文／黃筱婷，竹東客家人，這下戴竹東鎮（腔頭：海陸腔）
客家籍文學家鍾理和先生在屏東縣高樹鄉个廣興村出世，這位係一隻當傳統个六堆客家莊，廣興村原旦安到「新大路關」，「舊大路關」斯係今這下个廣福村；其實廣福村正係最早个大路關，毋過後來因為發大水，大自家就徙到地形較平个位所戴，所以這下正會有「新大路關」摎「舊大路關」个講法。
鍾理和个阿爸原來个名仔安到鍾鎮榮，佢先後討了幾下個餔娘，鍾理和个阿姆係二房，在甲午戰爭過後，鍾鎮榮因為毋甘願分日本統治，所以斯改名仔安到鍾番薯；下後鍾屋開始經商做生理，賺了當多錢以後，鍾番薯就聘請先生到屋下教鍾理和摎鍾和鳴兩兄弟，乜係因為先生用心个教導，鍾理和摎鍾和鳴兩儕成人長大以後正有當好个發展。
鍾理和十八歲以前斯戴在三山國王廟就近，老屋係一間用磚仔起个伙房屋，看得出來當砸磳；在老屋脣有種夜來香摎桂花樹，客家人盡好在屋脣種這兜樹仔，所以夜來香摎桂花樹輒常分人喊做「客家樹仔」，?在遠遠个所在就鼻得著花香；右手片个第一隻間肚係鍾理和細細時節摎厥婆共下睡目个所在，第二間斯係鍾理和出世个間房。廳下个磚仔壁項有打兩隻窟仔做得放煤油燈盞，這係因為頭擺還吂有電火；廳下外背有一隻有百零年歷史，用紅毛泥打个水窖，做得囤雨水，恁樣斯毋使操煩無水好用了。
鍾理和想愛摎共姓還過年紀較大个鍾台妹結公婆，但係厥家族毋允准，佢兩儕試着無結無煞，高不將決定愛離開故鄉，佢兜先後去到瀋陽摎北京，到一九四六年正倒轉來臺灣；鍾理和寫个書肚講到佢自家童年在莊下生活个回憶盡多擺，對家鄉个鄉土人情乜有當多詳細个描寫，雖然鍾理和著着肺病，毋過佢還係煞猛打拚寫了當多个文章。有一擺鍾理和突然間嘔盡多血，該當時正四十四歲个鍾理和斯恁樣過身，實在分人試着當可惜。
鍾理和係臺灣文壇當重要个一個文學家，?胚想係因為可能係廣興村个路頭較遠，?落來該下，歸隻莊頭乜無麼个人，當恬靜，希望大自家有閒做得來這位看下這個客家籍文學家童年生活个位所。
華語
客家籍文學家鍾理和先生出生在屏東縣高樹鄉的廣興村，這裡是一個非常傳統的六堆客家村落，廣興村以前叫做「新大路關」，「舊大路關」指的就是現在的廣福村；其實廣福村才是最早的大路關，不過後來因為發生水災，大家就搬到地勢比較平坦的地方居住，所以現在才會有「新大路關」與「舊大路關」的說法。
鍾理和的父親原來的名字叫做鍾鎮榮，他先後娶了好幾位妻子，鍾理和的母親劉水妹為二房，在甲午戰爭之後，鍾鎮榮因為不願意被日本統治，所以就改名叫做鍾番薯；之後鍾家開始經商做生意，賺了許多錢之後，鍾番薯就聘請老師到家裡教導鍾理和及鍾和鳴兩兄弟，也是因為老師的用心教導，鍾理和與鍾和鳴兩位長大成人後有很好的發展。
鍾理和十八歲前所居住的地方就在三山國王廟附近，故居是一座用紅磚砌成夥房屋，看得出十分穩固；在故居內有夜來香與桂花樹，客家人很喜歡在住家附近種植這些樹，所以夜來香與桂花樹常被人稱為是「客家樹」，我在遠遠的地方就可以聞到花香；右側的第一個房間是鍾理和小時候與他的祖母一起歇息的地方，第二間則是鍾理和出生時的房間，正廳的磚牆上還有兩個小洞可以用來放置煤油燈，這是因為以前還沒有電燈的關係；廳堂外有一個已經有一百多年的歷史，用水泥砌成的水窖，可以儲存雨水，這樣就不用擔心沒有水可以使用了。
鍾理和想要與同姓氏且年紀稍長的鍾台妹結婚，但是他家族就是不答應，他們兩人感覺不知如何是好，不得已決定要逃離故鄉，他們先後去到瀋陽和北京，到一九四六年才返回臺灣；鍾理和的書籍裡面提及他自己童年在鄉下生活的回憶很多次，對於家鄉的鄉土人情也有許多詳細的描寫，鍾理和罹患肺病，不過他還是認真寫出許多的文章，但是有一次鍾理和突然大量吐血，那時候才四十四歲的鍾理和就這樣過世，實在讓人覺得很可惜。
鍾理和可以說是臺灣文壇非常重要的一位文學家，我猜想可能是廣興村的路途比較遠，我進來的時候，整座村莊也沒有什麼人，非常安靜，希望大家有空能夠來到這裡看看這位客家籍文學家童年過日子的地方。
