客委會外譯文學計畫今發表！　精彩客家文學正式與世界文壇連結

2023年01月31日

00:00

客家委員會發表摎客家文學翻譯變作英文个消息

【苗栗西湖海陸腔／蘇佑昇】客委會今晡日下晝在台北世貿一館舉辦「2021年到2023年个客家文學作品翻譯摎海外推廣階段成果發表會」，發表會當中，客委會會特別紹介這擺翻譯个作品摎作家，客委會主委楊長鎮還有這擺个翻譯計畫作品个作者吳錦發、張芳慈、李旺台，還有杜潘芳格个妹仔杜佳陽、李喬文學協會理事劉慧真也有出席發表會摎客家文學翻譯階段成果宣傳。

今晡日發表會特別个係，文學家彭瑞金、吳錦發在現場也摎大家說明這擺个外譯計畫成果、客家文學个價值，同時，也紹介做麼概會選這兜客家文學家个作品來翻譯出版到國外，希望台灣客家文學个力量還有美好做得分全世界看到。
客委會主委楊長鎮表示，因為感覺客家文學个特別做毋得淨在台灣分台灣人看到定定，應該愛大量推廣到國外「打世界盃」分全世界看到台灣客家文學。
所以，客委會在2021年9月開始，進行了這項外譯計畫。這擺个計畫，除了翻譯還有出版之外，也尋多隻國外文學得獎个可能，像係2022年11月，客家作家曾貴海醫生就成功得到厄瓜多瓜亞基亞國際詩歌節个國際詩人獎，這隻獎項也係第一擺頒發分亞洲人，也摎這隻計畫增加了當多信心，之後客委會也會跈手優秀个客家文學家持續去爭取得得獎个機會，希望分過較多人認識客家文學世界。

《靛花》季刊主角杜潘芳格超珍貴文物首度曝光！

【蘇佑昇／桃園報導】「杜潘芳格不是高高在上的詩人，而是生活中的詩人」杜潘芳格的長子杜興政、長女杜常華這樣說道。…

美國按算5月11結束COVID-19疫情緊急狀態个消息

美國總統拜登今晡日通知國會，他按算在5月11結束因為COVID-19疫情宣布个雙重國家緊急狀態。這麼代表美國3年緊急狀態之後，做得開始恢復正常个生活。
根據美國疾病管制摎預防中心（Centers for Disease Control and Prevention）个數據，從2020年以來，美國已經有超過110萬沙因為遰到COVID-19過身，上禮拜過有3700沙過身。
毋過美國評估目前確診病例人數在今年冷天有下降个情形，摎前兩年个冷天相比大幅降下來，加上病毒篩檢還有摎公共衛生官員通報个數量也大幅減少，所以按算5月11會宣布結束雙重國家緊急狀態。