文／鍾孝昇，國小教師，中壢客家人，這下戴中壢（腔頭：四縣腔）
這幾年，時常轉老屋，行行尞尞，晒日頭順續遶山花，日仔過到當恬靜。毋過，轉屋恁多擺，都無堵著像今晡日恁樣，濛沙煙摎歸隻仔山頭蒙等个天時，濛到?尋毋著這埋等?認識無兩三年个老狗仔，佢安葬个位所。
小黃摎小白係阿龍叔畜在山項个兩條狗仔，「狗」就像厥名仔樣，佢倆儕一黃一白，共下保護老屋羊舍个安全，到今乜有十過年了。毋過，阿龍叔過身後，羊舍乜無過畜羊仔了，小黃摎小白就在阿寶叔摎阿龍叔姆个照顧下，在這位安養天年。
這兩年，阿爸退休後，?輒輒渡等爺哀轉老屋，一方面做得在老屋跡附近遶尞，回憶頭擺个生活，一方面乜做得緊行緊坐，運動一下欸。小黃摎小白就係?逐擺轉老屋，定著愛去見面，順續帶兜仔東西分佢兜个狗朋友。
毋過，認識佢兜該央時，小黃摎小白都有歲數了。小白雖然一隻腳斷忒，還係當顧家，係講有人想愛偎兼羊舍，佢就會大嫲聲吠到毋會停，?想佢身體應該還當康健。性體當溫和个小黃身體就無恁好，兩粒核卵大嫲隻，摎圓身盡無鬥搭，驚怕係發病了，毋過因爭逐擺來飼佢，小黃乜無麼个特別个問題，故所對佢个健康，?乜毋想恁多。
前兩日家族LIEN个群組項，阿龍叔姆摎大自家講小黃過身个消息，分?著驚著，乜試著當毋盼得。因為上禮拜?去山頂餵佢兜个時節，兩隻狗仔無麼个特別，唯一無共樣个，就係平常食東西毋遽个小黃，該日食到比小白還較遽，佢一口一口緊食罐仔肚个肉，就像頭擺阿龍叔餵佢食東西共樣，當享受主人分佢个獎賞。
寵物旋旋風過身，總係分主人無結無煞。毌過，這乜做得講係寵物對主人个貼心，驚怕連累著主人，乜毋盼得主人心肝肚艱苦。雖然?算毋上係小黃个主人，毋過小黃突然間个離開，無拖亡忒久，應當係佢想用另外一種个方式，感謝這幾年照顧佢个人。
今晡日，?帶等狗罐頭、飼料，還過銀紙、蓮花，請老屋个雞竇窩伯公摎小黃帶在脣項，乜請伯公摎?兜帶來个東西，交分小黃，打幫小黃多年來恁用心守護家族摎家鄉。?手擎清香，誠心來拜喏。正經，伯公黏時就聖筊應承，分小黃跈在身邊，繼續用佢該篤實个笑容，看顧著這片青山。
離開老屋，濛沙煙漸漸消散忒，日頭花對彩和山頭開出來，開到滿山花剌必駁，淰淰、靚靚个花。?想這該當係小黃愛分?个盡尾一隻笑容，佢愛用這燒暖个日頭花，摎?講：「承蒙你，?个好朋友，下二擺還要記得帶東西分?食喔。」
華語
這幾年常常回老家走走逛逛，曬太陽順便漫遊山林美景，日子過得十分恬靜。不過，回老家這麼多次，都沒遇到像今天這樣，雲霧壟罩整個山頭的天氣，朦朧到我幾乎找不到安葬小黃的位置，這埋葬著我認識不到兩三年的老狗，他安息的地方。
小黃和小白是阿龍叔養在山上的兩隻狗，狗與其名，他們倆一黃一白，共同保護著老家羊舍的安全，至今也有十多年了。不過阿龍叔過世後，羊舍不再養羊了，小黃和小白就在阿寶叔和阿龍叔母的照顧下，在此安養天年。
這兩年，父親退休後，我常常帶著父母回老家，一方面可以在老家附近散步、閒聊，回味過去生活的樂趣，一方面也可以邊走邊運動、健身一下，而小黃和小白就是我每次回老家，一定要去見面，順便帶點東西給他們的狗朋友。
不過認識他們時，小黃、小白都已經有了歲數。小白雖然斷了一隻腳，但還是相當顧家，若是有人想要靠近羊舍，他就會大聲吠不停，我想他應該還相當健康的。性情相當溫和的小黃，身體狀況就沒這麼好了，兩顆大大顆的睪丸和身體一點都不相稱，我想他應該是生病了，不過因為每次來餵他時，他也沒有特別的狀況，所以我對他的健康情況也沒有太多想。
前兩天在家族LINE群組上，阿龍叔母和大家說出小黃往生的消息，讓我十分震驚，也讓我覺得非常捨不得，因為就在上禮拜，我去山上餵他們時，兩隻狗並沒有什麼特別之處，唯一不一樣的，就是平常吃東西不那麼快的小黃，那天吃東西的速度，竟然比小白還要快，他一口一口吃著罐頭裡的肉，就像過去阿龍叔餵養時那樣，快樂地享受著主人給他的獎賞。
寵物的突然離世，總是讓主人不知所措，不過，這也可以說是寵物對主人的貼心吧，恐怕連累到主人，也捨不得主人心裡感到難過。雖然，我算不上是小黃的主人，不過小黃突然的離開，沒有拖著病痛太久，應該也是他想用另外一種方式，來感謝我這個幾年來照顧他的人吧。
今天我帶著狗罐頭、飼料，還有紙錢、蓮花，請家鄉雞竇窩伯公，將小黃帶在身邊，也請伯公將我帶來的東西交給小黃，感謝他多年來，用心照顧我們的家族和家鄉。我手持清香，誠心祭拜。真的，伯公馬上就用聖爻允諾，要將小黃帶在他身邊，繼續用他那忠厚老實的笑容，看顧著這片青山。
離開老家時，山嵐濃霧漸漸消散，陽光就像一朵朵鮮花，從彩和山頂綻放開來，開出了滿山，色彩斑斕、亮麗的花。我想這應該是小黃要給我的最後一個笑容吧，他要用這溫馨的花朵，跟我說：「謝謝你，我的好朋友。下一次，還要記得帶點食物來給我吃喔。」
