」這隻字拿忒，這位就分人喊做「芎林」了。

芎林鄉係新竹縣最細个一隻鄉鎮，這位个車仔少，空氣乜較好，頭前溪係芎林鄉最主要个一條河壩，其實在地理方面來講，頭前溪乜係隔開竹東鎮芎林鄉个主要河壩，現下大部分个芎林鄉居民都係在莊下認真耕種果子做頭路。

芎林鄉歷史等久个一隻學校就係芎林國小了，芎林國小个位所在芎林鄉文林村，這隻學校在民國前十二年創立，該當時个名仔係「九芎林公學堂」，還暫時借人家屋來做教室分學生仔上課。

前駁仔?去到芎林國小運動个時節，堵堵好看著學堂裡背个圖書館「勤學園」面頭前，有一隻細人仔揹等樵、頭犁犁看書个雕塑，原來這就係日本統制臺灣个時節，在學校肚輒常做得看著个「二宮尊德雕像」；二宮尊德在做細人該下，佢个爺哀就先後過身了，從細到大佢日仔過著盡貧苦，毋過佢無因為家庭困苦就放棄佢自家个人生，佢長透摎自家講：「要好好過日仔，莫打爽時間。」

逐擺二宮尊德在上山撿樵个時節，佢總係會帶一本書去看，掌牛个時節，佢乜係擎等書本，就係希望做得學著緊來緊多个學問；等到二宮尊德成人長大過後，佢有影變成一隻當有名个土地改革家，佢提倡土地改革，係愛做著分民眾方便，分耕田人用新式个肥料做得有較好个收成，做得講係大自家个模範。

日本統制臺灣个時節，盡多學校肚就看得著二宮尊德背揹等樵、頭犁犁看書个銅像，這係學校希望做得鼓勵學生仔認真學習，下二擺做一個有用个人，乜莫因為家庭困苦就放棄自家个未來；二宮尊德日仔過著當窮苦，毋過佢從來就毋識怪怨別人，顛倒利用時間煞猛學習，佢个精神分?試著當欽服。

華語

在清朝末年的時候，有些漢人移民就過海來臺灣到新竹縣的芎林鄉這邊開闢荒野田地，以前的人僅用雙手開山拓野，實在很辛苦，他們來的時候看到這邊長滿了九芎樹，所以就把這裡叫做「九芎林」；大正九年的時候，當地的居民認為「九芎」這兩個字和「貧窮很久」的意思很相似，這個地名的兆頭不好，所以就把「九」這個字去掉，這裡就被稱為「芎林」了。

芎林鄉是新竹縣最小的一個鄉鎮，這裡的的車子少，空氣也比較好，頭前溪是芎林鄉最主要的一條河川，其實在地理方面來說，頭前溪也是分隔竹東鎮和芎林鄉的主要河流，目前大部分的芎林鄉居民都是在鄉下認真種植蔬果經營事業。

芎林鄉歷史最悠久的一座學校就是芎林國民小學了，芎林國小的位置在芎林鄉的文林村，這所學校創立於民國前十二年，當時的名字是「九芎林公學校」，還是暫時借民眾的住家來當做學校教室給學生上課。

前陣子我去到芎林國小運動的時候，剛好看到校園裡面的圖書館「勤學園」前方，有一座小孩背著木柴低著頭看書的雕像，原來這就是日本統治臺灣的時候，在學校裡面經常可以見到的「二宮尊德雕像」；二宮尊德在童年時期，他的父母親就先後過世了，從小到大他的日子非常貧苦，不過他沒有因為家境貧困就放棄他自己的人生，他時常和自己說：「要好好過日子，不要虛度光陰。」

每次二宮尊德在上山撿柴的時候，他總是會帶一本書看，放牛的時候，他也是拿著書本，就是希望能夠吸收多越來越多的知識；等到二宮尊德長大成人之後，他果然成為了一位非常有名的土地改革家，他所提倡的土地改革，是要做到便民，讓農民採用新型的肥料可以有更好的農作物收成，真的可以說是大家的好榜樣。

日本統治臺灣的時候，許多學校內就可以看到二宮尊德背著木材低頭看書的銅像，這是學校希望能夠鼓勵學生認真學習，將來做一個有用的人，也不要因為家庭貧困就放棄自己的未來；二宮尊德生活過得很窮苦，但他從不怨天尤人，反而利用時間努力學習，他的精神讓我覺得相當佩服。